نصايحكم لاختي ....تشوف نفسها شينه والسبب ...........................!

سبحان الله

الله تعالى من اسمائه العدل

عدل بين جميع الخلق يعني الا ماتلاقين ناقصهم شي يـ..أما علم

مايعرفون يلبسون ..نفوسهم شينه..متاهم في السنع ؟؟مالهم بالطبخ

المهم انا اعرفلك وحده متفاخره ببناتها وانهم يتزوجون صغار ومن هالكلام وانهم حلوات

والله رفعت ضغطي وياليت على كذا فلانه قد بنتي بالعمر وتوها تزوج وبنتي عيالها بالمدارس

الين مره قلت الله قسم عدل بناتك تزوجوا صغار وخلفوا واللي تفارنين فيهم كملوا تعليمهم وتوظفوا ولهم مكانه مرموقه في المجتمع وتزوجوا بعد يعني مانقصوا شي وهي ولا وحده من بناتها وصلت الكليه

وجمال البشره التناسق في اللون خليها تروح لدكتوره نعطيها شي للنظاره وللشعر ومن هالكلام وفيتامينات وكذا

ولا تنسى تعلق قدام زوجها ان اخلاقها حلوه وحركاتها حلوه وكشخه وطباخه وتعرف تسق وتطبخ والكل يمدح

والله بالاخير يقتنع الرجال

صباح الخير ^^

حلو انها اتحمست ها بداية التغيير ان شاء الله ^^

انزين انتي قلتي تبين علاج للسواد انا كان عندي بس الحمد لله الحين تقريبا راح باجي شوي

مثل ما قلتلج الحمام المغربي اعمله في البيت لانه حرام في الصالون ونحن نريد الله يوفقنا في حياتنا صح نبعد عن

الحرام وبعد انا قريت لمغربيات يقولون انه الحمام المغربي في الصالون كثرته يسبب تجاعيد وترهل للجسم والبشرة لانه

قوي مع الاستمرار عليه خف اللون شوي وبعدين قريت خلطة لوحدة تقول انه سبب سواد الركب والاكواع الحفاف الشديد

اول اسبوع اول شئ استخدمي الليمون قطعيه لنصفين وفرغيه شوي من النص وحطي في النص ملح خشن وبعدين حطي

الليمون على ركبتج ولفي عليه النايلون الشفاف حق الاكل لمدة ساعة وبعدين اغسليه ونحط شوي سكراب ونفركه

ونغسله بعدين نحط كريم الشكولاته من فازلين العلبة الدائرية وعقب ما يخلص الاسبوع نبدا بالخطوة الثانية وهي قبل النوم

حطي كمية ممتازة من كريم الشكولاتة من فازلين على ركبتج واذا صحيتي من النوم حطي سكراب وافركيه واغسلي

المنطقة المهم دايما ترطبين المنطقة وبتشوفين النتيجة ان شاء الله ^^

الشعر انتي قلتي شعرها خفيف اذا صابغته فاتح خليها تصبغه بلون غامج تدرجات البني بس الغامج لان اللون الغامج

يخفي عيوب الشعر عكس الالوان الفاتحة وخليها تقصه مدرج يخلي الشعر يبين غزير وكثيف وبالنسبة للاهتمام بالشعر

انا اذا سويت الحمام المغربي مرة او مرتين في الاسبوع احط حناء في شعري او احط الطين المغربي البني اذوبه في ماي ورد

واحطه في شعري وفي دكتورة قالت انه الشعر يكفيه نص ساعة حتى يمتص الزيت بعد النص ساعة خلاص الزيت ما يستفيد

من الزيت وها معلومة حلوة قبل ما تستحم تحط زيت سمسم اصلي او زيت زيتون وتخليه على شعرها نص ساعة او ساعة

وبعدين تستحتم انا اسوي جي اذا ما سويت حناء او طين مغربي والحمد لله شعري حلو ما شاء الله

ولازم دايما تسشور شعرها اذا مو ناعم


اوكي بالنسبة للوجه انا بشرتي جافة وحساسة اذا حطيت شئ ما يناسب وجهي يطلع حبوب على طول في وجهي

اللي ناسبني قناع الطين الزويني الابيض المغربي وايد حلو للوجه وانا استخدم منتجات ميركل نورمل موجود عندنا في

اكثر المولات في الامارات ما ادري شو بالنسبة عندكم منتجاتهم حلوة

او استخدمي لوريال بعد ممتاز للوجه او استخدمي منتجات غارنييه بس مو الاصفر الخاص للوجه مدحته خبيرة مكياج كويتيه

واختي استخدمته لوجهها تخبرني انه يجنن بس بعدني انا ما استخدمته وكريم الاساس يفضل تاخذه من نفس شركة البودرة

