السلام عليكم ورحمة الله
امي لما يجي احد يتقدم لي واسال عنه تنرفز علي ولسان حالها يقول احمدي ربك يتقدم لك احد انت كبرتي
يعني ماتبيني اسال عنه واوافق وانا مغمضة ولا ايش
احيانا تقولها في وجهي احمدي ربك
او تقول مثلا اذا جت امه وشافتك ورضت فيك ساعتها يصير خير
او عساهم يرضون فيك
او ماحيجيك غير متزوج او مطلق وعنده عيال
... الخ
انا في مره انقهرت من كثر مااسمع هذي الكلمة لاني انا بكر وماينقصني حسن مظهر لكن مثل مايقولون
ابخس الناس بالرجل اهل بيته
المهم انا قلت لها لو كنت انا في مكان فلانة تزوجت وعندها 3 اطفال وتطلقت ثم تزوجت وتطلقت والان تزوجت
من مطلق عنده اطفال اقولهم لو كنت مكانها كنتم حكمتوعلي مااتزوج غير شايب طرطور
انا من الم في نفسي من كلامهم اصلا مو ناقصة حزن يعني عندي مشاكل من سنين الى راسي ومااتحمل كلام
حتى لو قلتو امك واصبري فيه مرحلة تصلينها مايعرفها غير الي جربها تصيرين بالكاد تتحملين هم يومك
لان تراكمات السنين اخذت منك شي كبير
فقلت هذا الكلام لامي لعلها تحس فيني وماتردد هذي العبارات لانها تجرحني وتعطيني احباط ويأس وعدم تفاؤل
وانا ابي شي يرفع معنوياتي
اختي الي مرتاحة ومتهنية ومو حاسة بربع الي حاسة فيه تقول ليه تقولي كذا لها ترفعين قولونها
طبعا انا قلت لها انا جاني القولون من بدري بسبب كلامكم فلا تتدخلين لانك مو حاسة بالي حاسة انا فيه
انا ماودي اني قلت هذا الكلام لامي لكن والله غصب اول مره ارد عليها قلت عساها ترحمني وماعاد تكرر
هذا الكلام لاني يكفي مالقيت في حياتي الي يآنسني ويصبرني على الي انا فيه ماني ناقصة احد يزيد
علي وش اسوي ؟
انا خلاص لو رمت علي كلام مره ثانيه راح اطنش قدر الامكان والله يرزقني الصبر
لكن افيدوني هل فعلا الي قربت من منتصف الثلاثين خلاص ترضى باي احد
قبل فتره تقدم لي واحد عمره ٦٠ انشغل بتنمية فلوسه لحد ماصارغني وماتزوج احيانا اتندم رديته
وبعد تقدم واحد توه يدرس جامعة انتساب وراتبه قليل ومطلق ويدخن وعنده ولدين ورفضته
انا اشوف نفسي استاهل الي ابي لاني صبرت وعارفه ربي لكن امي تشوف اني خلاص احمد ربي على اي احد
شاركي في النقاش
سجلي الدخول لإضافة تعليق.
التعليقات
19- الله يفرج لك يا أختي أنا مدري كم عمرك
عادي ترا كثير أمهات يقولون لبناتهم هالكلام حتى لو بنتها عمرها عشرين سنة
هي أكيد ضايق صدرها عليك وماتبي تبين لك
لأنها تشوف اللي في سنك في بيوتهم ومعهم عيال وهذا يقطع قلب الأم
حتى لو ما أظهرت لك
أوكي أنا معاك أسلوبها غلط بس هي من وجهة نظرها
ماتبي تمدحك وتخليك تشوفين نفسك وتنغرين ولا عاد يعجبك أحد
عاد هذا تفكيرها تحمليها أهم شيئ الآن أنك فهمتي قصدها
صدقيني ما تقصد تحطمك أبد
لأنها اصلا هي نفسها متحطمة وترا يمكن هي متضايقة أكثر منك
لأنه مهما كان هذا قلب الأم ماراح يحن ولا يزعل إلا عشان الأبناء
ربي يسهل لك وييسر لك أمورك ويفرج عنك كربك وعننا وعن كل مسلم - هدؤ الليل
الله يريحك
عارفه هي متضايقه علي كلامك صحيح
وانا مثلها ولا باليد حيله
الله يفرجها من عنده
جزاك الله خير
وانا مايقهرني غير اخواني مو حاسين فيني الي بيتزوج ومو ناقصة شي ابدا لا مال ولا شي
والي متزوجات ونفس الشي مو ناقصهم شي ابدا
ولما اتكلم بكلمه يقولولي ليه وهم مايقصرون يردون على امي لو قالت لهم شي
اما انا وضعي وحالي اسوا منهم بكثيييير ويعاتبوني وياليتهم قريبين مني ويحسسوني انهم فاهميني ويعطوني امل
او حتى يقولولي احنا حاسين فيك وامي كلامها يجرح لكن ماعليش اصبري كنت ارتحت شوي وحسيت ان فيه احد فاهمني من اهلي
لكن يخاصموني وكاني جماد مااحس - ياقلبي حتى الصغيره بالعمر مايجيها رجال مفصل مثل ماتبيه
مو معناة كللامي ترضين بأي أحد لا لا اللي اقصده تنازلي قليلا عن بعض شروطك الشكليه
مثلا لو كان مطلق. ودين. لو عنده ولد وعمره مناسب. .وش المانع تستخرين والله يكتب اللي فيه خير
كثير اعرفهم صغار بالعشرينات وافقوا على مطلقين او متزوج وزوجته ماتجيب عيال
انت فكري بالاصلح مو بالااكمل. .الاكمل بالجنه ان شاء الله
اما امك الله يحفظها صارحيها ان الكلاام هذا يضايقك. ..وهذا شيئ مكتوب علي من قبل ما انولد وفهميها بالكلاام الطيب
هي اكيد تبيلك الااحس يقلبي. ..والله ير زقك بالزوج النقي التقي ياقلبي. .آمييين يارب وكل بنات المسلمين - ي عمرري ,,
الله يفرجهآآآ ~~
شهد الجهني - الله يررزقك بالزوج الصالح الكريم الحنون اللي يملا عليك دنيتك ياقاااااادر ياكريم
مواضيع مشابهة
تابعي تجارب أخرى من هذا القسم.