♥OoO♥‏the lone star state تجمع تكساس ‏♥OoO♥

الله يفرج عنك يا عبولسا

شوفي عيالك مو ارهم لو ما دروسوا
اهم شي انت ترتاح نفسيتك
بالنسبه للمدراس العربيه ما اظن موجود
لكن عادي كل اللي جو درسوا عيالهم في اجنبيه وانا اولهم دخلت بنتي
والوضع ماااشي وكويس

بالنسبه لزوجك
الله يسخره لك ويحنن قلبه عليك ويحط في عقله وقلبه الشوق لكم

انا اقول لك اذا تقدرين تجين وانت ضااامنه انه ما راح يعصب
اقولك تعاااااااالي
ويا كثر اللي بتشوفينهم في الطيراه بس حريم مع عيالهم
وانا كنت جايه بلحالي ومعي في الطياره اكثر من ٣ حريم بدون ازواجهم والوضع جدا عادي
خصوصا الخطوط السعوديه

بالنسبه لزوجك استودعيه الله صباح ومساء
ولعد تدورينه وتقدين عليه خليه براحته بكيفه لين يطيح اللي براسه
مع اني ما اظن بيطيح اللي في راسه
جاء وشاف ان الدنيا حلوه ولا عيال ولا وزوجه ولا مسؤليه واعجبه الوضع

ادعي ربك وان شاءالله ما يخيب رجاك

وه من هالرجال قسم جابو الجلطات والامراض النفسيه لنا
الله يهديهم بس
انا بس ودي اعرف ليش يتزوج وهو عارف ان الزواج مسوؤليه

السلام عليكم
اشكىركم من كل قلبي لكل من ردت علي وعسى الله يسعدكم ويهون عليكم غربتكم
بس بغيت اقول انه رفض ياخذنا وحتى ماعاد اتصل او سأل عن عياله باع كل شي برخيص مدري ليه وانا قررت اني انفصل عنه اتمنى بس تدعولي ان الله يعيني على تربيه هالمساكين ويعوض علي بوظيفه تعيني على تربيتهم وتغنينا عن الناس
وشكرا وفي امان الله

اختي الكريمه ،،

انتي غلطتي في حق عيالك لما رفضت تروحي مع زوجك المره الاولى وصار اللي صار ،، لاتغلطي في حقهم مره ثانيه بالطلاق انتي ماتعرفين ضروفه الان انتي كلمي اهله وقولي لهم انك تبغي تروحي له وقولي لهم عن تقصيره واذا كان والده موجود اكيد بيكون له كلام مسموع خليه يكلمه ويامره يجي واذا جاء يقوله ماتروح الا بعيالك واذا رضي وجيتي معه في االبدايه بيتضايق لانه تعود ع الحريه بس مع الوقت بيتغير للافضل باذن الله

لاتستعجلي في موضوع الطلاق ترى الطلاق مو سهل ..
لاتنسي الدعاء والاستغفار ،،

الله يسخر لك زوجك ويسخرك له ويجعلك واولاده قرة عين له ويجمع بينكم دائم في خير وبحب والفه ووفاء..

موفقه ياارب ،،

هلا فيك أختي عبولسا

الله ييسر أمورك إن شاء الله ..لا تتسرعين الطلاق مو حل .. تخيلي إنك الآن مطلقه أولادك صدقيني مهما

وفرتي لهم من مكملات المعيشة الكريمه ما راح تغنيهم عن أبوهم ولا الجو الأسري ..وهم اللي

بيتمرمطون.. و زماننا هذا التربيه فيه صعبه وراح تحتاجين زوجك بيوم من الأيام

لا تفكرين في الطلاق كحل شيليه من راسك .. انتي ما رحتي معاه وقدر الله وما شاء فعل ..

الان انتي ركزي على إنك تكسبي زوجك مو تخسريه

وركزي على هالنقطة بالذات ؛ وإن كنتي مصره على الطلاق تريثي ..على الأقل إنتظري حتى يرجع

وإستشيري من تثقين برأيه من أهلك

وعليك بالدعاء وما خابت قلوب أودعت الباري أمانيها .. ولا تنسي الإستغفار

الله يحفظك ويحفظ لك زوجك وأولادك ويهدّي بالك