نزلني بالشارع و راح و خلاني ....
السلام عليكم و رحمة اله و بركاتة/أخواتي الغاليات/متزوجة من 10 سنين بس أمضينا قبلها 3 سنين ملكه يعني عقد بدون دخول لأننا كنا باقي ندرس جامعة. المهم خلال هالثلاث سنوات بنينا آمال عن الوظيفة و ايش يتمنى كل واحد يشتغل و كذا. توظف زوجي قبل الزفاف بسنة و أنا بعد الزفاف بشهرين جاني عقد عمل بس مو في مقر سكننا و ما كان رسمي.الى هنا و أمورنا تمام.أستمر عقدي لمدة سنتين و بعدين جت الوظيفة الرسمية و برضه بعيد عنه وقتها اعترض زوجي فجأه و قال أنا ما أبغاكي تكوني موظفة . أنا عارضت و تمسكت بوظيفتي لأن ظروفه المادية سيئة و نوعا ما بخيل و أنا كنت طالبة متفوقة و عشت طول حياتي أحلم بأني أتوظف و يكون لي كيان. المهم هددني انه يتزوج علي و انه ما راح يجيب لي شغالة ابدا عشان يعجزني بس ما تنازلت.قالي يا أنا يالوظيفة و اخترت وظيفتي و هذا الشي جننه زيادة لأنه بصراحه يحبني و تزوجني عن حب لكن أنا ما قدرت أتنازل عنها كنت و قتها حامل بطفلي الثاني.هجرني ما يكلمني و لا يلمسني لمدة يمكن شهرين.و أنا أعند منه.باشرت وظيفتي و لكن هو تغير تعامله معايه و صار جاف و مضت الأيام و نقلت بعد عام دراسي واحد و جنب بيتي كمان و بالرغم من عودة حياتنا بشكل ظاهري لوضعها الطبيعي لكن كان اذا صار مشكلة بيننا يذكرني اني فضلت وظيفتي عليه بالرغم انه كان إذا احتاج فلوس ياخذ مني و يرجعها لي.شال ايده من كل مصاريفي الشخصية و مصاريف عيالي و أثاث بيتي.و انا رضيت لأن وضعه المادي كان سيء.عذبني و ذلني الين جبت الشغالة.يعني عشت معاه يوم ابيض و يوم اسود بالرغم من أني محترمته و ما عمري رفعت صوتي عنده ولا طلبته شي.محترمة أهله لدرجة كبيرة حتى انه صارحني مرة انه ما كان يتوقع اني اكون كذا معاهم.مره احتجته يوديني أحضر أجتماع في مدرسة غير مدرستي وداني و تواعدنا انه يرجعلي .المهم تأخر عليه كثييير لدرجة انهم راحو كل اللي في المدرسة ما بقي غيري أنا و الحارس حق المدرسة و مت خوف وطلعت وقفت في الشارع و جلست ابكي و جلست يمكن ساعة كاملة واقفة برا.المهم بعد ما جاء ركبت السيارة بزعل و لمته عالتأخير و كانت الطامه لما رد عليه و قال مالي شغل فيك و ماني مسؤول عن أي شي يصير لك إذا طلعت لدوامك . كلمت أبويه و قلت له عاللي صار لكن أبويه هداني و قال تحملي يا بنتي و سكت و مشيتها .الحين قبل أسبوع تعطلت السيارة اللي توديني لمدرستي و اضطريت اطلبه يوديني و طلعنا بدري مرررة لدرجة ان الدنيا لسا ظلام عشان بعد ما يوصلني بيودي عيالنا المدرسة و مدارسهم بعيدة شوي.لما وصلنا لمدرستي لقينا الحارس لسا ما جاء فتح المدرسة.قلت خلاص نروح نودي الأولاد بعدين يوديني حتى لو تأخرت لكنه عصب و قال ما يمديني و بتأخر على دوامي قلت طيب وش أسوي قال أنزلي قلت مافي أحد وين أنزل. قال أنزلي.نزلت و هو طار بالسيارة بكل قسوة.بقيت واقفة بالشارع و الدنيا فاضية و تخوف.طبعا لولا الله ثم وحده من زميلاتي ساكنه جنب المدرسة كلمتها و رحتلها كان قعدت بالشارع الين يجي الحارس لكن الله كريم و رحيم. طول الفترة اللي بعدها و أنا انتظره يكلم يتطمن عليه لكن و لا شي.رجعت البيت ما كلمته طول اليوم و اليوم اللي بعده وهو ما جاب خبري ما كانه سوى شي لا أعتذر لا طيب خاطري بكلمه ولا شي.بلعتها و مشيتها زي غيرها من الجروح لكن هالجرح باقي ينزف جواتي . وش رايكم يا بنات و ش أسوي . أنا الحين عندي 4 أطفال لكن عايشه مع أنسان ما يفكر بسلامتي و أحتياجاتي و يستكثر عليه كل شي ..شورو علي؟؟