زوجي سحب من رصيدي الحكيمات يدخلون

وش دخل علاقتكم اسمى من فلوس ومافلوس
اذا كنتوا اخوان تحاسبوا
اللي يبي شي يقول تعطيه بدل الالف عشره اما يحفظ الرقم السري ويروح من وراها يسحب ومايعلم وش يسمى ذا؟؟؟؟
حتي لو محتاج مايسوي كذا
اجل المحتاج يروح يسرق من السوبر ماركت لانه محتاج ونمشيها له مثلا ونعذره
لازم في احترام واللي يسرق ابره يسرق جمل والا عشانها زوجه ضعيفه صار عادي مافي فرق بالفلوس وعلي راحته يسحب اللي يبي
ايش رايك زميلتي بالدوام اخذ صرافتها يبي يسد فاتوره يقول حصلت مشكله بصرافته وعرف رقمها السري وسحب منها ثلاثين الف ريال خلال اسبوع لحد ماكتشفته يعني لو ماكشفته استمر بالسحب وللعلم زوجها في وظيفه راتبها عشرين الف ريال غير البدل السنوي خمسين الف ريال !!!!!
غريبات بعض الحريم وكل شوي اقرا موضوع اللي تزوج عليها بفلوسها واللي سافر المغرب بفلوسها ووحده هنا حاطته بتوقيعها سرق بيتها وحوله باسمه ولحد الحين تقولون مافي بينا هالكلام
تري كل اللي قلتهم فوق وانضحك عليهم كانوا يقولون هالكلام وازود والثقه مقطعه بعضها وبالنهايه صاروا تجارب وعبره للباقيات اللي على البر فهل من معتبر !!!

عادي ليش مكبره الموضوع

انا اخذه منه اذا احتجت بدون مايدري وعمره ماسئلني ليش اخذتي من جيبي
وهو نفس الشي لو احتاج ياخذ من محفظتي

ولا نحسب على بعض بس كل ناس وطبعهم بس انتي اذا يزعلك تضرفه غيري رقم بطاقتك وبس  

بصراحه زوجك غلط

مافي فرق بني وبين زوجي بس مستحيل اخذ بطاقته واسحب بدون علمه

والعكس حتى لو كان محتاج ما ياخذ شي من فلوسي من غير اذني

والله يسخره لك

حبيبتي لا تخلين هالسوالف تفرق بينج وبين زوجج

يعني اقعدي انتي وياه وخلج شجاعة وصارحيه مو تصيريين جبانة وتخافين وتظلين مغفلة بكيفج وعقب تشكين

هذا زوجج حليلج ماكو شي اسمه حلالي وحلاله ولا في شي اسمه رصيدي وبطاقتي ورصيده وبطاقته المفروض انتو الاثنين شي واحد

وتتفقون على هالشي

يعني انتي كلج ملكه هو ليش تحطين حواجز بينكم والله ان اتفقتي معاه وشافج زينة له والله ليحترمج ويحطج على راسه

ولا تخلين تجارب الناس قدوة لج لا حياتي انا اصنعها مع زوجي بتعاملي معاه

ودام الحلال واحد والله راح تملكينه هو كله

ماعليج بلي تقولج خل يولي وهذا نذل ولا غير هالسوالف الي يا ويلهن من الله وراح يتحاسبن على كل كلمة قالنها على هالمسكين

ولا تنسون يا حريم تتقن الله واذكرن حديث الرسول صلى الله عليه وسلم
الحديث أخرجه أبو دواد وعبد الزراق والطبراني والبيهقي وغيرهم ولفظ أبي داود:

2175 - حدثنا الحسن بن علي ثنا زيد بن الحباب ثنا عمار بن زريق عن عبد الله بن عيسى عن عكرمة عن يحيى بن يعمر عن أبي هريرة قال
: قال رسول الله صلى الله عليه وسلم " ليس منا من خبب امرأة على زوجها أو عبدا على سيده " .

قال الشيخ الألباني : صحيح

وانتي يا حبيبتي شفيها اذا زوجج سحب منج بس قوليله ترة انا عرفت وودي منك توضحلي ليش سحبت مني وخوذيه بالسياسة وقوليله يابو فلان ترة انت راس مالي

وانت حلالي وانا ورصيدي كلي لك وانت ماتسحب بدون اذني لا انت كل المال لك واكسري عينه بالكلمة الطيبة وخليه يندم باحترامج له وفشليه بلسانج الطيب مو بشي ثاني ترة والله ماراح تستفيدين شي يعني الفلوس وانسحبت وشتبين تسوين ؟

بس لا تتهورين وتسمعين كلام اي وحدة تحاول تخرب بيتج والمرة مالها غير بيتها وزوجها هو تاج راسها فاكسبيه وخلي عنج الارصدة ترة محد مات وخذاها معاه

بس صارحيه واتفقي معاه وربي يصلح ذات بينكم ويألف قلوبكم ويهديه ويسخره لج

وسامحيني عالاطالة بس مابي بيتج ينخرب على بطاقة وهالخرابيط ..

تصرفه غلط
لكن تصرفي بحكمه دون أن تخسروا بعض أو تتسبب هذي المشكلة بحاجز بينكم
الله يسهل أمورك