التلفزيون ومكان الاستقبال للضيوف

السلام عليكم ورحمة الله وبركاته صباح الورد احلى صباح بدلة بن وهيل لاحلى عالم حواء حبايبى اليوم بفتح موضوع نتناقش فيه كل وحده تقول وجة نظرها الموضوع ياحلوين يالله عاد اخلصى طيب بتكلم صبر كان عندى جمعت حريم قمنا نتكلم عن الى يحطون التلفزيون فى مكان الاستقبال للضيوف . بقول لكم كل وحده وش نقالت البعض قالت مايصلح ينحط التلفزيون فى مكان الاستقبال واخرى قالت عادى والى قالت مش من الذوق واخرى قالت وقت الضيوف التلفزيون ماينفتح طيب انا بنسبه لى قلت شوفو الناس اذواق كل واحده تدور الراحه فى بيتها صراحه انا عن نفسلى مثلا اعوذ بالله من كلمة انا احب ارتاح فى كل جزاء من بيتى واستمتع فيه انا بيتى تحت استقبال كله والصاله هيه المكان الوحيد للنساء هيه صاله كبير جدا انا مانى حاطه تلفزيون فى صالتى بس افكر انى احط بقول لكم ليه انا اطبخ تحت وكثير ما اكون تحت لان تحت مكان استقبال والمطبخ تحت فااكثر اوقاتى تحت يا اطبخ مثلا او شاى او عندى ضيف يعنى مانستغنى عن المطبخ ابد فقلت ليش مااحط تلفزيون فى الصاله وللعلم ماعندى غرفه تحت كله استقبال .قلت ارتب واجهه بديكور جميل واصك لى هاالتلفزيون فيها اولا ديكور جميل فى الصاله وغير كذا كل مابغيت اتابع برنامج اجلس واتفرج ومنها اكون قريبه من المطبخ واتابع شغلى واذا صار عندى ضيوف او عزيمه رسميه التلفزيون ماينفتح حنا بعد نعرف الاصول والذوق بس صراحه الوحده تبى تستمتع بيتها بكل جزء فيه انا ماشريت بيت عشان اقفل الغرف واسكر بس للضيوف الضيوف على عينى وراسى واكيد يقوم فيهم والحمدالله والله كل من جانى استمتع بالجلسه عندى ولا عاد وده يروح من حسن الضيافه وبشاشة الوجه قولو ماشالله بس عاد ابى استنانس فى بيتى .الحين كل وحده تقول وجهة نظرها عادى اذا كانت ضدى الناس اذواق بس اذا هيه رافضه الفكره تقول ليش ترفض الفكره وش وجهة نظرها يمكن اقتنع فيها .طبعا لو بقول لامى بحط تلفزيون فى مكان استقبال اللضيوف بتعارض وبشده وش فيها طيب ودى نكسر ها القاعده ضيوفى بقوم فيهم على اكمل وجه وبحترم وجودهم اكيد ماله دخل التلفزيون .

15 تعليق 3,517 مشاهدة

شاركي في النقاش

سجلي الدخول لإضافة تعليق.

التعليقات

14
  1. @krash_rsm

    وجة نظر كل وحده حره في بيتها وانا اشوف عادي اذا فيه تلفزيون مو شرط تشغليه وعندك ضيوف وفيه ضيوف صامتين صمت رهيب لازم شي يحرك سكونهم وموضوعك حلو
  2. @mn_alklob_1

    انا عن نفسي اشجع فكرة تلفزيون بمكان استقبال الضيوف وهذا اللي مسويته في بيتي وبصراحه استغرب من اللي يعارضون الفكره لان حسن الضيافه ماله دخل انتي حاطه تلفزيون او لا ومو لازم تفتحينه بوجود احد

    موفقه ياعسل
  3. @alrnd11

    عادي وش فيها بيتي احط فيه الا ابي وفي اي مكااان
    ولاتشغليه اذ تحسي في ناس يتحسسوا
    بعضهم يطلبوه لعيالهم نشغله
  4. @am_aabdallh_o_nof

    رنوش دام انك تطبخين تحت حطي تلفزيون وماعليك من احد اما بيتي ولا آخذ راحتي فيه الضيوف اذا جو عندك لاتشغلينه
    هو العيب انك تنشغلين عن ضيوفك بالتلفزيون اهل زوجي الله يسعدهم دنيا وآخره التلفزيون صوته جايب آخر الشارع لاحشيمه لضيوف ولا غيره لا وياليته مسلسلات وخرابيط لا اغاني الله يهديهم ضيوفهم مايعرفون يتكلمون بكلمه ياخزياه <<< طولتها صح
    المهم حطي تلفزيون والله يهنيك ويسعدك دنيا وآخره

تابعي تجارب أخرى من هذا القسم.