
بسم الله الرحمن الرحيم
السلام عليكم
اهم حاجه في البيت المطبخ ولازم يكون نضيف طول الوقت لانى بقضي فيه وقت كبير وبحس ان نضافه المطبخ بتعبر عن نضافه صاحبه البيت
الخشب كان لونه بنى وحبيت اغير لونته ابيض وانا اللي عملته بنفسي وكل الاكسسوارات اللي فيه انا اللي عملتها قولوا بسم الله ماشاء الله
دا مدخل المطبخ



الورق الابيض اللي عليه وردات فوشيا دا مشمع لزقته علشان اسهل علي نفسي تنضيف الحيطه علشان مش عليها سيراميك

الشنط الجينز اللي علي جنب دول عملتهم من بنطلون جينز وبلف الاكياس البلاستيك وبحطهم فيهم واحده للاكياس الكبيره وواحده للاكياس الصغيره


وهنا عملت حامل لمجات الشوربه بالمسامير الزاوايه

ودا زيه لمجات الشاي وتحت دي خطوات عمله وبعدين اضفت الخضرا بحب الزرع جدا بالذات في المطبخ










