الملف الرابـــــــــع لبنات المدينه عن المستشفيات والاطباء ملف تفاعلي

بنات مستشفى المطبقاني فيه ابرة الظهر واحد جربها
بليز لاتطنشوني ولله شايله هم ومايردو على الاتصالات

أذكر في ولادتي ببنتي قلت لها ما ابغى الكمامة واتناقشت معاها فيها ههههههه
المهم حطت لي الكمامة وقلت لها ما ابغاها قالت هادا اكسجين
قلت لها الحمد لله الغرفة مليانة اكسجين مااحتاجها ههههههه
قالت مو عشانك عشان البيبي
قلت طيب وفي نفسي اقول : اتأكد أول هههههههه واخذتها وشميت بشويش منها لأني أعرفه الغاز المنيل هداك اول ما اشمه احس راسي تقيل جدا
المهم لما شميت عرفت انه فعلا اكسجين وخليتها عليا
ولما جاء ينزل البيبي لاحظتها أشرت للسستر .. السستر حولت المؤشر في الجهاز على الغاز
وأخذت نفس واحد قوي غصبا عني مع نزلة الراس ولما حسيت انه البيبي نزل شلت الكمامة بسرعة ههههه
الحمد لله كنت على وشك ادخل بالدوخة اللي ما احبها بس الحمد لله لأنها مرة وحدة استنشقتها ما أثرت فيا ومادخت
ترى هي فعلا تخفف الألم وسبحان الله هالغاز يروح للرحم مباشرة ويفتحه بسرعة يعني انت لو بتولدي بدونها حتعرفي الفرق.... لكن انتي تحسي الالم بيزيد لأنه هو فعلا بيزيد مع اقتراب خروج الطفل
بس انا تسبب لي دووووخة واصير كأني في حلم لمدة ساعات واجلس ابكي واقول يووووووه لسى ماولدت ..وأنا والدة من ساعات...... وتخلي نفسيتي عددددم ...من جد تخليني زي المجنونة بلا وعي عشان كدا اكرهها
انا جربتها بمستشفى الولادة ببكريتي من 18سنة يمكن تختلف عن اللي بالخاص
وترى حتى الخيوط بتفرق قالت لي الطبيبة في مستشفى الولادة اللي بالخاص رفيعة جدا وناعمة وتذوب من نفسها وسعرها غالي عشان كدا مايجيبوها بالحكومي خيوطهم متينة وعريضة وماتذوب لكن تشوفيها تنزل بطولها الله لايعيدها
ومن بعدها ماجربت الحكومي ابدا
رحت للخاص وكلهم عند عفت الله يسعدها
ولدت ولدي التاني بإبرة الظهر عشان كدا ماحطوا لي الكمامة
والبنت التالتة هي اللي اخدت نفس واحد... بس كانت من ربي ولادتها سهلة تبارك الرحمن والأخير جبته قيصري

ودحين مدري ايش بيصير.........ربي يسهل علينا يارب

مساء الورد

طبيعي لاتخافي ولا توسوسي انا كذا بحملي ماحسيت بالحركه بدري والحركه خفيفه الى الشهر السابع وقويت شوي مو مرره وجننت باسر كل شوي رايحه عنده وكان يخاصمني يقولي لاتجي قبل شهر والوضع طبيعي وكان عندي تقلصات وكتبولي على ايبردول تخفف التقلصات والحمد لله ربي تمم حملي ويارب يتمم حملك ويقر عينك بشوفة جنينك يصحه وسلامه