فـــــــــــن التقـــــــــديم لبنــــــــات الريــــــــاض * الملف السابع *

مدري حسيت عشاك شوي
واقترح عليك بحطين البرياني بالدجاج دام اللازانيا فيها لحم مفروم
يعني عشان يكون شي لحم وشي دجاج
واطلبي صينية خضار أو كبه لبنيه زياده
في طباخه الكشري حقها مرررره لذيذ ماينشبع منه بس دام بتحطين برياني احس يكفي
السلطات في وحده تسويها تجنن لذيذه ومبتكره
وحلا العشا لا تحطينه بارد ممكن تسوين صنف واحد بارد والباقي ساخن مثل ام علي او سوفليه

البريااني أنا أحبه باللحم أحسه ألذ << الظاهر بتطلبه لها مو للضيووف :)

والهريس باخليه بالدجاج ..

امممم صينية خضار ,, أحس المحاشي المشكلة تكفي عنها لان كلها خضار << على كيفها خخخخخ

وهو فعلاً ودي بشئ زيادة بس ما أدري وشو :42: ؟!!

ومشكووووورة من جد على اقترراحاتك وإضافتك .. :26:

بنات
ابي موالح بس مو مكسرات وكذا
وين ممكن احصل شي حلوو
وهل ممكن احتفض فيهاا لانو نفاسي بيكون بمكان بعيد شويات عن الرياض ومااقدر كلما جاني احد اروح اجيب من الرياض
وبعد الحلويات ياليت لو تعرفون وحده تسوي اشياء حلوه وغريبه ومعمول ابي رقمها

ونفاسي هالشهر ان شاءالله وبررد
لازم اقدم كابتشينوو والا مو لازم ؟
يعني كيف يكون ترتيب الضياافه
تكفووون دبروني

حبيبتي ماحددتي هم جايين عشاء يعني تبين نعطيك ترتيبات قهوه وشاهي بس
والا عشاء خفيف
والا عشاء وتقديمات شاهي وقهوه؟


يكفيك ياعمري كيلو ونص من كل شيء
الكيلو يكفي تقريبا 25 حرمه ..

كيف اسعارها معقوله حددي انت بالضبط كم اقصى ميزانيتك عشان البنات يدلونك
بالنسبه للتقديم بالكيلو:القهوه
1. تمر محشي من العلواني يبغالك 8 كيلو كل 2 كيلو بصينيه يعني اربع صياني او كل اربعه بصينيه ويصيرون صينيتن
2. حلى قهوه نفس الشيء 8 كيلو
3. شوكلاته مغلفه نفس الشيء 8 كيلو
4. معمول مغلف مع شوكلاته مغلفه بسولفان من لاتين 8 كيلو

الشاهي
1. فطاير يبغالك امم 8 إلى 10 كيلو
2. موالح حسب نوعية الموالح اللي بتطلبينها يتحدد الكيلو اذا لافندر اتوقع يكفيك اربعه او خمسه واذا موالح اللي تجيك زي شغل كاجو يبغالك 8 كيلوو

عصير ومعاه تقديم او كوفي حسب الجو وبرضوى معاه تقديم ..
والله يوفقهم يارب ويجمع مابينهم على خير


الحجم الميني افضل طبعاً ويكفي كيلو ونص حلو كثير ..
زي ماقلتلك خليه كيلو تشيز ونص فطيرة تفاح..
وبالنسبه لاصناف العشاء مره ماشاء الله راهيه لـ 13 حرمه انا يوم اطلب من المائدة عشاء 30 شخص عندهم 6 سخانات الاكل الرئيسي و5 مقبلات و5 سلطات و6حلى عشاء وراااهي ماشاء الله كنت خايفه يصير شوي بس كان مضبوط


قوالب الكوفي لها صوره بالملف مدري باي صفحه بس اذا تبغين تشوفينها بالضبط لانه الشرح ماراح يكون واضح زي الصوره ..


هو الافضل تقدمين كابتشينو بس مو لازم ..
والموالح عندك الافضل في اللي يعيش معاك لافندر وبوبلرز ..
والله يهون عليك يارب ويسهل امرك..

هلا والله انا كان عندي عزومه يوم الخميس اللي طاف
وكانوا 20 شخص
اخذت العشاء من عبير الحميد صراحه كان رووعه
شغلها حلو ومرتب
ابنزل الصور لكم
اشكركم على مساعدتكم الله لا يحرمني من نصايحكم