عندنا مطر وبرد واجازه بالرياض .. و حنيني لعيون الي طلبوني اياه في الخاص ..

@missnonos

السلام عليكم ورحمه الله وبركاته ..
كيفكوم ياعسوولات ...كيف الجو معاكم يازين الاجازه خخخخ يارب بكره بعد
لكل الي سالني عن الحنيني بالخاص والموضوع الي نزلته قبل كذا وكما وعدتكم بشرح الطريقه بالخطوات المصووره << يالله عندنا شغل كثير

نبدا بسم الله ..


اولا هذا كاس المقدار تبع الدقيق

انا حطيت اربع كاسات دقيق بر وفيك تحطين نصه ابيض على راحتك وترشين ملح عليه



وصبي عليه مويه وياليت يكون دفعه وحده عشان مايتكلكع عليك << بالعافيه كتبتها ههههه وحركيه بالمضرب اليدوي لين يصير مثل خليط الكيك


وادهني الصاج شويه زيت لين يحمى وصبي عليه من العجينه انا المقدار الي عندي جاب 4 صواني 2 كبيره و2 صغيره وصبي بحيث تكون شوي عريضه واتركيه على نار هاديه


وغطيها ...



ولا تشيلين الغطاء عنها لين تنشف من فوق يعني مايكون عجينه من فوق كذا ..



واقلبيه وشيلي الغطاء مانحتاجه الحين..



ويكون بها الوقت عندك مويه مغليه مهمه هالخطووه ..

وتاخذين القرص وتحطينه جوه المويه المغليه بها الطريقه..



وتشيلينه بصحن على طول لانه راح يتقطع معاكي..



بنااات بليزز لحد يرد الموضوع طووويل برررب

155 تعليق 23,671 مشاهدة

0 0

شاركي في النقاش

سجلي الدخول لإضافة تعليق.

التعليقات

150

  1. @missnonos

    صاحبة الموضوع
    باااك ..

    وحطيناه بالصحن ..

    ونجيب عجينه تمر وانتي تتحكمين بكميه التمر اذا كان وسط حلو فيه ناس تحبه التمر كثير بس يطلع حالي بزياده



    ونفرمه بفرامه اللحم مع التمر بها الشكل ...


    ويصير بها الشكل..


    واعجنه بيدي ليسهل علي تقلبيه على النار ..


    واحط عليه اصبع زبده واقلبه على نار هاديه لدرجه ان العجين تختفي معالمه وماتفرقين بينه وبين التمر << عليها شرح اصبروا عليه وبس

    وكذا ..



    وتقلبينه بالحافظه وبنتي كالعاده رازه يدها ..


    وكذا ..

    وكذا...




    برب لحد يرد

  2. @missnonos

    صاحبة الموضوع
    باااك ..

    وتحطين عليه نص او ربع قالب زبده وترتبينه




    انا قدمته مع حليب انما ايه مثل حليب العاذريه

    تجيبن حليب وتاخذين منه اربع كاسات كبيره وخليه على النار لحد مايغلي


    وحطي بالترمس حق الحليب زنجبيل مبشور 2 شاهي وفنجان ونص سكر على حسب الرغبه وصبي الحليب المغلي عليهم وربي ابدااااع ومميز مع الحنيني

    واترككم مع الصور ...




    وقدمته مع فلافل الفرن مطلووبه عندنا بايام الاجازه وتكون العائله كلها مجتمعه ماشاء الله ..




    والحليب ابداااع ..


    وسلامتكم ااااااااااخ تعبت ...

    ومابي غير دعواتكم لي بتفريج همي ..

    والي عجبها لاتنسى التقييم ..وانتظروني بجديدي اكله شعبيه مدري وش اسمها اذا كان بكره اجازه ههه ماعندنا اجازه انتظروني يوم الخميس يالله ياحلووات

    دمتم بود ..

  3. @safia_1

    ماشاءالله تبارك الله عليكي وتسلم هالايادي ..والله شهيتيني مرة حتى اعتقد ان هاذي طريقة بنفس طريقة اليمنيات وهاذي وجبة معروفة باليمن ومايستغنوا عنها ابدا ..ربي يحميكي ومشكورة ع الفكرة

تابعي تجارب أخرى من هذا القسم.