بنت عمي انخطبت لشخص يقرب لنا من بعيد
والشخص ماعليه كلام مهندس واخلاقه عاليه مافي شي يعيبه
بيت عمي رفضوه يقولون مايبوون قرايب
حتى لو من بعيد
الحين بنت عمي انخطبت لشخص ثاني ووافقو
الشخص اللي رفضوه بيت عمي تقدم لاختي
طيب ليش ماجيتو قبل؟
مع انهم يعرفون اختي وهي اجمل من بنت عمي ومؤدبه وطيبه مره انا مااقول هالشي عشانها اختي هذا الواقع
الشي الثاني الولد ماينرفض لو تقدم لوحده ثانيه
اختي تقول كيف اقبل بواحد رفضته بنت عمي مابيهم يعايروني
يقولون رفضناه وراحت قبلت فيه
عماتي لسانهم طويل وعارفه وش بيقولون علينا وهم يحبون بيت عمي ومايحبونا لان علاقتنا معاهم مو مره لان في خلافات مع امي
انتم وش رايكم بكلامها الغريب
هو جاي بعد بكرا طبعا اهله موافقين لانهم يعرفونا وقالو نبي الشوفه بعد بكرا لانه شهر ويرجع لانه مبتعث لامريكا واذا صار نصيب يبي يرتب اوضاعه
شاركي في النقاش
سجلي الدخول لإضافة تعليق.
التعليقات
101- والله ياقلبي انا اشوف مدام الولد مايعيبه شي ومهندس واخلاقه عاليه ليش ترده
والحكي يحكو اليوم ويسكتوا بكره حكي الناس محد يسلم منه مهما سوا الواحد شي يعني حرام تضيعه من يدها وهو مافيه شي عشان حكي عماتك والسبب ان بيت عمك رفضوه مايبون اقارب يعني مو عيب بالولد
وعماتك هاللي يحكون ماتدرين يمكن لو راح لهم قبلوا فيه ماهمهم احد
خليها تستخير والله يوفقها - تستخير وماعليها من احد اهم شي مستقبلها وسعادتها
عادي تصير مافيها شي كله بالآخركله نصيب والناس م
صيرهم ينسو لكن هي يمكن تندم بعدين على رفضها وقبل كل شي الاستخاره الله يوفقها - والله ياحبيبتي عادي مافيها شي وموب شرط انه خطبها قبل يعني مفضلها على اختك ..
الناس وقت الخطبه يالله يتذكرون البنات ينسون ويمكن ماجت اختكم ببالها ..
وهالسبب مايخليها ابد ترفضه وعماتك مالهم دخل اخصروهم .. - خليها تستخير وربي يكتب لها اللي فيه الخير وكلام الناس تحطه تحت رجولها ولاتهتم ماراح يضرها لو يتكلمون من اليوم لبكره اعرف وحده تقدم شخص يخطب اختها واختها رفضته وهي قبلت فيه مع انه ماخطبها ولا فكر والحين عايشه احلى عيشه ربي يوفقها ويسعدها والزواج اولا واخيرا قسمه ونصيب تقبلي مروري
- الزواج قسمه و نصيب
وبنت عمك رفضته لانه مو نصيبها وهذا مو سبب للرفض لان صعب شرط ان الخاطب مايكون متقدم لاحد قبل
ولازم السؤال عن الدين والاخلاق والاستخاره وبالتوفيق
مواضيع مشابهة
تابعي تجارب أخرى من هذا القسم.