من عندها خبره في الادويه الشعبيه

مسا الخير بنات

لاحظت الشهرين اللي راحو دورتي قليييييييله مره وبس يومين مع انها كانت قبل من خمس الى سبع ايام وتنزل زين بس بعد زواجي بست شهور او سبع شهور صارت قليله وبس يومين وتاخرت عن وقتها قبل كانت في 15 الشهرين اللي راحو صارت 27 والحين احس في اعراضها ايش اخذ شي شعبي عشان ينزلها غير القرفه او اذا في برنامج كويس ايام الدوره اسويه واقوي التبويض بعد لان الدكتوره تقولي شوي ضعيف حاجه بسيطه

ادعولي احمل يابناات خاطري في طفل اضمه

20 تعليق 1,532 مشاهدة

شاركي في النقاش

سجلي الدخول لإضافة تعليق.

التعليقات

19
  1. @albraaa_9

    البردقوش زين كل يوم اشربي كوب حتى وانتي ماعليكي الدوره
    وقت الدوره خلي اكللك كله حار سوي للك حليب وحطي عليه فلفل اسود
    وكلي مرقوق مرق لحم
    وكمان قشر القهوه زين سويها بنفس طريقة القهوه
    وحطي عليها اذا استوت نانخه ولها اسمي ثاني نخوه وحطي كسرة قرفه وزنجبيل
    وسوي للك تمره اعجنيها وحطي عليها رشاد تراه مفيده وحطي عليها سمن ااذا ماعندك حطي عليها زيت زيتون
  2. @mama_gn

    حبيبتي لاتاخذين شي يمكنك حامل لان اعراض الحمل مثل اعراض الدوره وبالنسبه للخبطه الي صايره بالدوره يمكن بسبب الزواج تلخبط بالهرمونات الله يرزقك الذريه الصالحة
  3. اول شي حللي عن الحمل واذا ما طلعتي حامل نقعي مرميه واشربيه لمده عشرين يوم من غير ايام الدوره الصبح فنجال وبالليل فنجال تنشط المبايض  

تابعي تجارب أخرى من هذا القسم.