الملف الرابـــــــــع لبنات المدينه عن المستشفيات والاطباء ملف تفاعلي
متابعة النقاش، صفحة 38
شاركي في النقاش
سجلي الدخول لإضافة تعليق.
التعليقات
1,871- السلام عليكم اخواتي الكريمات انا اتابع في الوطني عند هشام الاستشاري لان ولادتي الاولى كانت قيصريه والسبب اني دخلت في العاشر ومافي طلق وقالو بعد اشاعه الحوض ان مدخل الحوض ضيق علشان كذا قررو عمليه وحولتني الدكتوره عزه على هشام وقال عمليه على طول والحمدلله السؤؤؤؤؤؤؤؤؤؤؤؤؤؤؤؤؤؤؤال انا الان في الشهر ال7وش تتوقعون عمليه ؟؟؟؟؟؟؟؟؟تكفوون الي عندها خبره لا تبخل علي
- مسااااااء الخير ياكروششششششات
بنات من جد لو اقولكم عن تجربتي مع دكتوره فوزيه راح تتعقدوا ولا تروحوا لها
توته توته ماشاء الله عليكي دمك عسل بس الحقيقه انو الفراسه ماتجي لوحدها الا اذا كان الانسان ذكي ولماح ومبروووووووك البنوته الله يرزقك برها ويسهل عليكي ولادتها
عقبالي نفسي ببنت حتى بنتي بتنخبل عالبنوتات نفسها بأخت
محاره حبيبتي المدرسه الي بالتلال على يدك اليمين وانتي رايحه للتلال لا مش مجمع ابتدائيه بس بالنسبه لاخس مدرسه افتكرتها 81 وانا قلت لك صارت لبنتي مشكله فيها وكنت اتابع مع وحده من المشرفات بخصوص المشكله وبعدين لمن انتهت المشكله انا قلت لها بخرج بنتي لان المدرسه سيئه قامت مدحتلي المدرسه (حاجه وسبعون ) ههههههه لسه ماتاكدت من اسمها وقالتلي ان المدرسات متميزات ومافيها مشاكل وان الاداريات قمه بالاخلاق والتميز والابتدائيه 61 بنتي درست فيها لحد رابع حليوه بس يبغالك ماتسكتي عن درجات بنتك او اي تجاهل بس اذا رحتي لهم خاصة المرشده الطلابيه خلوقه جدا وتعالج مشاكل الطالبات بجديه يعني انا كنت اروح لها على طول تنحل المشكله على عكس المديره ماتهش ولا تنش بس دحين ماادري تغيرت ولا مازالت على وضعها
الوادي المبارك مااعرف عنو شي بالنسبه لمخطط طيبه الابتدائيه انس بن النضر فيها اولادي مره خطيررره والمدرسيين رائعيين بس البنات مااعرف عنها شي الله يعينك على البحث واسالي لحد ماتطمني
شوفتوا يابنات نرجع لموضوعنا اليوم معاي الالام شديده في ظهري وبطني تحت السره بشوي لدرجة مو قادره اوقف بس مو طلق انا اعرف الطلق كيف ماادري برد ولا ئيش ولمن انام واصحى يروح ولمن اوقف شويه يعني اسوي الغدا يرجعلي مره ثانيه ماادري ئيش فيه بنات ترى خلصت شهري بالسونار من يومين غير انو بحساب الدوره لي 3 اسابيع مخلصه - اختي حرمه محترمه اسمك رهيييب ههههه
الله يقومك بالسلامه يارب
طيب انتي مو تراجعي عند الدكتور اكيد مسويلك سونار ماقالك كيف الحوض عندك اذا كان ضيق فالله اعلم بتكون ولاداتك كلها قيصري زي قريبتي نفس وضعك لاكن مو شرط الولاده الثانيه هي الي تحدد ممكن سبحان الله يتوسع الحوض وتولدي طبيعي ان شاء الله تولدي طبيعي وتتسهل امورك يارب - مرحبا بنوتات انا ضيفة جديدة عليكم بالمدينة لي بس سنة ونص واتبهدلت مع مستشفياتكم والله انتو ماقصرتوا استفدت منكم كتير ربي يسعدكم
قلتوا الاحمدي ورحت ببداية حملي لامل والله دكتورة محترمة حبيت هدوئها ورزانتها
وبعدين قلتوا فوزية احسن
ورحت لفوزية بالتاسع لاني اراجع بالرياض عند اهلي بعض الشهور وكل شي تمام
ولما جيت فوزية فجعتني وقالت الموية ناقصة وقالت لازم ابر حديد واذا مااخذت الابر قالت تنقلي دم وكلام كثير بصراحة ماارتحت ابد لكلامها ماهي شاطرة ابدا
ودقيت على دكتورتي بالرياض وسالتها ان كنت احتاج ابر حديد قالت لا ابدا ودمي ممتاز وتحاليلي كويسة
واستخرت ورحت لعفت بعد مدحكم لها والله ماشاء الله هادية وفاهمة شغلها وبالتصوير قالت موية الجنين مضبوطة وكل شي تمام
وطلبتها تولدني بالطلق الصناعي لاني باخر التاسع وتعبت مرة من الطلق البارد الللي يجي ويروح
لكنها رفضت وقال لماتعدي التاسع باسبوع كمان واصبري وان شاء الله تولدي طبيعي
والله ارتحت لها ربي يسعدها بس انا مستعجلة وابغى اولد بالصناعي وعندي بنتين ولدتهم بالصناعي والله احسن من الطبيعي لاني جربت الطبيعي بولدي وبغيت اموت
بس خلاص املي بالله وحده اني اولد واخلص ربي ييسر لي ولكم واهم شئ الدعااااااااء يابنات كل شئ بامر الله سبحانه - بس بسال لوجتني الولادة اروح المستشفى واطلب عفت يستدعوها لي عادي؟ لان ماعندي رقمها وانا مرتاحة معها ولا اي احد يولدني ارجوكم ردوا علي كيف اطلبهاوانا مامعي رقمها؟
وكيف اطلب الخياطة التجميلية عندهم وهل عليها سعر لان اهم شئ عندي الخياطة تكون تمام وكيف خياطة عفت كويسة ولا؟
مواضيع مشابهة
تابعي تجارب أخرى من هذا القسم.