ّّّ قررت اصــــــــــــــــير انثى غيييييير ....غــــــــــــــير ....ّّّ

المفروض نحط النقاط اللي لازم نسويها في جدول كل يوم حاجة او كل اسبوع حاجة مثلا اسبوع للتعامل مع الزوج ويستمر للاسبوع الثاني مع التعامل مع العيال وخفض الصوت والعصبية وزوي كدا وكل وحدة تقول هل عملت فيها اول لا لانه لو كل وحده تكتب يومياتها الكل بينتظرها وبيصير الموضوع قراية وحرمتين ثلاث يكتبون

وصار لخبطة في الموضوع اعتقد المفروض نبدا بنفسنا احنا يعني العيال والعبادات بعدين لانه من الاساس احنا مهتمين فيها <<< اقصد الفروض وحقوق الاولاد
فيكون الكلام عننا احنا لبست تعطرت حطيت وسويت لنفسي وقريت موضوع فلاني وسويت استرخا ورحت مشغل ونمت بدري <<< وجهة نظري اذا احد معاي او في خطا تكلموا
وفي ملاحظة المفروض الموضوع مايكون تبادل خلطات واساله واستفسارات لانه هالاشياء لها قسمها الخاص ومليان المنتدى مواضيع عنها والاستفسارات ايضا لانه كدا الموضوع بيصير ممل وبيطول صفحات وبالخير مصيره بيتقفل وبيخرج عن اساس الموضوع <<< عارفة اني بتهزأ لاني اتمنى يكون الموضوع فعلا مجدي معانا وياريت لو يصير زي همم التنظيف كل شهر اهتمامات واشياء وماشاء الله وصل لل24 وعساه لل1000 يارب
عني انا اليوم في نفسي مااهتميت بشئ للاسف كنت صايمة وعيالي والطبخ اخذوا كل وقتي

أنا معك يا قطرات المطر ... كلامك منطقي و عين العقل ... نبي نتكلم عن التغييرات الي عملناها لنفسنا بس
الأمهات دائماً يضحون بتفكيرهم في الزوج و الأولاد و ينسون نفسهم ... ما يعرفون ان اهتمامهم بنفسهم راح ينعكس بشكل إيجابي على الجميع ..

وانا من الأمهات الي عانوا من الملل و الروتين اليومي لكني ما استسلمت و قررت أغير و أجدد و أستمتع و أبدع و أنتج
فبعد ولادتي انقطعت عن الدراسه لكني رجعت كملت بعد ثلاثة سنوات ولله الحمد
أنهيت دراستي و عاد الملل فقررت أمارس هواياتي في الرسم فاشتريت الكراسات و الألوان و الريش وووو. وبدأت أستمتع
و اشتريت لي مجموعة كتب كثيرة و صرت أقرأها بنهم لمتعتها و فائدتها ...
و كنت بين كل فتره و فترة أكتب شيء من مذكراتي بأسلوب أدبي بسيط ... و قررت بعدها أرتبها و أجمعها في كتاب ... أنهيته و بدأت في توزيعه من أيام ...

:timسلام عليكم ياااحلوووووووات شخبااركم للحين ناايمين حنا بالعصر الساعه 5 المهم انا طالبه منكم خدمه ابي اسماء كتب حلوه وممتعه لاني مو متعوده على القراءه بس ودي اشغل نفسي واثقف حالي ابي كتب في تطوير الذات ابي شي ممتع لاني بخلي اهلي يرسلونهاا لي مع شويه اغرااض المهم شكلي طولتها
انا يومي كان حلو ومتعب شغل عميق يعني ماسويت شي لنفسي امس حطيت زيت لشعري وماسك لوجهي
ارسم بس رسمي بسيط اذا فضيت صرت ارسم وافضفض
راجعه لكم الليله ياحلوااااااااااات:time::27:

شيخة استراليا : الكتب حسب ميولك انتي .. بس كبداية أنصحك بكتب القصص و الروايات الحقيقية مثل كتاب السجينة ، أوراق طالب سعودي في الخارج ، كفاحي ،
والا كتب علي الطنطاوي ممتعة و على شكل مقالات قصيرة يتخللها قصص حقيقية ، و عندك كتاب غازي القصيبي حياة في الادارة و الا الوزير المرافق جدااا ممتع و عبارة عن قصص واقعيه يتخللها سياسة السعودية بأسلوب رائع ... و فيه كتب تطوير بس أنصحك بالمترجمة الي تكون من الأكثر مبيعا اختاري حسب احتياجك انتي

بصراحه هذا هو الي في بالي هذي اليومين لاني خلصت امس دراستي الجامعيه وقلت ماوقفت الدنيا عند الدراسه ابغى اغير روتين الدراسه كله وقلت اول ماابدا ابغى اسوي صيانه كامله لبيتي لاني مع الدوام يادوب اسوي الامور السطحيه وامشي الحياه وبأقوي علاقتي بربي اكثر واكثر واحاول احفظ كل يوم وجه من القرآن وابغى ارجع علاقاتي مع الناس لاني مع الدوام انعزلت كثييييير وقصرت في حق كثير من الي حولي وبإذن الله التغيير جاري منذ هذي اللحظه وانا معك واتمنى هذا الموضوع يثبت ونشوف تطورات وانجازات بعض