ماذا سيحدث إذا سمح للعوائل بالحضور إلى الملاعب السعودية ؟!

- المذيع الداخلي : الطفل فلان الفلاني مفقود وهو عند البوابة السادسة ، نرجو من والده الحضور في أسرع وقت .

- عند شباك التذاكر : مافيه تخفيضات ؟ ترانا شارين منك تذاكر المباراة اللي راحت أنا وخواتي .. يالله بس أنا زبونه عندك .

- قريباً : عباية الزعيم .. عباية الإتي .. وطبعاً عباية النصر ماعليها طلب وتجي هدية مع عباية الفيصلي .

- مشهد من المدرجات : تغطي وجع !! لا يمه هذا الشلهوب ما عنه غطا .

- بوفية الملعب : بيبسي - مويه - لوزين - حفايظ أطفال - خلطة التنحيف .

- شريط بداية : بنات يوم جينا من المباراة اختي اغمى عليها .. كيف آخذ غسال من المدرجات ؟ اللي بترد جعل ربي يرزقها بالزوج الصالح .

- الاعبين بعد القرار أتوقع يلعبون بجينز وبولو ! .

- بتتغير الجملة المتداولة من :
"معك ولاعه ؟"
إلى جملة :
"معكم حفايظ بامبرز ؟ "

- أكثر سؤال راح يتكرر : "من بينه المباراة ؟"

- رئيسة مجلس الجمهور ماحضرت .. معيّي أبوهم .

- تخصيص المدرجات التي خلف المرمى للسواقين والخدامات .

- فوده : الحكم ألغى الهدف بعد مارمت احد الجمهورات طرحتها عليه وقالت داخلتن على الله ثم عليك .

- قريباً في مجالس النساء : والله يوم طلعت خطبوني سته وقالوا مستحيل ان عندك ولدين ! .

- كل الاعبين بيقلدون فرحة شمراني الشباب بعد الهدف .

- قريباً : أبو سرهد لنقل المعلمات - الطالبات - عضوات الشورى - المشجعات .

- حقوي Vs موضي .

- فهد الغشيان : مافي احتراف ، احنا مضحوك علينا يا اخوات .. وتسأله وحده منو أحلى كرستانديور ولا قوتشي ؟ يقول كلها معفنه ! .

- ياولد الحلال والله اهلي داخل .. دق عليهم خلهم يجون ياخذونك .. عزابي يحاور سكيورتي عند البوابة .

- بتتسابق انت واخوياك من اللي يطلع يجيب مويه بين الشوطين .

- ياخي ما عاد نقدر نسب ونلعن اللعيبه ، ياحكم عيب عليك بلنتي .

-- مادري ليش احس نهاية محمد نامي بتكون على كعب يمشي 3 آلاف .

- معليش كذا نقفّل التعليقات .. مخي قفل بعد ماحاولت أتخيّل الجماهير.








25 تعليق 1,625 مشاهدة

شاركي في النقاش

سجلي الدخول لإضافة تعليق.

التعليقات

24
  1. @ahbab_klby

    - فوده : الحكم ألغى الهدف بعد مارمت احد الجمهورات طرحتها عليه وقالت داخلتن على الله ثم عليك
    خطيييييييييييييييرة بقووووووة هههههههههههه
  2. @alhyranh_5

    ههههههههه توووووووحفه وهذاالي بيصير بس إن شاالله مايجي اليوم اللي يحظرون فيه العوائل

تابعي تجارب أخرى من هذا القسم.