هالمره دفتر صغير لبنات الرياض <غارت من ملفاتهم بس هالمره غير دفترنا فيه اجر

السلام عليكم ورحمة الله وبركاته
الفكرة رائعة يافيشول والله يعطيك العافية وقريبا بشارك معكم

استغفر الله العظيم عن كل ذنب عظيم

الف شكر اختي فيشول على هالدفتر بس مو صغير هههههههه شكله بيصير ابو ميه
ويعطيكم العافيه بنات كل ابوكم
اعرف لكم وحده اخذت قماش من العليا موول كلفها تقريبا 1200 ريال
بعدها بكم يوم لقته باسواق النخبه بـ 350 ريال ويقول لها خذي البطانه هديه قووويه بغت تنهبل
ثانيه شي بنات سوق الشفا مول فيه محل ملامح شرقيه للجلابيات طبعا معروف لهم اكثر من 15 فرع
بس هذا الفرع بذات رخيصصصصص تاخذين الجلابيه بنص السعر تقريبا لان السوق ماعندهم زبائن يهشون ذباب
وسلالالالالالالالالامتكم وننتظر المزيد ياحلوين

كيفكم يا بنات ‘ ومشكورة أختي فيشول على هالدفيتر ......وأقولكم وش عندي <<<< راعية طويلة ....
مرة شريت من لمسات طيبة فستان بألفين وخمسمية وكنت رايحة له الصبح ، وصار كبير ورجعت أبدله في الليل إلا وحده تسأله عن سعر الفستان نفسه قالها بثلاثة .....
ومرة شريت لبنتي من السيد شيال بحوالي 300 وألقاه في الرياض مول عند محل اسمه خالد ب 120 .... ومرة لقيت عند السيد تايور وألقاه نفسه عند دريم ليدي أرخص ب300 ...
أما بريماما وبيغوتش هذولي تلقينهم في السدحان .......
ومحلات عماير السيركون نصابين معظم ملابسهم تفصيل .... زميل زوجي عنده عيادة هناك ويقولون له البياعين إن البضاعة تفصيل ومن لبنان .......
ونست جوالي شريت الفولاذ ب3500 ، وأختي شرت N70بنفس السعر وكل حده لقت جوال الثانية ب2500 ، ........
ومن فترة شرت أختي شنطة من غوتشي إلي في المملكة ب1600 تقريبا وألقاها نفسها بالختم بالخيوط واللون وكل شي عند كشك في الأندلس ب 280 ..... وهذا إلي أذكر ......



قال رسول الله صلى الله عليه وسلم: من غشنا فليس منا ....

مرحبا بنات مشكورة اختي على هذا الدفتر لصغيرفي محلات( رامز )*يقولون مرررة اسعارة خيالية ورخيص بس اللاسف ماعرف موقعه ياليت للي تعرف توصف الوصف ولاواني مرررة رخيصه والملابس انا سمعت عنها بس ماراحت وفيه اسواق الرجحي محلات ابو عشرة يبعون ماركات اوكايدي وادمز وهذا لي عندي

((من صلى على النبي محمد صلى الله عليه وسلام صلى عليه عشر))

سؤال..وين اسواق النخبه ودريم ليدي؟

قال صلى الله عليه وسلم: (ان الصدقه لتطفىء غضب الرب وتدفع ميتة السوء)