طلب لبنات الشرقيــــــه ( من اختكم موج قطر )

مزوووون...مشكووووورة اختي :)

*^*^*^*^*

موج المشاااااااااعر:26:
ماتقصريــــــــــــــــن .. كفيييييتي و وفيتي يا الغاليه..

وااايد استانست و ارتحت يوم قريت ردك.. اخيرا عرفت اماكن... يعني اقدر اجي الخبر و انا مرتاحه :)

و ماشالله عليك معلوماتك حلووووة عن المحلات.....

فإذا ما عليكي أمر اذا تعرفين محلات عبايات فخمه و راقيه يعني تنفع للعروس...و بعد عبايات للاستخدام العادي بس تكون غريبه و موديلاتها حلوة.... انا سمعت عن بدون اسم بس هذا فاتح عندنا بالدوحه...
مادري اذا فيه غيره؟؟؟؟؟؟؟؟؟؟؟؟!!!!

*^*^*^*^*^

زويـــــــــا...

مشكوووووووووووورة يا الغاليه :)

ماتقصرين و مشكوووووورة ...

و افا عليك اذا على المكاسر..انا راح اخلي رووحه تطلع لحد ما يعطيني السعر اللي أبيه !!!!

الف مبروك

وما قصروا الاخوات بالردود واللي كنت ابي اقوله قالوة:24: :24: :24:



:26: :26: :26:

شوفي موج شريت قماش فخم من محل قماش بالسويكت اسمه( ميداء) بس المحل ما عليه لوحه بس هو بعد محل العيسائي اللي على زاويه بمحلين او ثلاثه والعرض فيه اكياسهم وعليها اسمهم واسعارهم ارخص من العيسائي والجعدبي واذا كاسرتيه على السعر بينزلك الى 100 ريال او اكثر وروحي الحين لانك بعد كم يوم ما تلقين شي بس اللي مو حلو ،وفعلا زي ما قالت موج المشاعر البازار قمه في النصب ..
وبالنسبه للعبايات ماانصحك ببدون اسم لان قماشهم مو جيد ينشق على طول وعن تجربه وفيه بالسويكت محل الحسناء للعبايات اقمشتهم جيده واسعارهم مره حلوه و محل شروق بعد بس محلهم صغير وما فيه مكان للقياس مثل الحسناء :26: وتحياتي

صادقه يام رينو

محل ميداء رهيب ومسكت وارخص وهذا بنفس الشارع اللي فيه البازار بالسويكت

اذكر قبل 3شهور اشترت اختي من عنده قطعه صدر انهبل عليها الخياط وصار يقول

very nice ويكررها كم مره وقال بعدها ماشا الله من انه مو مسلم

وهوالحين منزل الصدور الشك والشبك اما الدانتيل مانزله

يعني يموج اذا تبين شك وشبك

خذي من عنده اما الدانتيل مراح تلاقينه الا في البازار والعيسائي بتلاقين فيه شوي

وبقولك شي ترى البازار يسوي لك طلبيه من الكتالوجات بس لاتنسين المكاسر

اذا تبين عبايات .. فيه في الراشد محل توه فاتح عندنا هو موجود في الرياض اسمه فاشن توب ..

حلو وفيه اشياء ناعمه ..

الله يوفقك