هل اخي يصنف من ذوي الاحتياجات.؟!

السلام عليكم


بنات حبيت اسألكم

اخوي معاه ضعف نظر
وخواف مره
ويرجف دايم لو عطيته فنجان قهوه يبين رجفة يدينه
ودايم منزل راسه لامشى
ومانقدر ندخله الا مدرسه اهليه
دايم مع امي وهو عمره 17ينام بنفس الغرفه
مايقدر يعتمد على نفسه ولانعتمد عليه دايم يجيب العيد
ضعييييف شخصيه ومايجلس مع عيال الحاره
فيه تأتأه خفيفه بس يكلج لاتكلم
يعلق يالله ينطق الكلمه
وفيه حركه براسه لا اراديه بس نادره تجيه

هل يصنف من ذوي الاحتياجات الخاصه.؟

ترك دراسته هالسنه عشان الوالد مديون والله يسهلها ويدخل السنه الجايه وندخله اهليه

9 تعليق 1,258 مشاهدة

شاركي في النقاش

سجلي الدخول لإضافة تعليق.

التعليقات

9
  1. @loaa_alfrka

    الله يشفيه يارب ويفك دين ابوك
    ماعندي جواب بس ماحبيت اطلع وما ادعي

    بس لا بد من عرضه لدكاتره مختصين
    17 سنه مو صغير يعني المفروض من زمان
    ربي يشافيه لكم ان شالله

    ممكن يكون المرض مو عضوي ممكن يكون نفسي
    خاصه لو كان عايش بين بنات او الظروف المحيطه حوالينه ماقوت شخصيته
  2. @am_aamralghaly

    اتوقع مرض نفسي الله يشفيه والمرض النفسي له اعانةمن الدوله اكثروا من قراءة القران والدعاء والرقيةاسال الله ان يشفيه
  3. @mshaaal_althbyty

    صاحبة الموضوع
    طيب اروح لمين عشان يشوفون اعاقته النفسيه ذي
    ولمين اروح عشان يصرفون له اعانه اقلها هشان ندخله مدرسه اهليه
    تعرفون المدارس الحكوميه يبيلها واحد قوي صحيا ونفسيا وهو خوواف يبي فصل مافيه الا١٥ طالب
  4. @zy_alshokola

    أنا تخصصي تربية خاصة

    وأقولك لا أنا وولا أحد هنا في المنتدى ممكن يقولك وش عندك أخوك بالضبط
    بس مهم تودونه لأخصائي نفسي وودوه المستشفى سوه فحص شامل
    وسوا له اختبار ذكاء شوفوا كم درجة ذكاءه هل هو عادي أو أقل من العادي

    والله يطمنكم عليه .. ان شاء الله أزمة وتعدي
    وأهم شي لا تهتمون كثير بالاعانة ولا تصير نظرتكم مادية لأن في أهل الله يهديهم كذا تفكيرهم
    وتراها ما تسوى كلها 300 ريال بالشهر

تابعي تجارب أخرى من هذا القسم.