وانا سبقتكم. بالتغير. وترا هو شي يجر شي. يعني اذا غيرتي من شي. بتلاقين كل شي في محيطك يتغير.
بقول لكم قصه تغيري.
في الإجازة الصيفيه كنت ابي اشغل وقت فراغ بناتي. بدال هالملل فرحت ابحث عن شي ممكن يفيدهم. ---- يعني مافكرت في نفسي. وهذا. عيب فينا يالعربيات. دايم نوقف في اخر الطابور. ونعطي اللي حوالينا. وماناخذ. وهذا اكبر خطا في حق انفسنا.
المهم أني بعد بحث وتحري. وروحات وجيات واتصالات. قررت بعد مشاورتهم وموافقتهم أني ادخلهم دوره سباحه.
طبعا سجلتهم ودفعت الاشتراك. وخذيت. بطاقه الدخول لهم ومشيت. وثاني يوم دورتهم تبدا.
لما جيت المسبح معهم. هم دخلو.وانا استلمت الحراسة. عليهم. من زود الحرص. لقيت نسوان كبار في السن يتعلمون سباحه. حتى ان بعضهن جايه مع أحفادها. تخيلو. وانا. حارمه نفسي من هالمتعه. طول فتره هالساعتين وانا قاعده افكر. ليش. ماسجل ليش ماغير. وخاصه ان فيه بعض اللي لقيتهم. نزلو وزن عن طريق السباحة
قلت مابدهاش. خليني اجرب. وفعلا سجلت. ورحت اليوم الثاني الصبح اشتري لبس سباحه. والله وياخواتي. أنه شعور غيرررررر. وانتي قاعده تفرحين. نفسك. (( اذا مافرحتي نفسك ماحد بيفرحك )) خليها شعار لك. احفظيها وطبقيها وشوفي نتائجها
طبعا المدربه أتعبت وهي تعلم الدرس الواحد تعيده كذا مرة. ولكن أنا صامده وأحاول أتعلم واتدرب. والحمد لله. تعلمت بعد جهد جهيد. طبعا نسيت اقول لكم ان اللي شجعني زيادة. أني من ضحايا نقص فيتامين د. وهذا يخلي الواحد يتعب من ممارسه الرياضة
ّّّ قررت اصــــــــــــــــير انثى غيييييير ....غــــــــــــــير ....ّّّ
متابعة النقاش، صفحة 36
