ياتاجرات وخصوصن تاجرات الماكولات شوفو واحدة تاجرة اكل ايش سارلها !!تحذير

حسبي الله ونعم الوكيل لمن اراد بتاجرات المسلمين السوء اللهم اشغله في نفسه


بنات ابغا احكيلكم عن قصة واحدة اعرفها تاجرة بالكب كيك وماشاء الله مشهورة بمنطقتنا وفي النت ومحااقول اسمها للسرية

التاجرة ماشاء الله عليها مشهورة بالنت وسارت تجيها طلبيات من خارج منطقتها مثل الشرقية ومنطقة الرياض ...الخ يعني بالعربي سارت تشحن

اللي صار جات مره زبونة من جدة طلبت منها كمية وشحنتها لها ورجعت (نفس الزبونة )طلبت كمية وشحنتها لاكن صار شي غريب بعد كده

نفس الزبونة (حقت جدة )رجعت طلبت كب كيك بكمية كبيرة وقالتلها هادي المره لاتشحني حيجي واحد ياخدها يوم الاستلام المطلوب الساعه 9 بالليل (طبعن نفس زبونة جدة )

البنت وافقت قالتلها مو مشكلة اللي حصل جا يوم الاستلام

وسارت الساعه 9 تقريبا

اخوها الكبير يستنى ونزل تحت بالشارع ولقى واحد جاي ناحيته هوا اخوها جاه في باله ان هو اللي رسلته الزبونة حقت جدة صاحب الطلبية الواحد اللي قالت عليه حيجي يستلم الطلبية

اللي حصل جا الرجال سال اخو التاجرة وقاله (انتا عندكم احد بالبيت يشتغل يبيع حلويات وبسكوت ؟الولد استغرب لو جاي يستلم طلبية مايسال هالسوال قام اخوها ربنا الهمه وقاله لاء مانبيع

قام نفس الرجال رجع ساله سؤال ثاني (ماتعرف احد قريب منكم يبيع اكل او حلى او بسكوت او شي

رجع اخوها قاله لاء


قام اخوها حكالها قالها هاذا واحد من حقون المباحث وفي احد مبلغ عنها (اخوها من حسن حظه انكر )

البنت حكتلي خايفه تقولي في احد مشتكيها لجهة حكومية ياللبلدية او المباحث وشاكة بالزبونة حقت جدة ان هيا اللي مبلغه




سؤالي لكل التاجرات خصوصن تاجرات الماكولات بكل انواعها

هل المباحث او البلدية ممكن يسو حركة زي هاذي مع التاجرات ؟؟؟؟؟؟

وهل واحدة منكم او تعرفوها اتعرضت لهاالموقف ؟؟؟؟؟؟؟؟؟؟؟؟؟؟


تراانا خايفه لان عندي اول بازار ليا بالكوكيز الاسبوع الجاي وخفت :06:

47 تعليق 9,482 مشاهدة

شاركي في النقاش

سجلي الدخول لإضافة تعليق.

التعليقات

47
  1. @am_ahmd_39

    الله يعين على هالحااااااااااااااااال
    كل شي ممنوع

    بس سوال خاااااااااااارجي

    ايش الشركات الى تشحن الكب كيك
  2. اعوذ بالله من قطع الارزاق

    ربنا ما يطق بعصا الظن السوء مو كويس لاكن ان كانت الحرمة دي مشتكية عليها ربنا حسيبها وشايف كل شي ويمهل ولا يهمل

    الله يكفينا يارب
  3. @roro_candy

    صاحبة الموضوع
    \ام احمد\
    الله يعين على هالحااااااااااااااااال كل شي ممنوع بس سوال خاااااااااااارجي ايش الشركات الى تشحن الكب كيك
    عزيزتي انا مادري لان هيا تسير اخت صحبة اختي ومرا طلبت اختي من عندها كمية لعزومة منزلية عادية بس انا خفت من القصة لان من اسبوعين سارتلها والله خفت :44:
  4. @roro_candy

    صاحبة الموضوع
    المصممة اضواء
    اعوذ بالله من قطع الارزاق ربنا ما يطق بعصا الظن السوء مو كويس لاكن ان كانت الحرمة دي مشتكية عليها ربنا حسيبها وشايف كل شي ويمهل ولا يهمل الله يكفينا يارب
    عزيزتي انا مااسئ الظن بالزبونة

    بس هيا شاكة ان الزبونة ماطلبت منها اكثر من مرا الا عشان تتاكد انها تتاجربالموكولات ولا لاء لان هياواخوها شاكين انها زبونة جدة هيا يامتعاونة مع مباحث او مبلغة مباحث

    بس ليش !!! لو البنت اكلها في شي ماكان انشهرت وسارت توصل لخارج منطقتها شحن

تابعي تجارب أخرى من هذا القسم.