أهلي حبايبي ممكن يحرموني من الزواج؟؟

السلام عليكم ورحمة الله وبركاته أول شي ربي يعيد هالسنه الهجريه والمسلمين في كل مكان يكونون في ظروف أحسن يارب،،،،بنات خواتي أنا مثل مايعرف بعضكم مش متزوجة وأتوووووق للأمومة يارب لاتحرمني منها ولا كل بنت :44: عمري 28 أنا اهتم بكل أطفال عائلتنا ومعروف انهم يحبوني واني حنونه بس يابنات سبحان الله محد تقدم لي ابد ابد مع اني متعلمه وموظفة وماني جميلة لكن شكلي زين وطفولي وانتوا تعرفون ان هذا الشي يخلي البنت تهتز ثقتها بنفسها شوي لكن الحمدالله أنا عمري ماتنازلت عن قيمي ولنت لأي أحد ويشهد ربي اني ماكلمني رجل الا في عمل وبنات من عائلتنا نفس حالتي في التأخر في الزواج لكن حبوا وانحبوا وكلموا وانخطبوا عن هالطريق مشكلتي يابنات اني والله استحي اقول الكلمه لكن أنا قلبي مايل اتجاه شخص معاي في العمل وانا لو ماحسيت ان هو مايل لي ماكنت التفت له أصلاً معاملته لي مختلفة عن الكل وحنون معاي ويخاف علي أحس بإهتمامه وخوفه ودفاعه عني في أمور مرتبطه بالعمل وهو يابنات عشان ماتفهمون خطأ هو أجنبي أوروبي من أصل مسلم لكن متدين وخلوق ووربي اللي عجبني فيه استقامته وصلاته مشاءلله وان في ناس دخلوا الاسلام على يده وحسيت اني محظوظة لانه يعاملني بشكل مختلف ويثني دايماً علي وفي أخلاقي الحمدالله مب في وجهي لكن قدام الناس ويوصلني الكلام وأحس بميلانه لي والأهم انه حنون علي هو سأل صديقتي وهي حرمه كبيره في العمر ومتزوجة وعندها بنات بعمري وهي اللي معاي بمكتبي وحاول يجس النبض انه لو تقدم لمواطنه بتقبل فيه ولا لا؟ هو أحسه خايف من الرفض :44: ومن جهة ثانية أنا متعوده اقول لخواتي وأمي كل شي يصير وكلمتهم عن مواقفي معاه من قبل يابنات أهلي احس مستحيل يوافقون عليه أختي اذا تتهاوش معاي تقول لي كلام جارح مثل يازوجة الهندي هو اصله مش هندي بس اعطيكم مثال وأمي تهاوشها تقول لها اسكتي لاتخلينها تفكر وتصدق انها بتتزوجه ووجه امي وهي تقولها مخطوف احس امي خايفه :( أختي هاذي بالذات مكتوب كتابها على ولد عمي الله يوفقها ويسعدها اللي حبته 13 سنه وكان بينهم رسايل بالجوال وطبعا ابوي واخواني مايدرون وكنت الوحيده اللي ادافع عنها قدام خواتي الثانيات اذا عصبوا واحاول اخفف الوضع ليش هي حلال وأنا اللي مشاعري بقلبي حرام ؟؟ كأني طفله ولا لي قرار و لا مشاعر مع اني معروف عني العقل الحمدالله حتى بعز مراهقتي عمري ماحبيت لاعب ولا مطرب اخواني تزوجوا عن حب وأخرهم واحد عمره 20 راح يتزوج وحده يحبها الله يوفقهم ويسعدهم وأنا يشهد ربي علي ان هذا الشخص اللي أتكلم عنه اكون اقسى الناس معاه وماعطيه وجه ومابينا اي كلام نتكلمه لوحدنا يعني يانكون في اجتماع أو وسط ناس أنا أتمناه من كل قلبي يابنات بالحلال ووأدعي وأنا خايفه لاني أحس بالفتره الأخيره صار يحاول يتقرب أكثر واخاف يكلمني في الموضوع:( أنا أحب أهلي وهم أغلى شي عندي في الدنيا وعلاقتنا قويه الحمدالله وفي نفس الوقت أبيه كزوج وأب لأطفالي بإذن الله بنات أنا عمري 28 وماتقدم لي احد من بلدي وماني عارفه ليش ممكن ناحرم من اني اكون زوجة وام بس لان الشخص مش من بلدي مب حرام وأنانية؟؟؟:44: بنات ادعووا لي انه يتقدم لي ويقتنعون اهلي فيه