شاركي في النقاش

سجلي الدخول لإضافة تعليق.

التعليقات

150
  1. انا ودي في اسرار البنات الي يطامرون في الاسواق والبحر وكل مكان وهم حطين ميك اب مبين انه طبيعي مره البشره صافيه والعيون طبيعيه وتهبل والفم احمر طبيعي >>>>>>>> بتموت من الغيره على زوجها لما يطالعهم ودها تحلفله انه مكياج
    امانه يابنات الي تعرف تخبرنا نفسي اعرف كيف يخلون عيونهم حلوه وطبيعيه مو معقول كل الي كاشفات حلوات اكيد في سر خاصة في عيونهم< <<<<<<<< في خاطري اسويها لزوجي وابين طبيعيه وحلوه
  2. @shokolath

    ماقصرتوا كل الأفكار ذُكرت لايحضرني شيء حاليا..

    و عساكم على القوة يارب..وموضوع يستاهل التميز ...
  3. @hdndoyh

    sarok2
    :angry:
    توني اتعلم اساسيات المكياج
    ما عندي اسرار للحين :42:
    باخد من اسراركم لين تستوي عندي اسرار بروحي :30:

    ومشكورييييييييين حبايبي
  4. @ahasys_11

    عزيزتي الحالمه الصغيره.. أنا بالنسبه لي ترى كل من شاف مكياجي قال انه طبيعي .. والطريقه أسهل مما تتوقعين.. أهم شي قبل بدء المكياج لاااااااااااااااااازم تغسلين وجهك بمقشر مش غسول عادي .. لازم مقشر.. بعدين إذا كانت بشرتك جافه فرطبيها.. أنا عني صراحه ما أحط عليها مرطب.. لأن أغلب أنواع الأساس الآن فيها نسبه من المرطب.. كمان لاااااااااااااازم تركزين على درجة الأساس إنها تكون مناسبه للون بشرتك..ولا تحطين منها طبقه كثيفه.. شي بسيط والأفضل وضعه على المناطق اللي تحسين انها محتاجه للتفتيح.. بالنسبه لي فأغلب الوقت أحط الأساس على الأنف ومحيط العين ومنطقة الشنب والذقن وحدود الوجه وبعض الأحيان وسط الجبهه..
    بعد كذا رككككككككككككزي على المسكره وإذا حبيتي وضع الكحل أو إستغني عنه بتحديد خارجي بسيط على الزاويه الخارجيه من العين وسحبها للأعلى..
    أهتمي بوضع طبقه خفيفه من البلاشر والأفضل البلاشر الكريمي ..
    بالنسبه لروج فالأفضل إنك تحطي محدد بدرجة البيج المناسب لشفايفك على كامل الشفاه وإذا حبيتي حطي قليل من الغلوس.. عني أنا أفضل عدم وضع الغلوس
    هذا كله طبعا بالنسبه لمكياجك في البيت أو زيارات خفيفه لجارتك أو لأهلك.. أتمنى أكون أفدتك يا عسل
  5. @bnt_aboha_1

    جربتوا تحطون نيفيا على وجهكم قبل كريم الاساس؟
    شفت اختي تستخدمه سالتها ليش قالت انه يثبت المكياج
    ولما شريت بيس ميك اب فور ايفر الابيض اكتشفت انه مشابه لنيفيا من حيث الريحة والقوام
    جربوه وعطوني رايكم

تابعي تجارب أخرى من هذا القسم.