تجمع الموقنات برحمة الله ( خبرات متبادلة حول مراكز تأخر الحمل في مصر ) ج 24

مساااااااااااااء الفل ياقمرات


بوبا ام انوس
وانت واحشاني اكتر والله
والعصابة بخير بس بيتسلوا بيا
بطلت لبس الحلقان والسلاسل وحتى توك الشعر تخيلي البنات المفاعيص بيفكوها من شعري ويشاورو على شعرهم يعني حطيها هنا هههههه مع انه واللع بتاعتي

انوس حبيبي عامل ايه انت مش حاطة توقيع بعمره؟
لو سمحت بوسيهولي بوسة جامدة من خالتو سارة




طمطم ياقلبي معليش ماشفتش موضوع البنج الا دلوقتي
بصي انا طبعا انسانة جبانة جدا ومستعدة اموت ولااني اخد اي حقنة وكنت مصرة جدا على البنج العام للعملية لكن الدكتور بتاعي ودكتور التخدير قعدوا معايا ووضحوا الاتي
اولا هاكون صاحية واشوف البيبيهات اول مايطلعوا صدقيني لحظة بالعمر كله لايمكن تنسيها
ثانيا البيبي نفسه هيكون مصحصح لانك لو اخدت البنج العام هيكون في الوريد يعني بيوصله فحيشرف ع الدنيا وهو عامل دماغ هههههه
لكن في النصفي البنج بيكون في النخاع الشوكي بتاعك بس مالوش دعوة بالبيبي

اما كلام المضاعفات والشلل زي ماقالت ممص كلام فارغ بس صحيح
ازاااااي؟ زي مابقولكم على طول اي تدخل جراحي عنده نسبة مضاعفات بس في الاخر مش هنبطل حياتنا عشان نسبة
يعني من مضاعفات البنج النصفي المشهورة الصداع ودة سببه ان في كام نقطة من سائل النخاع بتنقط قبل حقن البنج بس انا نفسي ماحصليش اي حاجة من دي
ممكن الم ىفي الظهر بس مااظنش في حامل ضهرها مش بيوجعها
اما العام مضاعفاته ممكن تكون اسؤا
الخلاصة توكلي على الحي القيوم واعمليه نصفي دة افضل اسلوب متبع حاليا في اغلب دول العالم

مشمشة الجميلة

بدون لف ودوران ياام هدى ارجعي للحديد تاني لمدة 3 شهور بس لازم الدكتور يضبط الجرعة حسب وزنها
مش المهم انت ريحتي بالك المهم هي ترتاح


ها ولا امسكلك العصاية؟ دي مش بنتك لوحدك

واكتبي جدول اكلها من الصبح لحد بالليل شامل الرضاعات

ممص حبيبتي
مادام انت بتقولي اخت طيبة معناها الحكاية سوء تقدير منها مش اكتر ووارد جدا انها تكون قبلت من صحبتها مثلا هدية من النوع دة او الحاجات اللي جايباهم لبنتها غاليين عليها قوي ومش عايزة تديهم لاي حد فعقلها هداها ان تلبسهم لاولادك
ماتضحكيش هو تفكير غريب بس في ناس كتير كدة
انا راي سيبي الحاجة لحد ماماته توصل وبعدين قولي لها شايفة ياطنط ...بعتت ايه بس انا كنت خلاص اشتريت لبس كتير وانت عارفة الاطفال بيكبروا بسرعة ومش هيلحقوا يلبسوا الهدوم الجديدة مابالك بقى بالقديم المستعمل عشان كدة انا هاوزعه على جمعية الهلال الاحمر والجمعيات الخيرية اكيد في ناس محتاجاه حتى لوكان مستعمل وربنا يجعله كله في ميزان حسناتها اصله عمل خير وبسسسسسسسسسسسسس
تقولي الكلمتين بابتسامة كبيييييرة وتسيبي الهدوم شوية قدامها كانك نسيتيهم وترجعي تاخديهم بابتسامة برضه ونفس راضية حتى بينك وبين نفسك
انا قصدي بس ان توصل لهم رسالة ان فعلا في ناس مش لاقية ودور ايتام ولقطاء هم احق بالحاجة اما انتوالحمدلله ربنا رزقك وتقدري تشتري

