شاركي في النقاش

سجلي الدخول لإضافة تعليق.

التعليقات

509
  1. @astahl_ana

    صاحبة الموضوع
    السلام عليكم ورحمة الله وبركاته,,

    خواتي انا اسفه مرره لاني تاخرت بالرد عليكم بس تعرفون الظروف والبيت والاولاد ,,وانا من يوم الاربعاء الظهر مشينا للقصيم عشان الوالده ومارجعت الا البارحه المغرب وانشغلت مع البيت ولااولاد وواجبات بنتي ,,بس خلوني احكي لكم وش صار هالايام,,,طبعا انا مراقبه من العين السحريه من اول مايطلع لين يرجع حتى اولادي جالسين معاي وغصب اقدر اصرفهم ولاحظت شئ غريب على زوجي اول مايبي يفتح باب الشقه وهويتنحنح ويكح ولاحظت برضه اذا رجع اسمعه يتنحنح ويكح في البدايه فرحت وقلت اكيد هي الي تطرد وراه وتطلع قدامه وهو مايبي واكيد كذا يحذرها انه بيطلع عشان لوهي في السيب الي بين شقتنا وشقتها تدخل ,بس مدري رجعت اوسوس واقول يمكن انه يبيها تدري انه طالع عشان تطلع له ويشوفها,والله معاد عرفت الشك ذبحني ..المهم يوم الاربعاء اول ماطلعت بنتي من المدرسه مشينا للقصيم وطول الطريق ودي اصيح واقول في نفسي اكيد بيرجع لها بس كنت حاطه خطه اني اخلي اخوي يرجعني فجأه للبيت واطب عليه,المهم هو نزل للبقاله واول مانزل اخت جواله وفتشت ودقيت رقمها اشوف مسجل عنده بس مالقيت شئ ودورت في السياره لجوال ثاني قلت يمكن مخبيه بس مالقيت شئ ويوم رجع من البقاله قاله ولدي الله يهديه بابا ماماتلعب في جوالك بس ضحك وقال الجوال وراعيه حلالها ام ريان,,والمفاجأه يابنات لما وصلنا للاهل قالي بجلس معاكم لين نرجع للبيت سوا انا استغربت لانه ماقالي ولا اخذمعاه ملابس ورفض ينام عند الاهل واخذلنا شقه وجلسنا فيها ونروح للوالده من الصبح الين بعد العشا وهو جالس مع اخوي في بيت الشعر ,,ورجعنا الرياض سوا وماطلع من البيت ابد من يوم رجعنا الين طلع لدوام الصباح ..وجارتي جاتني اليوم العصر عشان تسلم علي من عند الباب عشان بتروح لاهلها بس ماتتخيلون وش ريحت العطر الي ملت العماره كلها فقلت لها خافي الله وش هالعطر كله مايجوز وقعدت تضحك قالت عادي انا كذا اموت في العطور وبعدين انقلعت وهذا الي صار هاليومين ,,,

    انا ماشفت شئ من زوجي بس كل مافكرت وين كان هذيك اليله الي رجع بدري بس مادخل الشقه الا الساعه ثلاث انقهر واخاف يكون صدق يخوني ,,

    بنات الي يسؤلون شفت زوجها ايه شفته اكثر من مره طالع وداخل معاها وشفت صور عرسهم يعني لا موزوجة زوجي,,

    بنات خلاص اقوله عن احساسي وارتاح ولا انتظر مع ان الدقيقه عندي بساعه..
  2. لالا لا انتبهي لاتقولين له ولا شيء ..

    اصبري شوي وشوفي بهالوقت اللي سافرت فيه هل يتاخر كالعاده برا والا يرجع بدري .. خليها الين ترجع وارجعي راقبي وخليك دائما حريصه يعني لاتغفلين الموضوع .. بصراحه انقهر لما تنخدع الزوجه وشايله همك والله .. بس اهم شيء خليك حرييييييصه وانتبهيله زين بس بدون توضيح ..
  3. @hloma_2

    كل فدوه لعيونك
    والله فكرتها عدله .. حسبي الله عليها اذا هي كذا اشلون تقدر تسوي كذا ياختي انتبهي منها بس ومثل ماقالت اختي انتبهي منها واقري على نفسك وبيتك .. ::

    حبيبتي العلاقه واضحه اللي تقول لك ابعدي عن الضنون مسكينه
    اذا بتبردين قلبك وترتاحي من الهم
    اسمعي كلامي
    اول شي سوي نفسك مو داريه ابدا وروحي لها عادي وتونسي معاها
    المهم اعرفي متى يستلم زوجها وفي نفس اليوم اطلعي من بيتك روحي لاي مكان وجسي نبض زوجك
    اذا حسيتي بشي
    روحي لها فجاءه
    اذا شفتي شي صوريه او خلي اي احد معك شاهد
    خليهم الخونه يتادبو
    وكبري السالفه المهم زوجها يعرف اهم شي
    وفيه كمان حاجه مهمه
    بس شكلك مو قويه
    كلمي واحد من الهيئه يكون تحت عاشان محد ينكر
    ~
    واللي تقول لك غيري الشقه بالعكس ياخذو راحتهم اكثر صدقيني ماراح تتركه الا بفضيحه


    ن

تابعي تجارب أخرى من هذا القسم.