كل ناس وطبعهم حنا عادي يسلمون
بس انا حمواني كلهم اصغر مني ويوم اتزوج ماكنت اتغطى عنهم فعشان كذا امون عليهم وعادي
بس فيه ناس عادي كل بيئه وطبعهم
انت وحماك وشتسوين(استوفى حقه من الردود)
متابعة النقاش، صفحة 32
شاركي في النقاش
سجلي الدخول لإضافة تعليق.
التعليقات
182- طيب سؤال يا يابنات
افترضوا ان زوجي عازم رجال
وجيت لبست عباتي ونقابي وجلست معهم
ماتكلمت بس سلمت وجلست
تحسون هالشي عادي مثلا ؟ - سبحان الله . يا ترا كل اللي كاتبيين الردود هل تركبين مع السواق ,هل انتي من اللي تركب الليموزين وتذهب مشاوير لا تقولين معي عيالي ولا ناس . وفي السوق كيف تكلمين البائع هل تطلبين من زوجك هو اللي يكلمه اوه صح اصلا انا ما اشوف رجال في السوق كللللللله حريم الله اعلم جو مع مين ومن يكلم البائع نيابه عنهم . قبل لا تردون تأملوا في احوالكم
- حرام ياقلبي لحديث ((الحمو الموت)) واحسن لك من طلعت رجلها طلعت عينها ماقدرنا بالمشاكل ياختي واحنا بعاد نروح نجيبها لانفسنا اقلها تتنعم بصوتها لاجت تتكلم او شي خليك سلام كيف الحال بعبايتك وخلااص اصلا حرام
ضيم السنين. يعني وش السوالف اللي تدور بينكم؟ هم يتكلمون عن العقار والاراضي والرخص والغلا وفلان قابلته ب الاستراحه وعلان شفته امس واليوم عندنا ب الدوام فلان ويسولفون عن فلان وسوالف فلان وانتي تجين تخشين عرض تقولين شفت ي خالد شنطتي؟ وش را…
يعني وش السوالف اللي تدور بينكم؟
هم يتكلمون عن العقار والاراضي والرخص والغلا وفلان قابلته ب الاستراحه وعلان شفته امس
واليوم عندنا ب الدوام فلان ويسولفون عن فلان وسوالف فلان
وانتي تجين تخشين عرض تقولين شفت ي خالد شنطتي؟ وش رايك فيها تراها ماركه
وشفت صديقتي بنت اختها حامل ومنيره ولدت وصالحه انخطبت
يعني رجاجيلكم ف البيت م يسولفون معكم به السوالف
وان قلتي له بدريه ماتت م يقولتس الله يرحمها يحقرتس كنتس تكلمين جدر
وب يصير اخو رجلتس احسن من اخوه ويسمع سوالفكم
ولا ب المدرجات متابعات ؟
ولا هو يسولف مع اخوانه وانتن تهزن روسكن يعني ترانا منسجمات وخاشات جو مع السوالف
و م عندكن غير اي اها يو ايه ليه كركركركر
وصبي قهوه وصبي شاهي وهات كاسك ي فلان وهات فنجالك
وهالسوالف الحين وانتن مستترات ع قولكن يعني الشكل جداً غلط
سؤال منطقي ب ما انكم انتو م ودكم تسولفون ب الدين والشرع
اخو زوجي مو محرم لي ابد ويعتبر اجنبي سوء كان ولد عمي ولا ولد خالي
بأي حق انا اقابله؟ واسولف واطق حنك حتى لو كان ب وجود الزوج واخواته وامه وابوه ؟
وش الفرق بينه وبين عيال عمه وخواله؟ والجيران؟ واللي ب الشارع
وكل العالم حتى اللي ب اوربا واليابان والصين
ليش اقابلهم وم اقابل هذوليك ؟ عشان صلة القرابه اخو الزوج؟
طيب الرسول قال الحمو الموت م خلاكم غشمان ولا جاهلين
يعني عندكم حديث صريح بأنه م يجوز تقعدين معه
وين اخترعتو وحللتو ان عادي اجلس مستتره ب عباتي والثانيه تقول ب شرشف الصلاة
