اول مره اولد في اهلي ساعدوني ياأهل الرياض

انا اولد في دله من وجهة نظري ممتاز ولا يزيدون في السعر و ان زادو زادو 100 او 200 لتحليل او اشعة بس

طيب بكم ولادتهم

وهل تابعتي حمل مع الولاده

لاني ابي متابعه مع حمل

وادق عليهم مايردون

لا انا ما تابعت عندهم بس سويت برنامج ولادة واللي تسوي هذا البرنامج يعطونها موعد قبل الولادة مجاني عشان تجيبين ملفك وكل تحاليلك اللي سويتيها خلال فترة الحمل و اذا نقص شيء تطلبه الدكتورة منك لكن مو الزامي تسوينها في دلة ممكن تسوينها برى لو ما عجبك السعر يعني ما عندهم طمع و استغلال و بعد الولادة لك موعد مجاني عشان تتطمن على خياطتك و صحتك بشكل عام و كذلك للطفل موعد مجاني عند طبيب الاطفال .. الاسعار تختلف اذا طلبتي تولدك اخصائية سعر الولادة يكون 5490 ريال واذا استشارية 5990 ريال في الولادة الطبيعية و في غرفة مشتركة اما لو طلبتي غرفة خاصة تدفعين 300ريال عن كل ليلة يسوون عليها خصم 10% للي مسوي عقد اعتقد .. واذا تبين طبيبة معينه تولدك تدفعين 500 ريال عشان ينادونها طبعا هذا المبلغ للطبيبة واذا ما جت يرجعونها لك انا جربت دلة 3 مرات اخرهم ما كمل 16 يوم و جربت الحمادي مرة وحدة و دخلو ولدي غرفة العناية المركزة للمواليد و هو ما فيه الا العافية عشان ينهبون منا فلوس و فعلا قعد 3 ايام و طلعناه على مسؤليتنا و دفعونا 4300 ريال على ما اذكر و هو و الله ما فيه شيء حتى حاطينه في سرير عادي و لا عليه و لا جهاز لذا احذرك منه اسفه على الاطالة

الف شكررررر لك حبيبتي ماقصرتي

والف مبروك المولود الجديد

انا والله اكثر تفكيري في دله بس خايفه من التكاليف

واعتقد اسعارهم مثل رعاية الرياض والحبيب مافي فرررق

الاسعاااار متقااااربه بين اغلب المستشفيات

طيب اختي تنصحيني بأي دكتوره ؟؟

والولاده اطلب اخصائيه او استشاريه هل في فرررق

دعواتي لك بالصحه والعافيه

والله لايريك مكروووووووه

ويسخر لك عيالك وزوجك واهلك والناس اجمعين