تجمع عرايس 1434/1433 يارب تمم لنا على خير[الرجاء فتح ملف جديد]

صباح النور رسيل

هلا وغلا كيفك ياعرووسه ها بديتي تجهزيين


سوال بنات ابي اغنيه بعد الزفه تكفوووووووووووووووووووون

والله الى الحين لسى مااخذت الا ملابس البيت ومو كلها بعد
لان السوق مو راضي يخدمني كله شتوي وانا ابغى صيفي

قوليلي بديتي تتجهزين انتي

الحمدلله أنا تماااااااام

كيفك أنتي ؟

بشريني وش سويتي للحين ؟ عساك مو مثلي بس :(

أنا بس حجزت كوفيره لأول يوم و ثاني يوم عشان حفلة أهله :09:

و حجزت مصوره , و اشتريت بناطيل ( أبيض و زيتي و بني و بنفسجي )

و تيشرتات تقريباً 8 منها كم طويل بس قماشها ربيعي لإن زواجي بنهاية البرد و منها كمها ربع

و اشتريت تنورتين لنص الساق و تنورة قصيره

و فستان طويل بس مو مره يعني موديله يصلح مع جزمه واطيه و فستانين قصار

تخيلي بس هذا إللي شريته :(

مشكلتي ماما موظفه و تعب عليها تنزل معي للسوق بغير أربعاء و خميس و جمعه

هي لو قلت لها ما راح تعارض بس أحس فيها تصحى تصلي الفجر و تشتغل بالفطور و تكوي لها بلوزه وووو إلخ

و ما ترجع غير الساعه 1 و نص و لو عندها مناوبه ترجع 2 :(
بس وعدتني إن شاءالله بشهر 2 بتنزل معي السوووق مهما صاار لإنها تشوفني شايله هم التجهيز :(
و هي والله آخرها البارحه المغرب تقول بكره لو رجعت برتاح و بعد المغرب ننزل للسوق و نجلس فيه للساعه 8 أو 9

بس قلت لها إني الحين مشغوله بعنايتي بجسمي أتعذر بهالشيء لإني أعرفها تتعب حييييل بالشغل

خاصه إن عندها أحيانا 6 حصص باليوووووووم يعني كرررف وهي واقفه المسكينه

الله يطول لي بعمرها و عسى ربي يسخر لها من يقدر يقنعها تترك الشغل لإنها مو محتاجه للراتب بس طبيعتها كذا


و بالنسبه لجدول عنايتي بجسمي كتبته قبل كذا بتجمع سابق لو تبينه بعطيك إياه

بس والله إني هالأيام ما صرت أمشي عليه مضبوط لاني صرت اجرب أشياء و زدتها على الجدول و حذفت أشياء

بس للأمانه الجدول نفعني بكل شيء بإستثناء الفخوذ و الركب :06:
وهذا أنا من الساعه 11 بغرفتي مسكره الباب ولابسه شورت وداهنه ركبي بزيت جنين القمح

و بآخذ شاور بعد الفجر و بحط عليه لوشن فازلين البني للظهر ثم بقشرها بمقشر يا ملح اليوكو أو زيت زيتون و سكر

ثم برطبها بجيلوسيد و ياااااااااااااارب تنفع :06: