يابنات ساعدوني ... بشرتي صارت دمااااااااار :(

السلام عليكم ورحمة الله وركاته ....


أخواتي عضوات عالم حواء ... ودي أستشيركم في أفضل الخلطات الطبيعية أو الكريمات اللي ممكن تشيل أثر الحبوب لأن مشكلتي باختصار هي :-

محسوبتكم وحده هبلا ما تسمع الكلام وكل ما طلعت في وجهها حبة داخلية قعدت تعصر فيها ستطعش مرة إلين ما تعلّم وتصير بقعة سوداء ...

طبعاً أنا بشرتي كانت وش زينها تضرب بها الأمثال <<00 الله من النصب :rolleyes:


وأنا ألحين خشمي صار كله بقع بنيه هي مو مرة مشوهه بس أنا طفشت من شكلها ...

وترا بشرتي من النوع الجاف الدهني <<---- كيف تجي ذي ما أدري :icon32:
هم بعد إلى الآن الحبوب تطلع فيني وزايدة هاليومين ...



المهم الله يسلمكم ودي بحل لها المشكلة ، ودي بكريمات أو خلطات طبيعية تنفع ....


واللي عندها علم بزيت الجلسرين كيف أسوي فيه وش فوائده تعلمني ولا تبخل علي ....


وسلامتكم :wink:

10 تعليق 1,827 مشاهدة

شاركي في النقاش

سجلي الدخول لإضافة تعليق.

التعليقات

9
  1. @dsooooomah_1

    صاحبة الموضوع
    عط الفواكه ...

    تقصدين تقشير اللي يطول ، ويطلع وجهي كأنه تفاح مقرش :) ، هذا ما أقدر أسوي ألحين أنا أدرس في الجامعة بيطلع شكلي تحفه بعدين :)

    شكراً عطر الفواكه وجزاك الله خير ..





    مرحباً نملة ..
    شورتك وهداية الله بس وش تنصحيني فيه أباجي غالين على غير سنع :)

    وديرما أدفع 150 عشان بس يقول ( استمري )

    أنا أبي شيء صدق ، وتطلع نتايجه بسرعه خلال شهر تقريباً ألاحظ التغير ... ولا أنتِ مو معي ؟؟؟
  2. @almhllh

    اختي في المنتدى وايد خلطات مكتوبه لازالة البقع وعملية التقشير
    وانا بقولج وحده من هذه الخلطات الطبيعيه وحده من المشاركات كاتبتنها
    وفعلا بتحسين بالفرق من اول يوم وانشاء الله بتستفيدين منها
    وهي
    قشور ثلاث موزات
    ليمونه مع قشورها
    بطاطه واحده مفوره (تغلى بالماء الحار حتى النضج)
    علبة حليب صغيره طازجه
    تخلط جميع المقادير في الخلاط وتوضع في علبه زجاجيه وتوضع في الثلاجه
    كل يوم تاخذين منها القليل وتفركين فيها ويهج بشكل دائري لمده خمس دقائق
    وبعدين اغسلي ويهج
    وارجعي حطي القليل من الخلطه مره ثانيه كقناع واتركيه لمدة نصف ساعه او ساعه
    وهذي الخلطه نافعه حق كل الجسم في اي مكان توجد بقعه سوده بأمكانك اخذ القليل من الخلطه وفرك هذي المنطقه
    واتمنى انها تفيدج
    والدعاء حق صاحبه الخلطه
  3. @dsooooomah_1

    صاحبة الموضوع
    الله يجزاك الجنة يا المهلله ، والله ما أدري كيف أشكرك ...

    لكن عندي سؤال :-
    قشور الثلاث موزات ، والليمونه مع قشورها أطبخهم ولا على طول أحطهم بالخلاطة ...

    هم بعد الليمونه أقشرها وأحطها ويا قشرها في الخلاط ولا أحطها بقشرها بدون لأقشرها ...



    معليش تراني والله ما أفهم شيء بالخلطات ، تحمليني يالغالية : )
  4. @almhllh

    الكل اخوات في المنتدى والكل في الخدمه والكل يحب الخير والاجر
    ونحن في الخدمه
    قشور ثلاث موزات فقط بدون الثمره اللي داخل
    والليمونه باكملها (الثمره مع القشور)
    وقشور الموز مع الليمونه بدون طبخ

تابعي تجارب أخرى من هذا القسم.