من زين سوالفكم يوم هذيك تقول وناسه ع وش وناسه انتي يأم وناسه شكلهم مقعدينتس
ع الباب ومعتس الدله كأنهم مستاجرينتس مقهويه
وش هالعوائل اللي عايشه ب زمن الجاهليه الاولى وراكنه الدين ع جنب
يأخذون منه اللي يعجبهم واللي يرفضونه يقولون حرام
طيب دام تقعدون وتقومون وسط بعضكم والميانه بينكم والبساط احمدي
ليش تستترون؟ وقفت ع اشكالهم تفصخو ابرك
واللي عندهم هالعاده ومبسوطه منها تجي تقول عادي ليش التعقيد؟ وتقعد تشرح الحديث ع هواها
الحمو الموت اختلاء وحنا نجلس مع العائله
تدربين راستس وسط الرجاجيل اللي مهو اخوان لكم ولا خوال ولا اعمام ليش؟
يعني وش الحكمه؟
بعدين تجي وحده تقول اخو زوجي نظراته غريبه مريبه تخوف وقحه
احد قالتس ترززي عنده؟ وتميلحي به السوالف؟ واضحكي ؟
الدين م حلل شيء الا ل حكمه وم حرم شيء الا ل حكمه
اللي تقول م ينظر لي الا اني اخته؟
بس باقي تقولين اخوي من الاسلام وانا اختكم المسلمه ضبعه
مضيعين دينكم م ختلفنا تحكمكم عادات وتقاليد م يحكمكم دين م اختلفنا
بس تجون وتفسرون وتأولون احاديث وايات ع مزاجكم عشان تبررون ل اعماركم انكم صح ؟ وملتزمين ب الدين
م عليش ي بطله انتي وياها
لو فيكم دين وخوف من الله م تجرائتو وجالستو رجاجيل مو محارمكم وانواع السوالف والضحك والمهزله
ويقارنون السوااق اللي يوديتس ويجبتس ل مكان تبينه وانتي ساكته
وكلامتس معه جداً رسمي ونص الكلام ميفهمه الا يمين يسار وسيدا
وب صاحب المحل يوم تقولين له ب كم هذا وتقضبين الباب
ب اللي تجلسين وتسولفين وتضحكين وتنكتين وتستظرفين وتأخذين وتعطين وتتقهوين؟ ومقابلتس اغلب الوقت؟
اعتقد انكم بشر وفي شيء اسمه ميل ممكن هذا مال لتس ي الكمخه
وش ب تسوين به الحاله؟ ب تبلشين ب عمرتس ولا تعلمين رجلتس ولا وش تسوين؟
الشيطان حي م مات ودائماً العلاقه بين الرجال والحرمه اللي مو محارمه وارد فيها كل الاحتمالات
حتى لو سوالف وضحك المطر يبدا ب قطره
احس ارجالكم اللي يخلونكم تجلسون مع اخوانهم مو رجاجيل
والله انهم رخوم
رب كلمه تقول لصاحبها دعني.... بربرتي هالحكي التافه على غير سنع.....
عمر ماكانت النصيحه بقلة ادب.. على بالك انه مضحك وخفة دم؟؟؟؟ .. بصراحه ردك يدل انك مريضه. الله يشفيك ..
صاحبة الموضوع :: بالنسبه. لك انا اتوقع الي هاجموك. وقامو يقولون حرام وقال الله وقال الرسول. ؟؟ مو سببها انك جلستي مع اخوان زوجك متغطيه ولا مو متغطيه؟؟
اتوقع انه سببها شي. ثاني. الي هو النك نيم حقك... لو مغيرته اتوقع بيكون حلال. عند هالحمقاوات العنصريات..
بالنسبه. لموضوعك عند حرية اختيار اما تجلسين. بحشمتك وعادي مثلك كثل اي وحده من سلفاتك ؟؟ او انتي حره مو لازم تقعدين معاهم..
ولو منك تقفلين الموضوع لان فيه عقليات اللهم لك الحمد مادري وش تبي؟؟
[/
[/QUOTE[/B]]
مواضيع مشابهة
تابعي تجارب أخرى من هذا القسم.