شاركي في النقاش

سجلي الدخول لإضافة تعليق.

التعليقات

2,008

  1. @sbaya_22

    عطاء مثمر
    الله يعينك اذا رحتي عند ايمان بالتخصصي
    عفشه صعيديه صح
    هي بوادي والرقه والهداوه بوادي
    لان بولادتي الاولى بالتخصصي جات تبغى تكشف علي بعد الولاده وماخليتها
    وانها تزعل بغت تاكلني قلت لها الدكتوره قدريه هي ولدتني وهي تكشف علي
    غيرها لااااا
    وبعدين هي وقدريه يتنافسون مين لها مكانه بالمستشفى كل وحده تبغى تثبت نفسها

  2. الله يسر امرك يا صبايا
    انا عطيت ولدي بريمم كير وما عجبني لانه جاب له غازات ومغص ويبكي كثير عليه
    والحين اعطيه ابتاميل لي اسبوع مجربته واخوانه قبل كنت اعطيهم سميلاك بس ما مدحوه يقولون
    انقطع فتره بس ان شاء الله يناسبه هذا
    وبالنسبه للبخور اللي تبخرتيبه متى بديتي تتبخرين
    يختي انا تبخرت بمر وخوا جوا امس احس بدت تطلع لي افرازات صفراء وما انقطعت
    مدري وش السبب
    وبعدين احس الخياطه من جوا ما التأمت احس بالم فضيع خصوصا من يوم الخميس
    جاتني وحده تسلم عليه ومعها عيالها خمسه تخيلي ومزعجين مررره وانا نفاس ونفسيتي زي الزفت
    واولادها بس طالعين نازلين مع الدرج ويخربون ويدخلون المطبخ ويخرجون ويفتشون ويلعبون
    في البيت كانه بيت ابوهم اكبرهم باولى متوسط وصغرهم في سن بنتي 5 سنوات في الروضه وتحسبين الحرمه استحت
    والا خاصمتهم وهجدوا لاء والله انا انجنيت وكلها كوم وولدها اللي في اولى شي ثاني تخيلوا يا بنات بنتي مسويه لها قرنين يجي
    يسحب هاالقرنين اول مره توهم ضيوف استحيت من الحرمه وقلت عيب يا ماما وجلس كل شويه يكرر الحركه هذي وما قالت امه له شي
    جيت انا وخاصمته قلت مره ثانيه بضربك
    يختي والله ما صدقت انهم مشوا من عندي ولا حسيت الا الساعه 11 ونص بالليل تخيلوا من 8 ونص وما فيه الاا نا مع الحرمه ناديت عمتي تجي تسمر معنا ما جت حتى ولدي النونو ما ريحوني عليه الله يصلح لنا ولهم انا ما احب اروح عند وحده واولادي مزعجين والله اتركهم في البيت والاا اذا صاروا زي ذا الاشكال ساعة تكفي موب نجلس الليل كله خصوصا اذا نفاس وتعبانه وما عندها احد
    لا وزوجي يقول اعزميهم يتعشون معك انا اصلا تعبانه وراسي مصدع بس الرجال كلم زوجي وقال زوجي حياكم الله
    واحسبهم بيجون العصر قلت مومشكله اثاريهم بيجون الليل
    الله يعين على الناس قليلة الذوق اللي زي كذا
    سؤال لو عندك ناس وسووا كذا والام ردة فعلها بارده وش بيكون موقفك من الام وعيالها لو خربوا جاوبوا يا بنات بامانه
    انا حاطه براده برى المطبخ المهم عيالها يلعبون بالمويه جات بنتي وولدي يقولون يلعبون بالمويه يا امي ناظرت الحرمه ساكته وقالت في الاخير ليش ما تحطينها بكان ثاني انا انقهرت منها قلت خلهم يشربون ويجون يجلسون والا جيت اضرب اللي يلعب بالمويه
    صدق ناس ثقيلة دم
    ها وش رايكم يا بنات الى اليوم وانا مقهورة من هالحرمه وبحاول اقطع علاقتي اللي توها ما قد بدت الله يعين على هالاشكال ولا يوريكم اللي شفته

  3. @sbaya_22

    ههههههههههههه الله يعينك على بلواك
    والله البخور استخدمته من بعد اسبوعين من الولاده شفت نفسي طهرت قلت خلني
    اتبخر واسويه يوم ويوم لا احياناً واحياناً ورا بعض
    اما الحرمه اللي جتك حاله استثنائيه
    واااااااااااي لو انها عندي عاد انا اعصب بسرعه وينقلب وجهي
    بصراحه مابتحملهم وبوريهم شغلهم ولا بستحي من امهم دام هي مااستحت مني
    ولاقدرت وضعي وانا نفاس المفروض تجي جيه خفيفه
    وتمسك وراعينها لايأذوني وهذا ابو اولى متوسط وش جاي يسوي مع امه محرم
    يقعد مع ابوه قعدله مالها داعي هالحركات
    والله اذا جوني سلفاتي وعيالهم وشفتهم دخلوا الطبخ امسكهم واقولهم
    والله لواشوف احد منكم يدخل المطبخ والا يلمس الاكسسوارات اللي على الدواليب
    اني لااعلقكم بأذانيكم واخلي الفاره تاكلها
    وبعدها تعالي شوفي الادب وهم مرتبين جنب امهاتهم

  4. @ahb_hyaty_2

    جوري تبخري العشرين الاخيرة

    والله لو أنا مكانك كان صبرت واذا ماتحركت امهم لأدخلهم معنا الغرفةواقفل علينا

    يا اختي خذي عصا شبشب شي ةهدديهم
    الله لايبلانا
    الصدق اقطعي ذا الاشكال احسن

تابعي تجارب أخرى من هذا القسم.