أنا وشعري.. و؟؟ آآآآآآآآآآآآآآآآآآآه

السلام عليكم ورحمة الله وبركاته
الله يخليكم ردوا لو بدعاء.. لأن مشكلتي مش زي مشاكلكم..
وحده تبغ شعرها طويل.. والثانيه تبغى أحلى قصه ..والثالثه تبغى لمعه..

أنا أبغى شعررررررررررري


خمسه سنين وأنا عندي مشكله..
بدأت بحبه في أعلى راسي وكانت شاده راسي كله وتألمني..ما أرتحت الا لمن شلت الشعر اللي حولها..
وخلاص من بعدها صرت أحس بقرصات قويه ما أرتاح الا لمن أشيل الشعر من حولها.. بس كان الوضع بسيط.. يعني مجرد منطقه الشعر فيها خفيف..
تزوجت أروع مخلووق..
وظلت الحاله معايا .. بس بعد حوالي السنه.. اشتدت الحاله.. بسبب بُعد أهلي وأن ماأعرف ناس الا وحده وحولها أهلها وناسها.. ودوام زوجي عباره عن استلامات يعني يغيب عني ثماني ساعات..أبقى فيها لوحدي..
يابنات.. الحين لي سنه وزياده ما شلت الربطات عن راسي لأن ما عندي الا شعر خفيف.. وصار زوجي يطالع في صورت الزواج ويقول لي أحب هذي البنت اللي في الصوره.. ودايما يقول بنبره حزينه أبغى أشوف شعرك..
آآآآآآآآآآآآآآآه..
والله يا بنات أن أكتب لكم ودموعي بعيني.. ساعدوني الله يفرج لكم همومكم..
قولوا لي اش أسوي ؟؟
استخدم الحلبه مع زيت عافيه.. واستخدم الحنه مع البصل.. وحبدأ في خلطة الرشاد مع زيت الزيتون..
بس المشكله أن الشعر أصبح نموه بطيء.. والمشكله الأكبر ان الحاله مازالت معايا.. يعني مازلت أقطع شعر راسي.. بالله لا تطنشون موضوعي وردوا علي .. أنا في حاجة دعوه أو نصيحه ولو كانت قاسيه
بس لا تخلوني لحالي

18 تعليق 1,563 مشاهدة

شاركي في النقاش

سجلي الدخول لإضافة تعليق.

التعليقات

17
  1. اختي الله يعينك ويفك عوقك قولي آمين ..

    من المفترض ما تسكتين على نفسك وتعرضين حالتك على اخصائي وتعرفين سبب ظهور الحبه

    وعدم راحتك منها وانزعاجك من ظهور الشعر حولها

    اعتقد لازم تروحين لطبيب واخصائي بعد يعني لو اهتميتي بشعرك وطلع راح ترجعين تشيلينه واخاف تأثرين على بوصيلات الشعر وتعدمينها من كثر تقطيعك لشعره

    والله يشافيك ويشفي كل مستضر
  2. @bysan_7

    الله يعينك يا عمري
    ومثل ما قالت الاخت الناي الحزين روحي لاخصائي جلديه لانك كلما اهملتي الشي تسوء الحاله اكثر
    واذا انتي قريبه من جده يمدحون مركز متخصص للشعر
    والله يشافيك ان شاء الله ويخلي لك زوجك ويخليك له
  3. @ahasys_11

    صاحبة الموضوع
    الله يجزا كل من ردت علي كل خير ويوفقها..
    بالنسبه لأخصائي جلديه رحت لكذا واحد وكلهم قالوا لي ما في مشكله في فروة الراس..
    وأعطوني أدويه والشعر يطلع بس المشكله إني أرجع أشيله .. والله العظيم إن نفسيتي محطمه وصرت أكره أروح لأحد.. بس ما أبغ أستسلم للي أنا فيه..
    ورحت لشيخ وقال لي هذي عين بس لازم تستخدمين مويه مقري عليها.. وجبتها يابنات بس والله ما قدرت أستخدمها أكثر من مرتين..
    الله يسعدكم أدعوا لي وأعطوني الثقه بنفسي.. أحس إني فقدت ثقتي بنفسي وصرت أشكك في كل نظره من نظرات اللي حولي
  4. @bnt_ablady

    الله في عونج يا الغاليه ويفرج همج
    بس في مركز في السعوديه مره وحده منزله موضوع قبل فتره عنه بس ما اعرف وين بضبط لاني ما سعوديه بس تمدح فيه وايد

تابعي تجارب أخرى من هذا القسم.