يا خبرررررررررررررررر؟؟؟؟
ودعة و لواااااحظ... ههههههههههههههههههه و انا اللي كنت فاكرة اني لسة حاخد وقت طويل على ما اعرف الناس هنا... وفرتوا علية والله ... بس صدفة حلوة اوي...
بالنسبة بقى للبنات اللي بيسألوا كلهم.. زي ودعة ما قالت كدا...
هو يمكن خطوة اطفال الأنابيب اللي عملتها كانت نوع من الاستعجال شوية .. بس كان سببها قلق من ضعف التبويض عندي...
انا عندي تكيس غبي شوية .. و للأسف كنت عبيطة و ماهتمتش من زمان ... لان الدورة عندي كانت مش بتتأخر.. لا ما كانتش بتيجي أساسا .. و سكتت على نفسي 3 سنين الدورة ما تجيش و انا مرتاحة منها و مطنشة و بعدين ابتديت ادور ايه السبب كنت عيلة عبيطة شوية ههههههه بس لما وعيت بقى ابتديت اروح لدكاترة و عرفت ان عندي تكيسات و خمول في الغدة و وزن زايد طبعا خصوصا البطن و ضعف تبويض...
اخدت حبوب منع حمل 6 شهور وماكانش فيه تحسن..في التبويض..
اخدت كلوميد 6 شهور و مفيش تبويض.. اكبر واحدة 6 ملم في اليوم ال 13
اخدت كلوميد +جونال اف (3حبات كلوميد في اليوم لمدة 5 ايام و 4 حقن جونال)..بس عملت الموضوع ده شهر واحد فقط و برده البويضة أكبرها 6-9 ملم..
فلما نزلت مصر نظرا لان فرصتي الوحيدة كانت في مصر في العلاج و انا بنزل شهر واحد فقط فدخلنا على الأنابيب...و عملت الكورس الطويل...
لما رجعت هنا قررت ما اعملش حاجة لغاية ما أخس .. و فعلا نزلت وزني الحمد لله اكتر من 20 كيلو.. و رياضة و مستمرة طبعا على علاجي اللي باخده من زمان (جلوكوفاج من قبل الجواز + التروكسين +فوليك اسيد) و حللت و تابعت تبويض لقيت زي ما انا مفيش جديد ... و البويضة 6 ملم أو أقل :)
فطبعا العلاج هنا مكلف في السعودية خصوصا اني بحتاج حقن كتير... فبدل ما اعمل تنشيط كذا مرة او اعمل تلقيح و حكون كدا كدا خدت منشطات كتير بس احتمال نجاح اطفال الانابيب اكتر.. فنوفر المبلغ ونحوشهو ندخل عليها ان شاءالله و ده قرار بعد ما رحت ل 3 دكاترة هنا كلهم نصحوني اني اعمله علطول...زائد اني عايزة استغل اني خسيت قبل ما اطخن تاني و اني مستمرة على علاجي ما قطعتوش و اني قعدت 6 شهور من بعد الاجهاض بخس و العب رياضة و اخد علاجي بس ما نشطتش تاني لظروف خارجة عن إرادتي .. و بالعكس بقى .. في اطفال الأنابيب الفرصة احسن ان شاءالله لان الدكتور حيختار أفضل بويضة...من حيث الجودة و قلة او عدم التشوهات ... لان طبعا معروف التكيس بتبقى البويضات جودتهم ضعيفة... و فعلا لما عملت العملية اللي فاتت الدكتور مالقاش أجنة كويسة يجمدها و كان صريح و قالنا ان الأجنة اللي رجعهالي جودتها مش أوي و مش درجة أولى طبعا ...
وحاليا بفكر في سليمان الحبيب في بريدة ان شاءالله ..
دي حكايتي.. أي استفسارات تانية تحت أمركم...

بس يا جدعان هو المنتدى ده مبيبينش ليه المواضيع المشاركة بيها و البنات الموجودين في الموضوع و الاقتباس المتعدد و كدا؟؟؟؟ وللا عشان انا لسة جديدة؟؟
و ايه كمان حكاية مليش اكتر من 6 مشاركات في اليوم دي :(