يا بنات انا في محنه ابغاكم ضروري
حبيباتي طلبتكم بالله الراي والمشوره وعارفاكم اخوات وحبيبات ادخل فبي السالفه مباشرة قبل خمس سنوات اتوفت عائله في طريق الدمام من دوله عربيه وكنا خلفهم وشا هدنا الحادث وابلغنا الشرطه المهم وصلت الشرطه والاسعاف واكتشفو ان السياره فيها طفله بيبي توها مولوده:04: وسبحان الله ما جاها الا شوية رضوض وكدمات ومربوطه على كرسي الاطفال المهم تابعناهم الين المستشفى وتوفيت الام قبل توصل وبعد ثلاث ايام مات الاب وبقيت الصغيره زرناها انا وزوجي وكل مره نسمع صياحها من اول السيب وبمجرد ما اخدها في حضني تسكت وتنام صراحة اتعلقنا فيها انا وزوجي وسالنا الاداره عن اهلها قالو جاء عمها واستلم الجثامين وترك البنت اخذنا تلفونه وسالناه ليش ما اخد بنتهم رغم ان الاداره طلبت منهم استلامها وجاء عمها وتفاهم معنا وسلمنا البنت عن طريق المحكمه وتبنيناها ولكن غلطتنا ما علمناها انها ما بنتنا:35: مع العلم انها متعلقه فيني وفي:arb: زوجي لدرجه ترعبنا من مصارحتها والبنت كبرت وصار عمرها خمس سنوات ومفروض تدخل المدرسه العام القادم باذن الله وهنا المصيبه حتعرف انو احنا ما اهلها ودي في طريقه اصارحها فيها من غير ما اسببلها الم واعقد ها واخرب نفسياتها واعلمكم انها شديدة الجمال وشديدة الذكاء الله يحفظها استناكم والله الموضوع جدا مؤلم لي ولي ابوها:44::44: