مرحبا بنات
هنوده وريماس وبنت المالكي واناكيفي والجوهره
الله يسلمكم ويحفظكم بحفظه
بحكيلكم وش صار معاي هذا الله يسلمكم يوم الأحد جاني مغص خفيف وكان يشد علي ويفك اخذت اليوتو بار ونمت وطول الليل اصحى من الألم ومو راضي يخف بالعكس يزيد حاولت اتحمل قلت بيروح لأني دايم تجيني هذي الألام وتروح بس مافي فايده الى اليوم الثاني راح زوجي الدوام ولا علمته يوم رجع الظهر كنت واصله حدي ماني قادره اتحرك من الألم وعلى طول وداني الطواري يوم كشفت علي الدكتوره خرعتني تقول الرحم مفتوح واحد سم والخياطه شاده يلا تنويم حسبي الله عليها وطلعت غرفة الولاده جاتني دكتوره ثانيه وفحصتني قالت الرحم مسكر والخياطه ممتازه مافيها شي بس الطلق زايد اذا زاد فكينا الربط وانا رافضه ماتفكونه عطوني شي يهدي الطلق ومو راضييين يقول مافي خلك منسدحه لين نشوف وش يصير وجلست يوم ولا خف الطلق بس ماكان منتظم ويوم الثلاثاء الصباح يجيني دكتور مصري قمت عليها ياتعطوني مهدي والا انا بطلع بروح مستشفى ثاني يعطوني وجلس يحاول فيني يقول عادي اذا ولدتي الحين الجنين وزنه كويس حسيتهم بس منتظريني اولد انا يوم قال الكلام هذا طرت فيهم ابغى اطلع ويحاول فيني اخر شي جابولي استشاريه وقلتلها عطوني مهدي للطلق والا اكتبولي خروج ماعاد بجلس عندكم حاولت فيني ومافي فايده اخر شي قالت خليني اشوف اذا الرحم مسكر عطيناك وكشفت ولقته مسكر وربي هلكوني بالكشف كل شوي
المهم عطوني يوتوبار عن طريق الوريد وسبحان الله على طول وقف الطلق الحمدلله وجلست يوم كامل عليه ووقفهوه عني وطلبتهم يكتبون لي خروج اليوم ورفضو بس اصريت هلكوني بالكشف كل شوي حسيتهم يبغوني اولد بأي طريقه المهم جاني الأستشاري اللي متابع معاي من اول الحمل ورجعني على أبر الزيت يقول حلوه تهدي الطلق على الأقل لين توصلين 35 اسبوع وسألته عن سبب الطلق قال احتمال طلق كاذب واحتمال التهابات وقام يقولي طبيعي يجيكي طلق لأنك بالثامن ومعروف الثامن بالطلوق عشان يتهيء الرحم للولاده بالتاسع والحمدلله طلعت ومافيني الا العافيه بس انا حاسه انها التهابات لأني من فتره وقفت المضاد اللي كنت عليه قلت بريح منه شوي
₪Ξ❤Ξ»¯−_ღ أحلى تجـمع للحوامل الرابطات (ربط عنق الرحم) الـرابع والعشرون ـღ_‗«Ξ❤Ξ二₪
متابعة النقاش، صفحة 334



