سؤال عن سكن جامعة الامام

السلام عليكم يااخواتي

سؤال عاجل جدا اذا سمحتو لي: هل سكن جامعة الامام الخاص باعضاء هيئة التدريس مؤثث والا لا وماهي مواصفات السكن وجزا الله خير كل وحده عبرتني او ما عبرتني

11 تعليق 7,697 مشاهدة

شاركي في النقاش

سجلي الدخول لإضافة تعليق.

التعليقات

11
  1. @mys_oasyl

    المخروووووشه(",)
    والله ياقلبي اتمنى افيدك لكن ماعندي خبر انا اعرف الجامعه بس اساليني عنها خخخخخخخ
    تصدقين لنا سكن ما اخذناه :)

    اللي اعرف ان نظام السكن يختلف
    اقصد يختلف طبيعته يعني سكن الدكاتره غير الماجستير والمعيدين <<<<<<<<< مدري المعيدين لهم سكن ولا لا

    ويعطونك على حسب عدد الاولاد
    واعتقد والله اعلم ان في الاثاث الاساسي فقط

    <<<<<<<<<< خخخخخخخخخخخ ماودك تاخذين معلومات الا منها :hahaha:
    والله هذا اللي عندي بس مابغيت اطلع بدون ما ارد عليك واعطيك اللي اعرفه


    بالنسبه لي احب نظام الاسكانات بس زوجي الله يهديه ما اقتنع منه
  2. ميس وأسيل
    تصدقين لنا سكن ما اخذناه :) اللي اعرف ان نظام السكن يختلف اقصد يختلف طبيعته يعني سكن الدكاتره غير الماجستير والمعيدين <<<<<<<<< مدري المعيدين لهم سكن ولا لا ويعطونك على حسب عدد الاولاد واعتقد والله اعلم ان في الاثاث الاساسي فقط <<<<…
    السكن مو مؤثث ابد حتى الارضيه بلاط عادي
    بسس حلو سكنهم مو شين
  3. @dadonya

    السكن بانيته شركه المانيه مدري ايطاليه مدريه امريكيه<<<<<<<<<وش تبي ذي
    يعني دارسين الحاله والموقع وكل شي قبل التنفيذ
    والتكييف خيال
    والمشي رووووووووووووووووعه وتامنين على علانك والمسجد قريب
    والحديقه واماكن للمشي رووووووووعه وتفتح النفس
    والاولاد يلعبون على راحتهم في المراجيح
    والمركز الصحي مريح
    واي استفسار على الخاص لاني احتمال مدخل هنا مره ثانيه

    امس انا سهرانه هناك
    والمعيدين لهم سكن
    واقاربي فيه من الدكاتره الى المعيدين
    اللي اعرفهم 3
    ناس فلل وناس شقق
    وهو فئات
    بس بصراحه اذا حاصله لك لاتفوتينها

تابعي تجارب أخرى من هذا القسم.