°•.• تجمّع الأمل 52 للمقدمآت والمنتظرآت نَتِيجَة أطْفآل الأنابيب والحقن المجهَري •.•°

لاتروحين موووت برد
بيلعب فيك البراد نصيحة لاتروحين وتضيعين تعبك يالغالية

مرحبا بنات ،،، اخباركم


انا اليوم لي عاشر من الترجيع وسويت تحليل منزلي وسالب :(

ضاق صدري مرره بس قعدت اواسي نفسي واقول اصلا مستحيل يبين الحين

تتوقعون حتى لو فيه حمل مايبين الحين ...!

احيانا حتى تحليل الدم العادي مايبين
تحليل الدم الهرموني هو اللي يقدر يبينها من اليوم العاشر

كثير حللوا بعد ماكان سالب بالتحليل المنزلي وصار حمل
الدم معروف يبين اسرع من المنزلي والهرموني اسرع واسرع

آمين الله يجزاك خير

المفروض اذا كانت سيئة مايكمل العمليه ويخبرك
باذن الله تكوني حامل وكل شيء بيد الله

انا حاسة فيك بحمل ضرتك
انا المشكلة من زوجي
هو كان متزوج قبلي واخر طفل له كان عمره 5او4 سنوات يوم اتزوج ومالله كتب لنا حمل لان كان معه ضعف وبعد 6 سنوات اتزوج علي وحده اكبر مني ب12 سنة كانت مطلقه وعندها طفله
وانا زعلت وقتها وفرحت بنفس الوقت عشان كل الي كانوا يتكلمون عني اني ماجيب او مافيني ضنى يفهمون الحقيقه
والان الي اخذها عمرها 43او42لها 4 سنوات وماجابت وجالسين يقنعوها حريمه انها تسوي اطفال الانابيب بالرغم اني انا ما احد كلمني او نصحني اتعالج مادري هل يحسبون اني انا ما اجيب او كله حسد وغيرة مادري
انا المفروض بعمر بناتهم ومعاملتهم مثل معاملة بنت لامها او اختها الكبيره
لكن باذن اللعه ربي يعوضني بالذريه الي تنسيني حرمان هالسنين

آمينم يارب

لا انا لسى بالمنشطات
وبلشت فيها ما عرفت استخدمها بالعضل
لكن بحاول اليوم وإن شاء الله تضبط

نصيحه لا تروحين
اتذكر بتجربتي الاولى جاني ولد زوجي عزمني بنفسه لعشى عنده واستحيت لا ارده واتحجج وهو شايفني مافيني الا العافيه وكان وقتها اليوم العاشر
ولما رحت طولت مارجعت لان الولد الصغير الي بيرجعني كان متابع شيء ب،t.v
ووقتها حسيت بالم بسيط مثل الم الدوره وقبل هذا اليوم كان كل شي ء سليم
وطبعاً قمت اشيل معهم السفرة صح اني ما شلت غير السفرة لكن قعدت اسوي نفسي اشتغل عشان ما احد يحس فيني
لاني معودتهم اني دايم اساعد
وزوجي سار يحط الوم علي عشاني رحت
هالمرة شكلي ماراح اطلع من البيت ابداً >>>مجهزة كم عذر

انا الي اعرفه انه من بعد اليوم 14 يبان
ومالومك على استعجالك لكن حاولي تعشين هذي الاسبوعين كانك حامل ولاتحرمين نفسك من الشعور بالحمل لو لفترة بسيطة
الله يثبت لك اجنتك وتفرحين بشوفه عيالك يارب

مارديتوا علي بنات
وين احقن ابرة سيتروتايدCetrotide

مقاطع الحقنه على اليوتيوب كلها بالبطن وهذي الي مكتوب بالتعليمات
وللممرضة قالت بالكتف
ولمن اتصلت كلمتني المنسقة قالت بالفخذ

وااله ماني عارفه المكان الصحيح
من جربتها