كانيبو ممتاز للمناسبات خالي شوي بس يستاهل يعطي تغطية حلوة وفي البيت انا الصراحة اكتفي بالبودر واحلى بودر

استخدمته dior skin for ever compact هو كريم اساس مضغوط بس انا استخدمه بدون ماي كبودرة ممتاز تغطيته يعطي

بشرة مخملية بس اختاري افتح من بشرتج بدرجتين لانج ما بتستخدمين كريم اساس

وانا كان يبقع وجهي اول ويتقشر بعد ما احط كريم الاساس والبودرة مهما غيرت الشركة نفس المشكلة بس بعدين عرفت انه

لازم احط اي كريم مرطب على وجهي قبل البودر او كريم الاساس او احط البيس من make up for ever ومن صرت اسوي جي راحت المشكلة


استغرب اللي تقول لازم تلبس فاتح بس انا ما في لون ما البسه ليش اخلي خيارتي في اللبس شوية كل الالوان البسها في البيت خاصة

برع البيت لا شوي انتبه من الالوان


بالنسبة للجسم احسن شئ الرياضة تكتب في قوقل تمارين المنطقة اللي تبي تضعفها واتسويه كل يوم او 3 مرات في الاسبوع وبتشوف النتيجة وطبعا احسن شئ لتناسق الجسم المشي


والاكل مهم تنتبه لاكلها تكثر السلطة والفواكه واللحوم وتخفف الشكولاتة والمقالي

ومثل ما قالو البنات خليها تثقف من نا حية العلاقة الريال ما يهمه كثير الجمال اذا كانت تسعده في هذا الشي

وهذي مشروبات تعطي نضارة للبشرة والوجه وصفاء وفي نفس الوقت تخلي ريحة المنطقة حلوة


الاول عصير برتقال مع ملعقة ماي ورد وملعقة عسل يخلط مع بعض ويشرب

او شاي اخضر مع نعناع وشوي ماي ورد وينقع في ماي ساخن ويخلط ويشرب 3 مرات في الاسبوع

او الخلطة الثالثة بس ها يمنع للحامل لان الزنجبيل يقولون يسقط الحمل بشري الزنجبيل واغليه مع ماي وماء ورد

واضيفي حبة نعناع وعادي لو ما اضفتيه واشربيه وبالعافية



صح بالنسبة لاهل الزوج انا احبهم وهم يحبوني وايد وام زوجي تحب عندنا اكثر من كل اخوانه يعني مو انهم احلى مني

اكرهم او احقد عليهم الزوج يحب اللي تحب اهله وعلى فكرة ريلي كل فترة اذا طلعنا مكان وعجبني شئ اكسسوار او عطر او

ثوب اخلي ريلي يشتريه لاخواته ويعطيهم جدامي على اساس انه عجبه هو واشتراه لهم ما يهمني انهم يرجعون الهدية ويعطي امه معاش شهري حتى لو مو محتاجة حتى لو مبلغ بسيط بتفرح انه ولدها يذكرها واذا هي عندنا او طلعت معانا

اخلي ريلي وايديقعد يتكلم معاها او يمشي معاها اذا طلعنا

تدرين مع انها اشياء بسيطة بس شو سمعتهم يقولون علينا اخوي بعد ما عرس تغير وايد ودايما يتذكرنا ويعطينا وها شئ

ايجابي بس نفس الوقت انتبه في كلامي مع خواته لانهم صح يحبوني بس لو قلت شئ ما عجبهم على اخوهم او عن البيت

بيتكلمون علي

وسوري طولت عليج بالرمسة ^^

اذا في شئ في خاطر اختج خليها تسأل ^^

ماشاالله الاخوات ماقصرو اهم شئ الثقه بالنفس اتذكر مره قابلت وحده عربيه بدوله اوربيه وهي سمراء وشعرها خشن وركبها سوداء وتقولي انا اي مكان ادخله الكل ينتبهي على جمال رغم الموقف له يمكن عشر سنوات بس دايم اتذكر كيف ثقتها بنفسها اعطتها اشراقه وجمال داخلي وكمان لاتبين لزوجها هالشئ ابد ترى الرجال مايحب الحرمه الضعيفه اللي مو واثقه من نفسها تطيح من عينه ومافيه شئ يخرب البشره قد القلق النفسي والله يسخر لها عباده

عندي بنتي الصغيره سمراء برونزيه ولمن احد يقول ليه سمراء اقولهم الحمدلله الناس يدورون السمار بفلوس وربي اعطاه بنتي بلاش

تروح لاخصائية تغذيه تعدل جسمها اذا عندها مشكله بجسمها بعدين اذا شعرها زي ماقلتي خفيف تهم فيه عند اخصائية شعر من دون ماحد يعرف والسمار حلو وتهتم بلبسها واكسسواراتها واهم شي تكون واثقة من نفسها والله يوفقها