خبيرة تجميل بتزروني في البيت تعالوا بسرعه

@ronk_albyt

السلام عليكم


صباحكم ورد يا بنات



عندي استفسار سريع ... وودي تجاوبوني عليه لا هنتم يا قمراات


فيه وحده اتصلت علي تقول انها من مركز تجميل وقالت الاسم لكن ما ثبتت اسم المركز >>> من الخوف والربكة طبعا

المهم وتقول انهم اختاروني من بين مجموعه كبيرة.. وحصلت من المركز على هدية قيمةوهي( انه خبيرة تجميل

تجي تزورني بالبيت وتعمل لي تنظيف بشرة واختبار لنوع البشرة وش ينفع لي وش اسوي لبشرتي وكيف اعتني فيها و و و و و و الخ


انا سألتها من وين اخذتوا رقمي قالت وحده كانت معانا في المركز وحطت رقمك وهي من اقاربك او صديقاتك

انا خفت الصراحة وقلت ما ابغى ولا شي ولا تجوني واعتذرت وسكرت

بعدها باسبوع اتصلت علي وقالت لي نفس الكلام ... قلت لها من اللي اعطاك الرقم قالت (ام فلان)

وياااا كثر ما اعرف حريم بنفس الاسم من معارفي وجيراني.. قلت ما تعرفي اسمها قالت لا

برضه خفت وقلت كلميني بكرة حتى اشوف وقتي يمكن ما يناسب الخبيرة اذا كانت بتجي طبعا

قلت لزوجي وشكك بالموضوع وانا الصراحة خايفه من اللي صرت اسمعه من استغلال الحريم في البيوت

وش تنصحوني بنات اوافق والا لا؟؟؟

الصراحة انا ما ودي بس في نفس الوقت لو انهم صادقين فرصة اهتم ببشرتي واشوف

عندكم خبرة بهالاشياء


معلومة (المركز تقول انه بالخبر) بس قلت لكم ناسيه الاسم

35 تعليق 6,441 مشاهدة

0 0

شاركي في النقاش

سجلي الدخول لإضافة تعليق.

التعليقات

34

  2. @aaalmy_althany

    هذولي يسحبوووووون فلوسك
    في البدايه بتعطيك كريم لكن حبه حبه تسحبك ماأدري كم
    أنا بصراحه كلموني وقلت بشرتي حساسه ومو اي شي آخذه
    بعدين قالت خلاص وسكرت ..
    وتكلموا البنات في المنتدى وحذروا منهم
    وإن شاء الله بيردون عليك ومايقصرون البنات
    من رأئي أعتذريهاااااااا

  3. @amyral

    انتبهي .. انتبهي .. انتبهي

    إذا حآبة تتأكدي خذي اسم الصالون
    وروحي لنفس الفرع واستفسري منهم
    إذا طلع صدق الحمدلله

    طلع كذب وأتوقع كذا
    بلغي الهيئة أو الشرطة عن الرقم إللي يتصل عليك
    عشان ما تروح مسلمة غافلة ضحية لشرهم

    والله يآجرك على هذا الفعل ويستر عليك

  5. @lydy_koool

    قولى لهم انا ابغى اجيكم اوفر عليكم المشوار وشوف ردهم اذاكان مكان معروف وموثوق كان بها اما مشبوه فبلغى الهيئه

تابعي تجارب أخرى من هذا القسم.