السلام عليكم و رحمة الله و بركاته
أول شي عارفه ان الموضوع مو بقسمه المخصص وانه بتجيني رساله من المشرقات بنقل موضوعي للقسم المناسب وهو مشاكل الحاسب
اللي خلاني اكتب هنا التواجد هناك تسألين يمكن تلاقي احد يشاهد الوضوعك و يمكن ما ينشاف الابكره المهم انا جالسه اتصفح و نعست شوي قلت خلني انسدح واتصفح كالعاده واذا غطني النوم يازينها من نومه احلم بمشاكل البنات وحافز المهم عندي ولدي الله يصلحه قولوا آمين عمره سنه وشهرين قاط معي بالاب احيان احسه هو امي وانا البزر احمد ربي انه يسمحلي اجلس عليه اذا نام
انا اقرقر وطلعت عن مشكلتي
يا طويلات العمر انا غلبني النعاس و سكرت عيوني يمكن دقايق بس وفتحت الا ولدي بحضني ويضحك وادور الجهاز الا اشوف الشاشه اما الباقي جالس عليه طبعا ضحكته كانت لأنه كان يطقطق عليه فترت غفوتي لما اذخت الجهاز الا اشوف الدنيا بالمقلوب تخيلوا بنات الف بالماوس يمين يروح يسار اطلع فوق ينزل تحت شريط ابدأ فوق والقوائم تحت انهبلت على بالي العله فيني لأني تعبانه ودايخه واروح اطفي الجهاز وافتحه الا نفس الحكايه قلت مالي غيركم تساعدوني يالله فتحت المنتدى حتى الموضوع مقلوب ماني قادره اركز احس بغثيان تكفون ساعدوني ولكم شكري
الموضوع مغلق