السلام عليكم ورحمة الله وبركاته
أخباركم بنوتات وحريم حــــواء انا متابعتكم من زمان بس ماسجلت متكيسله أسجل وأنا مو ذاك الزود على الانترنت ... واللي خلاني أطرح مشكلتي هي أختي الحبوبة ( نفسي أضحك من قلب ) شكيتلها مشكلتي قالت مالك الا بنات حواء حريم سنعات ويفيدونك أحسن مني وتصدقت علي بيوزرها عشان أطرح مشكلتي .... مشكوره يا نفسي أضحك من قلب ,,,, مدري اش تبين بالاسم ذا ,,,, والله أمزح معك لاتزعلين علي...
المهم ماشاء الله عليكم عيني عليكم بارده يالحريم اللي تعرفون تردون وتسكتون الي قدامكم بالذات أزووواجكم ....
أنا ياناس زوجي رجالٍ طيب وحبيب لكنه ماشاء الله راعي لسان طوييل ومزوووح بشكل ويحب يتريق على كل شئ وأختكم الخبله ما غير فاتحه فمي وأضحك على تريقته ما أعرف أرد عليه ولا أعرف اوقفه عند حده وأحيان يتمادى لدرجة تحرجني ولزعلت قالي عندك البحر اشربي منه والا عندك كم طوفه ويعددها لي ...
واللي يقهرني ياحريم انو قدام أهله أمه وأخواته يتتريق علي ويقولي ابتزوج وحده ثانيه ويقعد يتغزل في الحريم قدام امه وأخواته
انا فاتحه فمي ووجهي يصير مليون لون ولون وما أعرف أرد ولا بكلمة ويبين علي اني متضايقه وأجلس طول الجلسه ساااااااكته ودي أبكي بس <<<< تخيلوا هذا كله وأنا مالي غير شهرين متزوجه والكلام ذا صار من ثالث يوم بزواجنا
انا بطبيعتي ما أعرف أرد على احد وما أعرف أتفاعل ....
طيب بتقولون واش المطلوب المطلوب تقولون لي كيف اصير أعرف ارد وأوقفه عن حده لاجاب طاري حرمه ثانيه والا زواج قدام أمه وأخواته يعني مثلا
مره كنت عنهم على القهوه وأنا تجيني البكمه لا جا وجلس مع وأخواته وهو يبي يستفزني يقول لخالته ياخاله دوريلي زوجه حلوه وناعمه ويطالع في ,,, تخيلو قدامي ( بالله لو محلي اش تردون أي وحده تقولي لو مكاني اش تقول لأنه هو يكرر الموقف كثير )
والا اذا قعد يمدح وحده في التلفزيون قدامهم والا بينا وبين بعض ( شلون أرد عليه وأسكته )
مع العلم انه دايم يمدحني ويقولي انه ما يلقى احلى مني ومن الكلام ذا ... اذا حس انه زودها معي
تكفوووووووون ساعدوني وعلموني كيف أصير ملسووونه وارد عليه نفسي بس اصير أقدر ارد عليه وأسكته .
شاركي في النقاش
سجلي الدخول لإضافة تعليق.
التعليقات
15- ربي يفرج همك يارب
- قولي له منت بلاقي مثلي ومارضى ياخذك غيري أنا
والله يسخره لك - ي قلبي احس كل الرجال كيذآآ..مزحهم ثقيييييل خخخخخخخخ
على العموم
قولي له رووووح اتزوج والله لو تدووووووووووووووووور العالم كله ماتلقى وحده مثلي
ولا (والله م تلقى وحده تدلعك و...الخ >وعاد لااوصيك عددي اجابياتكـ
قوليها بثقه وانتي رازه نفسش ^_^>ا - إلتفتي عليه و إبتسمي إبتسامه صفراء زي مايقولون :22: وقولي من عافنا عفناه ولو كان غالي عطني ورقتي وتوكل على الله وخذ بدال الوحده عشر أنا بعد بشوف عمري والله يكتب إللي فيه الخير لي ولك
سيقان نمله ي قلبي احس كل الرجال كيذآآ..مزحهم ثقيييييل خخخخخخخخ على العموم قولي له رووووح اتزوج والله لو تدووووووووووووووووور العالم كله ماتلقى وحده مثلي ولا (والله م تلقى وحده تدلعك و...الخ >وعاد لااوصيك عددي اجابياتكـ قوليها بثقه وانتي رازه ن…
يوخيتي لا تصيري ملسونة ولا شي وان سمعتي شي ماعجبك قولي له جزاك الله خير وقوليها بمرارة
والا لا تردي عليه بالمرة قومي من جنبه واشغلي نفسك باي شي
واعطيه نضرة من الي يحبها قلبك عشان يحس لا تصيري ضعيفة ولا تصيري ملسونة الاثنين غلط
خليك بالوسط
مواضيع مشابهة
تابعي تجارب أخرى من هذا القسم.