ضعف التركيز وتشتت الانتباه وفرط الحركه......الى كل ام تعاني من هذه الاعراض عند اطفال

ياحبي لك كوكو انتي والحبيب


قسم بالله كسبتي اجري ان ضحكت من قلب هاليومين (مع ان الوقت كله تقييم حمودي وطبعا بالتقييم اصير والابتسامه نادرة جدا )
لكن مع سوالف الحلو ........اجل بيكب عليهم ماء خخخخخخخخخخخخخخخخخخخخخخخ صراحة (عرف كيف يجيبها )

بالنسبة للاخوات اللي عيالهم ما يتكلمون

وحدة كلمتني تقول بنتي كانت ما تتكلم ابد

حتى صار عمرها 5 سنوات وكانت دايم تصاب بامراض بسبب اللوز ......سوت لها عملية وشالت اللوز

تقول ...........ومن بعد العملية البنت ما عاد تسكت

بس تتكلم (فقعت روسنا بكثر الكلام )

انتم تاكدوا من عيالكم (الله يكتب الخير للجميع يارب )

صباح الخير والرضى على اخواتي الحبيبات ....
سكوره....اجل ميته برد الله يرحم ضعف المساكين والمحتاجين ويحفظ عيالنا ..اذا ماقدرتي تقنعين الشباب باللبس على الاقل حاولي ياخذعسل على كاس مويه على الريق (وهي من هدي الرسول صلى الله عليه وسلم)ممتازه للنشاط والطاقه او تمر اذا كان اكل الطفل ممتاز فتكون مقاومته للمرض اكبر لكن المشكله برد وجوع.
استبرق..هلا وغلا ياحبيلك تسلمين ...وليه مستغربه انا الحبيب اي شي فيه عنف ومشاكل يلفت نظره الله يفتح عليه ..اخبار العسل والدراسه .
ام وداع...ياحلوك الله يفرح قلبك ويصبرك على التقييم ااه يرفع الضغط.
في 2001..كان بودي احد يرد عليك قبلي لان معروف موقفي من الدوا ...انا ماايد ابد رفضك للدوا ممكن الدوا يعطيه فرصه اكبر للتعلم ما ابي اضيق صدرك بس اللي سويته غلط مسالة الادمان غير صحيحه انا استخدم الادويه لولدي من 11س واذا غيرت الدوا مايكون فيه اي مشاكل(يعني مااشوف اعراض انسحابيه مثل الادمان)اللهم لازم نتدرج في البدايه والنهايه ..وشي ثاني عمر ولدك كبير واذا كان الريتالين ماناسبه مثل ولدي فيه بديل ممكن يناسبه ويطور قدراته مثل الكونسرتا ..مسالة انك تعطينه الريسبريدال قبل الموعد انا ما اقدر افتيلك يضل الريسبريدال دوا اعصاب لازم الواحد ينتبه لجرعته بدقه الافضل انك تراجعين وتسالين وتاخذين مسالة الدوا بجديه حرام هالاولاد في ذمتنا ولازم نخدمهم باللي نقدر عليه ..ماننسى في الاول والاخر الله الشافي واحنا ماعلينا الا فعل السبب ..موفقه يالحبيبه والله يكتبلك الخير وييسر امرك.
كل الامل بنتي..الله يقويك ويحفظ بنتك ويشفيها..ماشالله عليك منتبهه لتطوراتها وانت اكثر وحده ممكن يفهمها بما انها صغيره مالك الا التدريب والتاهيل سواء كان شكك في محله اولا ممكن هو مرتبط بالمتلازمه لكن تطوراته تختلف عن طيف التوحد العادي..الله يفرح قلبك فيها .

كونسرتا
يسلم قلبك يارب
انا مايهمني التشخيص بالعكس انا ابحث عن التدريب والتاهيل وعشان كذا لجات لكم بعد الله

ممكن وحدة مر عليها حكاية الدوران هذه وقدرت تتغلب عليها تعطيني الطريقة
هل هي مشكلة من الاساس او لا لان زوجي يقول تلعب عادي

كمان حكاية التواصل البصري هل لما يكون نظرها علي حركة شفايفي معناه ماعندها تواصل؟؟
للاسف مدربتها غير امينة لدرجة ماتعمل لبنتي اختبار الست شهور والاقي النتيجة عند الدكتور كيف ماادري
فاتضايق من سؤالها