نصايحكم لاختي ....تشوف نفسها شينه والسبب ...........................!

سبحان الله كنت مثلها اول سنتين من زواجي اهل زوجي بيض وانا السمراء وكنت وايد اتضايق

بس مرة قريت كلام استشارية اسرية من كلامها اذا ما حبيتي نفسج ودلعتي عمرج عمره ريلج ما بيهتم فيج

وفكرت في كلامها ليش اضايق عمري كل واحد الله خلقه بشكل ولون و والحمد لله راضية بشكلي ولو لاحظتي وايدين

اجانب بيض ثلج يا خذون سمر في اشياء في الحرمة اهم من اللون


قررت اهتم بشكلي بقوة واناقتي وتعديلي للبيت وتزييني للاكل وصرت وايد ادلع في البيت ووايد اغير شكلي في البيت

مرة البس لبس بنوتات مرة فستان مرة بناطيل قميص وليقنز ومع الفساتين لازم البس الله يكرمكم حذاء الكعب ترى يجننهم في البيت اذا تلبسون ها الاحذية وانتو تجيبلهم الاكل او وانتو تتحركو في البيت غيرت شباصاتي في البيت اكثر شباصاتي فيهم فصوص لمعة حتى ينتبه لشعري ودايما اسويلي مسبح مع الفقاعات والفواحة والشموع وهو في البيت اذا مشغول حتى يعرف اني وايد احب ادلع نفسي
وسبحان الله صج صرت احس احساس غير اخر همي انه يعلق على شكلي واتصدقين بعد بفترة صار ينتبه

وحتى زود في مصروفي عطاني مصروف خاص لملابس البيت خخخخخ ^^



وخلاص الكل يعرف اني انيقة وينتبهون للبسي ومكياجي ولو احد علق بكلام مو حلو اقولهم تغار مني ^^


اهم شي الثقة بالنفس وتطنش كلام اهله وعادي حتى لو ما مدحها الحين لو شاف ثقتها بنفسها واناقتها


مصيره في يوم من الايام يعلق

واذا على انه جسمها غير موحد اللون
خليها تسوي الحمام المغربي مرة او مرتين في الاسبوع يوحد اللون في شهر بتحس بالفرق و لو تستخدم الداد بعد ممتاز لانه يببيض اذا التزمت فيه طبعا في البيت

وقبل العلاقة او قبل النوم خليها تدهن جسمها بزيت جونسون البنفسجي ريحته حلوة ويخلي الجسم

ناعم وايد بس لا تخلي جسمها نفس المدهن اذا زاد الزيت تمسحه بالمنشفة نفس الطبطبة

والله يجملها بعيون ريلها وما يشوف غيرها ^^

مشكله الله يعين
وهاذي اللي تلبس قدام اخوها وتكشخ مالها داعي زي اللي يقول شوفني احلا من زوجتك والله قهر
يارب جملها بعين زوجها ولايشوف غيرها يارب

سبحان الله وبحمده
سبحان الله العظيم
سبحان الله وبحمده
سبحان الله العظيم