رساله الى كل مديرات المدارس..... طالبه مقهورة
بسم الله الرحمن الرحيم
السلام عليكم ورحمه الله وبركاته
من يهده الله فلا مضل له ومن يضلل فلا هادي له >>>>>> نفسي اقولها من زمان
المهم...
هذي رسالة لكل مديرة مدرسه تعبت منها طول فتره دراستي...
تمر علي لحظات اشعر فيها انكم شريرات مثل الانسه منشن...
وش لحظات الا طول السنة.....
هل سألتي نفسك هل اديتي واجبك تجاه طالباتك؟
من بداية السنة ونحن مستبشرات بسنه سعيدة
بالعامي فرحانات بالدراسه مراييلنا جديده وكل وحدة تتباها بشنطتها وجزمتها
من اول ماتصفر لبداية الطابور تبدا حملة الاعتقالات
وش التهم الموجهه لنا؟
1\ ليش مريولك لونه فاتح؟
2\ليش حطيتي مرطب؟
3\ليش حاطه حلق؟
4\ليش حاطه كحل؟
ليش مسويه كذا
ليش
ليش
والله العظيم يشهد علي ربي
لاشافوا كريم نيفيا اخذوه
لا شافوا مشط اخذوه
لا شافوا مرايه اخذوها
ليش احنا مو بنات؟؟؟؟؟
مايسدكوا ان فيه بنات فقدوا معالم الانوثه ....
هذا بدال ماتعودوهن على الانوثه والنعومة
مشكله ثانيه الحين الوزارة متكلفه على المبنى وحاطين لنا ساحه كبيره حول المبنى
تحشرين البنات بالساحه الداخلية الصغيرة ليششششش كله عشان تسيطرين على المتمردات...
مشكلة ثانيه الحين الوزارة حاطه للبنات برادات تقفلينها ليشششششششش
لاتقولون قديمه اقسم بالله جديدة...
كله عشان تكسبين 200 ريال باليوم من المقصف ....
ياشيخه خافي ربك من منع فضل الماء لاينظر الله له يوم القيامه....
ملاحظه\هذا قبل شركة كاكو يعني ايام مدرستي الابتدائيه كانت المقاصف مساهمات يعني كانت عطش وجوع ونقص بالاموال والانفس
والله كنا صغار
كانو يبيعون شوكلاته ومصاصات وبالونات
طبعا فيه فطائر وغيرة
بس احنا وش فهمنا وش المفيد؟
واكثر البنات على لحم بطونهن...
تنتهي الفسحة
وكل الحلويات والخرابيط انباعت....
وين رحمة الانثى على البنات الصغيرات
طبعا اللي بنص يصير بريال سبحان الله
يالله عفى الله عما سلف
مشكله ثانيه
الحين الوزارة تتعب وتطبع كتب لطالبات
تجي معلمه يالله ادفعوا 15 ريال للملخص الفلاني تلقونه بالمكتبه الفلانيه من اعداد المعلمه نفسها
ويالله كل معلمه حاطه لها ملخص
ولاتذاكرون الا منه...
طيب كتاب الوزارة؟؟؟؟ بلوه واشربوا مويته
طيب مشكله ثانيه كل شوي هاتوا فلوس
مرة بنصبغ المدرسه
مرة بنزين الفصل
مره بنحط بلاكاش
مرة بنحط لوحات
مره بنغير السبورة
صرنا نصرف على المدرسه
انا مايكسر خاطري الا البنت اللي ماتقدر تدفع تعالو شوفوا نظرات المعلمه لها
اقسم بالله يابنات اختي اللي بالمتوسط تقول فيه بنات مادفعوا ان المعلمة تقول بكل استحقار مع عصبية اللي ماتقدر تدفع تقولي عشان ادفع عنها.....
طيب لو فيك ذرة رحمة يامعلمة الاجيال كان استحيتي على وجهك وش بينفعك لاصار فصلك افضل فصل وانتي كسرتي نفس البنت........
ايتها المديرة هل انتي راضيه على هذا الوضع؟
مشكله ثانيه.....
كل ثلاثاء جامعتنا بالحر عشان نسمع محاظره دينية
كلها عن الحجاب والسفور والنمص والبناطيل
هل جربتي يوم من الايام تغيرين الموضوع وتحطين موضوع عن الغذاء طبعا لا
هل فكرتي تغيري الموضوع وتجيبي دكتوره نسائيه تتكلم عن الحيض طبعا لا
او دكتورة اسنان او سيده اعمال او جبتي جدة تحكي للبنات قصص الاجداد طبعا لا
طبعا لا لانك مو فاضيه
الحديث يطوووووول ولكن
ايتها المديرة
هل اديتي واجبك على اكمل وجه؟
لاتنسين كل راع مسؤول عن رعيتة