يبغوني اتزوج ...
انا بنت عمري 22 ولا قد إنخطبت في حياتي فساروا ابوي و أمي يزنوا عليا عشان اروح الافراح و المناسبات عشان الناس يشوفوني و انا من طبعي مااحب اروح لأني اقعد دايما اقعد لحالي ولا اعرف ارقص ولا اتكلم مع احد و غير كده انا من النوع الكسول و مااحب اقعد و الف و ادور في الاسواق و اصلا انا ماابغى اتزوج و كرهت الزواج من الاساس مافي امان للرجال دحين فقلتلهم اني ماابغى اتزوج حقعد على قلوبكم مع اني بنت امي الوحيدة و اللي اكبر و اللي اصغر مني بينخطبوا و يتزوجوا و انا محلك سر بس انا راضية بوضعي الحالي و دايم اقول لأمي اني حقعد جنبك دايما للابد فتقولي لا لازم تتزوجي و اشوف عيالك و انا ارفض و دايما مضاربة على دا الحال زي اكني انا موقفة نصيبي .. صحيح انو كل ام تتمنى تزوج بنتها بس اللي حيتعب في الاول و الاخير انا و كمان عندي اخوان معاقين و امي شقيانة معاهم و زواج ابويا تعب نفسيتها زيادة و سارت معزولة عن الناس كلهم و انا صراحة ماابغى يحصلي كده لأنك في ده الزمن لا سار الاهل ولا العيال ولا الزوج ينفعك و ما حينفعك الا نفسك و شهادتك