شاركي في النقاش

سجلي الدخول لإضافة تعليق.

التعليقات

2,006

  1. @myasyn_alhb

    حبيبة طموط
    مرحباً بنات انا جارتكم من تجمع يناير حبيت أبشركم بولادة الاخت نحله دماميه ولدت الليله الساعه 11 وجابت ولد الحمد لله عقبالي وعقبال كل الحوامل ياااارب
    ماشاءالله تبارك الله
    الله يبشرك بالخير
    الف مبرووك لنحووله والحمدالله على سلامتها

  3. @myasyn_alhb

    بنااااااااات اللي سوو عمليه قيصريه كيف عملياتكم الحين
    وكيف الخياطه معااكم
    وايش سويتوا للعمليه ومتى طبتم
    الله ييسر لنا ياارب ويهون علينا انا وبااقي الديسمبرياات

  4. @tfahh_hoaaa

    اخواتي الغاليات

    اغلى مافي الكون

    اناحلى

    مياسين الحب

    الشقندر

    روح الامل

    مديحه

    غلا روحي

    الحمام الزاجل

    فجرالهاجر

    لمسه جوري

    شاطره ودندونه

    ام الحلوه

    ام سلطان

    الله يبارك فيكم والف مليون شكر على التهنئه لي وهذا من طيب اصلكم الله يسعدكم دنيا واخره
    واشتقت لكم حيل والله وكنت ناويه ادخل من اول بس الله يصلح نونتي صياحه حيل عكس اللي قبلها

    ابقولكم ولادتي باختصار
    فجر الاثنين الساعه 6بالضبط وبعد ماحسيت بالم بسيط نزلت على المويه وقمت مفزوعه ورحت تحممت وغيرت ملابسي وقلت لزوجي ورحنا وبالطريق حسيت الطلوق وصلنا وعلى طول طلبت ابره الظهر واتصلت على دكتورتي الله يسعدها وردت على وهي نايمه وطمنتني وقالت الحين اكلمهم يعطوك الابره وانا جايه
    وكشفت على دكتوره ثانيه تشوف الرحم كم فتح وكان فاتح بس اثنين سانتي وكنت ماخذه معي حلتيته بعلبه قعدت اشمها الين ماجت دكتوره التخدير وحطت لي الابره وبديت اتخدر من تحت وقاعده ادعي ربي ان الرحم يفتح ويجيني طلق قوي عشان كلي امل بولاده طبيعيه خفت اولد قيصري مثل اللي قبل بهالفتره راح زوجي يسوي اوراق الولاده مع الجناح وابره الظهر وكل التكاليف لانهم طلبوها مقدم
    وبعدين جت الحبوبه دكتورتي الرائعه وسلمت علي وحطت يدها على بطني وقعدت تقرا علي وتقولي خليكي ريلاكس واستغفري
    وراحت وكنت احس بضغط للاسفل خفيف جدا لا يذكر وبالجهاز طبعا مبين انها طلقات قويه بصراحه ابره الظهر نعمه عظيمه اللهم لك الحمد يارب
    والساعه 10جتني دكتورتي وقلت الحمد لله فتح7سانتي ونبيه يفتح ل10ونولدك باذن الله وعطتني ابره مهدئه وقالت ابيك بهالساعتين تنامين وتكونين ريلاكس الين الساعه12وفعلا هالابره جت بوقتها لاني استرخيت بشكل رائع وغفيت شوي والطلق شغال ماشاء الله وعلى12ونص تقريبا جت وقالت خلاص فتح9ونص وبدت تجهزني وزوجي فوق راسي طول الوقت وانا طفشتها دكتوره راح احس بطلوع الراس وهي تقولي لا ماراح تحسين بتحسين بضغط بسيط جدا بس انتي ساعديني ابيكي تدفعين اذا قلت لك
    سمت بسم الله وسترتني مع ان مافيه الا زوجي وهي وسسترتين وقالت جت طلقه يالله خذي نفس وادفعي وطبعا كانو مقللين جرعه ابره الظهرشوي عشان اقدرادفع وبديت اخذنفس وادفع تقريبا سويتها ماشاء الله خمس مرات وكانت تشجعني هي وزوجي الين الحمد لله طلعت بنتي للدنيا ولاول مره بحياتي مع اني ولدت قبلها مرتين اولد وانا واعيه واشوف الجنين اول مايطلع
    وحطوها على صدري على طول وبوستها وابوها صورها وهي على صدري وكان احساس رااااائع وكنت فرحانه حييل حييل ان الله من على بولاده طبيعيه له الحمد والفضل والشكر
    وبعدها ورتني المشيمه وقالت لزوجي انت روح ارتاح بالجناح فوق لان احنا عندنا شغل ثاني لحالنا تقصد الخياطه التجميليه
    وقالت لي الحين بخدرك دقايق عشان ابيك ترتاحين بعد الدفع واسوي الخياطه على مهلي مع اني ما كنت حاسه بشي اصلا
    بعدها بدقايق صحيت وطلعوني جناحي وشميت عطر وكنت موصيته يعطر المكان قبل ادخل عشان الشمم وشميت مره بعد
    وبعد كم ساعه شالو القصطره وشالو لي ابره الظهر
    وكان كل شي الحمدلله رائع ومريح ماشاءالله تبارك الله وطلعت بالسلامه

    اللهم اني احمدك حمدا يرضيك فلك الفضل والمنه يا اكرم الاكرمين

    شرحت لكم ولادتي بالتفصيل مع اني ما شفت ولا وحده سولفت عن ولادتها بالتفصيل
    اسال الله ان يهون على اخواتي اللي ماولدو بولاده ميسره مثلي واحسن بقدره الله

    والف مبروك للي ولدو
    واخباركم يا والدات مع الولاده والخياطه والسهر والصياح والمغص

    ارق تحيه للجميع

تابعي تجارب أخرى من هذا القسم.