اعذروني بس انشغلت مع الاولاد والبيت وزوجي كان موجود ماقدرت افتح المنتدى على موضوعي اخاف يشوفه ويعرف اني شاكه بس اول مانام جيت اركض عشان اطمنكم علي ..
ماصار شئ جديد وزوجي اليوم ماطلع برا البيت الا للمسجد ويرجع واول مايطلع للمسجد الصق في العين السحريه وكل شوي اطالع لين يرجع من المسجد وماشفت شئ غريب ..بس وانا وياه جالسين نشرب شاهي شافني سرحانه وبجد احس كل هموم الدنيا على راسي ..فسألني وش فيك لي كم يوم ملاحظك متظايقه. الوالده او الاهل فيهم شئ؟ فقلت لاسلامتك مافيهم شئ فقال طيب وش مظايقك ؟..حسيت نفسي مخنوقه ودي ابكي ,قلت مافيه شئ بس راسي يعورني شوي فسألني اخذتي بندول؟ قلت مافيه بخلي ريان يشوف عند فلانه الي هي جارتي الي شاكه فيها ,,فقال لا لاتطلبينها ولاتخلين عيالي يروحون عندها فقلت ليه وش فيها الجار للجار ,,قال حتى انتي ماله داعي تنطين عندها كل شوي ,,قلت ليش فيه شئ ؟,فقال استغفر الله مافيه شئ بس اسمعي الكلام وخففي زباراتك لها وقام للمكتب حقه وانا مستغربه ومافهمت ليش قال كذا كنت شوي واقول تعال وش بينك وبينها؟ بس خفت من ردة فعله اذا كانت مجرد شكوك ,بس كلامه حيرني انتو تشوفون كلامه عادي ؟