الموضوع مغلق

حطي نفسك مكاني قبل تردين.منعطف خطربحياتي واصعب قرارلازم اتخذه يارب ارحمني>استوفي الرد







بسم الله الرحمن الرحيم 
اللهم صلي وسلم على نبينا محمد وعلى ال بيته واصحابه تسليماً كثيرا .. 

كتب الله لي الزواج وكنت صغيره توني مخلصه ثانوي 
تزوجت وكملت دراستي الجامعيه 
وطول هالفتره مالله رزقني بذريه 
ومثلنا مثل اي اثنيين سوينا تحالييل واشعات وطلعة المشكله من زوجي 
عنده انعدام بالحيونااات المنويه ~> صفر
اخذت الموضوع ببساطه وقتها وقلت بنعالج والله كريم 
وفعلاً بدينا بمرحلة العلاج بس المشكله زوجي ماكان متحمس وعنده يأس وان كل الي نسويه عبث وماراح يجيب نتيجه  
كملت دراسات عليا وانشغلت عن الموضوع او بالاصح اشغلت نفسسي 
وكنت لما اتضايق مااحسس زوجي اني متضايقه
لاني من داخلي اتمنى بس ماابغى من غير زوجي واملي بربي كبير   
كانو الي حوالينا يشوفون حياتنا مثاليه 
روحات وجيات وسفريات اي شي ينزل بالسوق عندي 
سؤاء لبس او اجهزه كمبيوتر وجوالات
لما احد يعزمني مستحيل يكون من اعذاري < رفض زوجي >
وكثير يقولون مع انها ماانجبت الا انه طاير فيها وكانهم تزوجو امس 
 
بالواقع هو يحبني وانا احبه بعيد عن موضووع العيال يمكن ناس يحسبوون انه يدللني عشان موضوع الانجاب  

مر على زواجنا ثمان سنوات 
زوجي محبط من شهر تقريباً مااعرف وش فيه 
فجأني اليوم قال 
حرام احرمك معي انتي صغيره وتقدرين تتزوجين شخص ثاني وتنجبين 
حرام تجلسين معي على امل ويمكن يصير ويمكن لا 
ويمكن يروح عمرك والمرأه لها عمر معين للانجاب مو مثل الرجل  

طبعاً مو اول مره ينفتح بيننا الموضوع 
الموضوع سبق وانطرح بيننا لما مر على زواجنا خمس سنوات 
سافرنا لمصر عند دكتور ولما كشف على زوجي قال مسستحيل ..! 
ووقتها طرح علي الفكره بس رفضتها وقلت بصبر معك ولاابغى الا منك والا ماابغى 

ولما قلت له اليوم انا بصبر معك ولا ابغى الا منك  قال لي بسس انا ابغى عيااال منك او من غيرك
 
الي طرح فكرة الزواج الحين هو انه فيه ناس الله يسامحهم قالو لزوجي 
يمكن لو تتزوج غيرها يرزقك الله وانها صارت لناس كثير 
يمكن فيه شي مانعكم وحاجات نفس كذا 

زوجي كم مره قال بتزوج وردة فعلي كأي ردة فعل اي زوجه 
كنت اقوله طلقني وتزوج والا بذبحك واحياناً اقوله بعد موتي 
وكان يضحك ويقولي ليه وارجع اقوله بتشمت عذالي فيني هذا الناقص يصير عندي ضره 
ويضحك ويسكت 

كنت اظن انه يمزح بس كان يجس نبضي وبيشوف ردة فعلي 

اليوم قالي يااتزوج عليك ياننفصل لاني بكل الحالتين بتزوج
ولو اخترتي بتبقين معي وهذا الي اتمناه راح تضليين عيوني وانتي الاصل
ومن هالكلام الي لايودي ولا يجيب   

طبعاً مخي للان مو مستوعب الفكره 
الطلاق شي مرعب بالنسبه لي 
وفكرة انه يتزوج وانا على ذمته احس فيها انانيه
خاصه انا الي صبرت ثمان سنوات لاني احبه 
والمشكله من عنده وانا الضحيه بكل الحالتين 

وضع المطلقه في مجتمعنا ( عائلتنا ) مؤلم ولا ابغى امر فيه 
وبنفس الوقت مااتخيل حياتي من دون زوجي ولا اتخيلها مع ضره ..!  


بنات لو كنتي مكاني [ الله لايقوله ] وش راح تسويين ؟؟  
 
الي بتجرحني بليزز لاترد لان الي فيني كآفيني .. 







366 تعليق 30,362 مشاهدة

شاركي في النقاش

سجلي الدخول لإضافة تعليق.

التعليقات

355
  1. يعني السبب منو و انتي صابرة معاه و مو عاجب خليه يجرب و بالاخير يكون همه همين الله يعينك و يصبرك
  2. @khfok_alroh2010

    والله شي محير وحااااسه فيك عن تجربه بس فكرت فيها مستحيل اعيش معاه اذ تزوج ماني عارفه اقولك شي بس مستحيل يتزوج عليا واعيش معاه
    والله يوفقك ويرزقك ماتتمنين
  3. @dloaa_mgdy

    طيب ليش يبي يتزوج ؟
    شوفي انتي قلتي حطي نفسك مكاني وانا لو مكانك مارح ارضى بوجود ضره ابدا وكمان ماعندي اطفال عشان يربطوني فيه واصلا بعد مايتزوج بكرهه ويصير مالي رغبه فيه ف بيت اهلي احسن
    هذا بالنسبة لرايي

    وان شاء الله ربي يصرف نظره عن هالموضوع
  4. @nor_aayony_toty

    الله يكون بعونك يالغلا والله مو عارفه وش اقولك بس وضحي الفكره له وش بيستفيد لو تزوج غيرك والمشكله فيه هووضحي له ان فكرت الطلاق مستحيله ولا بتجي في بالك مهما كان وداومي على الاستغفار والدعاء اخر الليل والله يسخره لك يارب ويجعله مايشوف غيرك
  5. @mlk_alghmod

    اذا انتي حابته لا تطلبي الطلاق

    اذكر وحده زي حالتك قالها ابي اطلقك وتزوجي لانها كبيره اشوي سافر وقالها لا ارجع وانتي بالبيت وسبحان الله رزقها الله اللي اذكر بنت وزاروها اهله

تابعي تجارب أخرى من هذا القسم.