غلطتي في بناء او تأثيث بيتك غلطة وتحسفتي وماودك احد يطيح فيها.. هنا نستفيد من نصيحتك.

طبعا حنا مابنينا بس سكنا بيت واقولكم غلطاتنا:


انا ندمممممممممممت على اني حطيت زوايا طويلة لدروج المطبخ
واخذت مني مساحة كبيرة من المطبخ ومن سطح العمل
ورحت اشتريت طاولة علشان اوسع على نفسي مع ان المطبخ ضيق وصغير
لو اني ماحطيت الزوايا كان طلعت مساحة العمل عندي كبيرة وتكفي للعجن والتقطيع والتحضير :(


ثاني شئ
ندمـــــــــــــــــــــت ان الكنب اللي فصلناة ماسالنا عن الاسفنج وسماكتة
بس اخترنا الموديل والالوان ونسينا نختار ضغط الاسفنج وبدا الكنب يضعف ويبين انه مستهلك مع ان ماله الا شهرين بسسسس:(


وندمت على ان زوجي حط البوية نصف لمعة لانها ماتروح منها اقلام الحبر والالوان وحتى ضبات الكرة وكفرات السيكل :( :(

بنات اللي يبنون وزعزا الافياش واللمبات في مكان صح
واختاروا مكان الكنب والتلفزيون والاثاث والثلاجات وانتم تخططون البيت
ولاتنسون قسم خاص فيكم او جناح بعيد عن عيون الشغالات والضيوف وحتى عن عيون اولادكم وبناتكم


واحذروا من المطابخ المفتوحة والله كل اللي سووها ندموا كثير بسبب الروائح +تطفل اطفال الضيوف + مقابلة الشغالة لكم+الحريم المتطفلات اللي يعنني اساعدك وهي داخلة تتفرج وتتصيد


واللي موسع ربي عليهم خلوا قسم النساء مستقلللل تعبنى من استعراض بعض الحريم في نص البيت ويعنني اساعد او يعنني الحق ولدي او يعنني ابي الحمام والله حفظناااااهم وحفظنا حركاتهم يصلح لهم مجلس بحمامة ومنعزلللل وبمدخل خاص مايمر على الرجال

اب
لا اله الا الله