زوجى يعايرنى

لا لا لا ابداً ما انصحك بالرد عليه ، لانها راح يجرحك جرح اكبر من كذا

انا اشوف الحل من وجهة نظري انك تصارحينه باللي في خاطرك وتبين له انك تنجرحين من اسلوبه

لانه ممكن ما يدري ان هذا يجرحك ، يمكن يحس ان كلمته عادية ، وما كان يقصد جرحك


وانا انصحك نصيحه من اعماااااق قلبي أنك تكملين دراستك بالانتساب او تدخلين معهد تتعلمين حاسب آلي

اول شي بيعطيك ثقه في نفسك أكبر

ثاني شي ضمان لك ولمستقبلك

ما اعتقد انك بحاجه الى رد قوي .. لانه يمكن يعاند و الرد القوي ما راح يجيب نتيجه .. لكن عندي حل يمكن ينفع
في البدايه حسسيه انه متضايقه .. مو زعلانه .. لا كأنك مهومه و ساكته و تفكرين .. و خليك على هذه الحاله مده لين هو يلاحظ و يبداء يسألك و راك يا فلانه متغيره .. !!! و انت قولي لا ابد و لا شي سلامتك بس معي ضيقة صدر هذه الايام .. و خليك على هذا الحال فتره .. لا تقصرين بحقوقه و حقوق عياله بس في اوقات الفراغ لا تسولفين كثير علشان يحس انك متضايقه .. بعد ما يجلس فتره و هو يسألك وش فيك انا مضايقك و لا من ها الكلام .. قولي انا متضايقه الحين و اذا حسيت اني اقدر اصارحك ان شاء الله راح اجي و احكي لك الي في بالي ..

خليه يعيش على ناااااار و هو يفكر وش فيها الله يستر وش صاير ,, بعد مده بعد ما تحسين انك فعلا شوقتيه و تحسين انه جاااااهز يسمع لك ..



تعالي له يوم و قولي متى ما فضيت اليوم في بالي كلام و دي اقوله لك .. و حاولي تدورين وقت مناسب يكونون عيالك نايمين فيه و الجو هادي علشان تخذين وقت كافي تقولين الي في قلبك ..


اذا جا .. قولي

بصراحه يا فلان .. انا ها الايام متضايقه كثير .. و السبب اني فكرة بكلامك و حسيت انه معك حق انا باي وجه اطلب من عيالي يذاكرون و انا ما كملت دراستي ,, انا المفروض اني اكمل دراستي .. احس اني مو قدوة زينه لعيالي و لا اعطيهم مثال جيد عن الدراسه اذا شافو انا ما كملت دراستي احس ما يصير كلامي فيه مصداقيه لما اقولهم الدراسه مهمه ... و انا ودي ادرس علشان اكون مثل اعلى لعيالي و اكون جديره اني ادرسهم .. و بنفس الوقت ما احس النقص الي انا حاسته الحين .. ودي اثق بنفسي اكثر .. ما ودي احد يعايرني باني ما درست .. لانه هذا الشي يجرح .. وش رايك يا بو فلان .. تساعدني ارجع ادرس ... !!!!!!

اذا قال ايه اساعدك ..
و انت مستعده
الحمد لله ارجعي ادرسي ووسعي درسك و غيري جو .. و ما دام زوجك مقتنع راح يساعدك .. البدايه صعبه بس النتيجه حلوه .. و بعدين فتره و تعدي و بتنظيم الوقت كل شي يصير .. انا كنت ادرس و انا عندي عيال و الحمد لله ما ضرني كان متعب لكن ممتع ..

اما اذا قال لك لا ماله داعي الدراسه .. و لا (وشو عقبه) و لا بعد ما شاب ووده الكتاب .. فا مع ان الكلام قاسي شوي الا انه اتوقع ما راح يعايرك بعدين بقل دراستك لانه عرف ان الموضوع يأثر فيك .

هذا رائي و الله يوفقك و يسخر زوجك لك

كسرة مشكورين على الرد الحلو
وانتى يا الهندية الف شكر على النصيحه
وبجرب طريقتك الحلوه

مافي رد قوي ياعمري

ولكن ليش مايكون ردج عليه تكملين دراستج

لاتقولين وايد صعبه تكملين

انا يوم تزوجت كنت مخلصه ثانويه وجالسه بالبيت
وعمة زوجي الله يجزيها خير فديتها قالتلي ترا ماعندنا احد ياخذ ثانويه ويجلس
بالبيت كل حريم العائله جامعيااات ( يعني فهمتني اكمل ولكن بطريقه حلووه علشان مايكون احد احسن مني )
عدت الثانويه ووكملت الجامعه وشليت مسئوليه بيتي وبيت اهل زوجي

واليوم اخذت الشهاده وجالسه في البيت
ولكن اثبت لكل ماني اقل من احد

واختي نصيحه من اختج الكبيره
كملي دراستج

وسامحيني على الاطاله

[