توني اتأكد ان فيه ابآء وأمهات مايستاهلون يكون عندهم عيال وبالاخص بنات تدرون ليه تعالو
متابعة النقاش، صفحة 7
شاركي في النقاش
سجلي الدخول لإضافة تعليق.
التعليقات
51- حسبي الله ونعم الوكيل على هالاهل اذاماهم قد المسؤوليه ليش اصلايخلفواوجزاك الله خيرانتي وزوجك ماقصرتوا اناقبل يومين رحت البنك عشان اخذبطاقتي الصراف وقعت قالي زوجي روحي السياره وانابجيب البطاقه رجعت الااشوف واحدنازل من السياره ومعاه زوجته ومخلين عيالهم في السياره ثلاثه والله اكبرهم يمكن عمره 4سنين وكمان السياره بعيده عن البنك والولد الصغير طول وقته نازل طالع من السياره وانا اراقبه ومعايه ولدي صار الولديبعد عن السياره شويه شويه نزلت ولدي ورجعه وعلى هالحال يمكن نص ساعه حتى حسيت رقبتي صلبت وانا لافتها عشان اراقبه فالاخير كلمت زوجي يدور على اهله في البنك ويقولهم وكلمهم تتوقعون طلعوا عالطول لااستنوا وخلصوا اوراقهم وطلعوا اقسم بالله يابنات اول ماطلع السياره كان معاه سلك وجلس يضربهم ياالله ياليتني جلست اراقبهم وماقلنالهم والام ماكان ماكان لهااي ردة فعل ومادافعت عنهم والله اشكالهم وهما ينضربواماراحت منبالي
- جزاك الله عنهم كل خير
- الله يكتب أجركم أختي والمفرووض سمعتوا هالاب المريض كلاااام ماينقااال
ليش يفررررط هدولا بالذمه مايصير كذا يرميهم اففف مقهووره والله
الله يحفظنا والمسلمين - لاحول ولاقوة الا بالله
- ذكرتوني بوحده من جماعتنا اذا راحت الديره طشت عيالها ومادرت عنهم المهم وناستها سهر ومسيار وطلعات وعيالها مساكين يلعبون في الشارع وحنا ديرتنا قريه صغيره الكل يعرف بعض الاولاد كانهم صومال من النحافه والبهذله وبناتها ينامو مكان مايبغون عند اهلها او اهل زوجها اوعندها في البيت المهم لايذوها مساكين كل من شافهم حن عليهم اشكالهم تفشل من البهذله وهي قمه في الشياكه ولما يكون زوجها موجود تتغير اشكالهم ينظفون ومسكين هو الي يشتري ملابسهم ودايم من الغالي وكشخه ويعرف مقاساتهم احسن منها وصارت علك في فم جماعتنا تهتم بنفسها وبس وعيالها باطقاق مشاء الله عنده سته بس بنتها الكبيره هي الي تهتم فيهم اكثر منها عمرها 12 سنه لكن صارت مشكله في الاجازه الي طافت من الاولاد كسروا محطه بنزين هم واولاد وتغرموا كل اب دفع 3 الاف ريال وهي ماتدري لانه توه سافر العصر ودق عليه عم الاولاد قال الشرطه مسكتهم وتخيلوا في التوقيف من المغرب الى الساعه 9 وهي ماتدري تحسبهم يلعبون الا ودخله زوجها عليها في بيت ابوها صوته واصل لاخر الديره حتى ابوها قال والله لو تضربها قدامي الاحين اني لابوس راسك بنتي ويبيلها تربيه
مواضيع مشابهة
تابعي تجارب أخرى من هذا القسم.