فـــــــــــن التقـــــــــديم لبنــــــــات الريــــــــاض * الملف السابع *

السلام عليكم بنااات فديتكم حبايبي
انااا ولادتي بعززززز البرد
كيف راح يكون تقديمي ليوم الخاص بالحموووله
يعني ايش اقدم اول شي..............الى اخر شي
تكفون اسعفوني الله يفرج لكم

بنات الله يخليكم ساعدوني
بعزم 4 حريم وابغى ترشحون لي حرمه تسوي الاكلات هذي باتقان
مكرونه بالباشاميل
كبه
سمبوسة بف
سبرينغ رول
ورق عنب
مسقعه
تبوله + سلطه
حمص + متبل + بابا غنوج
والحلا
ام علي + تشيزكيك
(او انتم رشحولي افضل الحلويات بس ابغاها لبعد العشاء)


اتمنى القى حرمه وحده تسوي كل ها الاكلات
وياليت ترسلون لي رقمها عالخاص لاهنتو

بنات الرياض


عندي ان شاء الله زواج بالرياض


اولا ابي حلويات صياني كبيرة توجة واسعارها مناسبة


ثانيا والاهم ابي قهوة كبتشينو تقدم للمعازيم مااعرف من وين


لكم الف شكر

بنات انا اخذت بوفيه من عبير الحميد كان يجنننن ماشاء الله عليها
واخت مني محاشي
والسوفليه
فاللي تبي شي يواجه تاخذ من عبير الحميد
واخذت التمر من لاتين
وجتني للصبابه ام فيصل
والفطاير خذته م هدى الربيعه
واخذت حلى ثاني م جينو حلوووووووووووو مره





القهوه يسونه الصبابات
الكبتشينوا اذا قصدك
ويمدحون القهوه الافرنسيه حقت عبير الحميد


عندك اول مايجون
قدمي القهوه وخلي ضيافتك ذاتيه فيه كذا وحده تسوي لك ضيافه ذاتيه
يعني تعبين صينيه وحده شوكلاته
والضيافه الذاتيه مقتصره على كل وحده معها صحن صغير يتقدم فيه 4انواع شوكلاته مكشوفه حلى اللي انت حابه
والشاهي بعده
مني محاشي عندك ساميه الجريوي عبير الحميد
فطاير موالح
بعده قهوه فرنسي او كابتتشينوا وسحلب
معه يكون مني سوفليه ومني حنيني ومني محلى عندك اللي يسوونه كثير ام ايمن وعبير الحميد
وبعدها اذا انت حابه عصير مع ان الجو بارد مايحتاج

انا ماخذتها من محلات الاواني اللي بالعويس تلاقينها بكذا محل
سعر الثنتين بحدود ال300 ريال


اي ياعمري تكتب هي سعر الكيلو عندها ب 150 وتاخذ زياده على الديكور والاسماء والعبارات والصينيه 150 ريال
يعني مهما زدتي من كيلو يضل سعر الديكور زي ماهو هذا اللي فهمته منها يوم اكلمها لانها قالت لي لو زدتي بالكيلو اوفر لك لانه مايتغير سعر الديكور ..

وعليكم السلام ورحمة الله
اختي هيا عطتك فكره الخدمه الذاتيه
وانا ممكن اعطيك فكره الخدمه اللي موب ذاتيه خخخخ
اول مايجتمعون قهوه ومعاها تمر محشي وعادي
وبعده معمول فيه كذا محل منها لاتين -لابوشيه
وشوكلت مغلف روحي الثلاثين شوفي اللي يعجبك مذاقه وشكله
وصينيه حلى قهوه
بعد كذا الشاهي والزنجبيل والنعناع معاه سكر عندك جويلز عنده اشكال من السكر الفرنسي وفيه كذا شكل اسعارهم معقوله
ومعاها فطاير
وموالح اغلب محلات الثلاثين صارت توفرها وتحيرك صراحتن بس عجبتني طعمة موالح لابوشيه

وفيه امس شفت بمحل بسكويتات وبتفورات حاليه اشكالها غير المعتاد تصلح تتقدم مع الشاهي او الكوفي بس لاتحطين كل الاشكال بعضها طعمها مو مره اسم المحل cannelle

وبعدها كوفي معاها كوكيز او براونيز



عبير الحميد تسوي كل هالاشياء بس مدري عن طعمها ماجربتها للحين ..
بس احس لوتخففين شوي من المقبلات وتزيدين اطباق رئيسيه لاننا ترانا برد مااحس مناسب هالاشياء الا لو بالصيف بتكون حلوه..يعني متبل او بابا غنوج واحد منهم كفايه وكمان الكبه والسبرنغ رول والبف احذفي واحد منهم
زيدي طبق يكون دسم شوي امم يكون بحري او فيه رز عشان تنوعين بالعشاء
الحلى خليه سوفليه وام علي افضل اذا بس تبغين نوعين حلى.. وبالتوفيق يارب



الكباتشينو توفرها لك الصبابه بس اهم شي اتفقي مع صبابه كويسه
الصياني الكبيره اذا قصدك ايجار اشوف اغلب المحلات عندها صياني وشكلها تاجرها او تاخذ تامين
مثل جويلز وكذا محل صراحه مادققت بهالموضوع بس اشوف اغلب المحلات عندهم صياني

والله يوفقهم يارب