حطي نفسك مكاني قبل تردين.منعطف خطربحياتي واصعب قرارلازم اتخذه يارب ارحمني>استوفي الرد

متابعة النقاش، صفحة 32

شاركي في النقاش

سجلي الدخول لإضافة تعليق.

التعليقات

355
  1. @azhar_almrykh

    غاليه الله يجزاك الجنه ويرفع قدرگ ويفرج همگ لا تطلبي الطلاق الله بيعوضگ خير احتسبي الأجر عند الله واعرف وحده زي حالتك و اعرس عليها وحملت اهي قبل زوجته (وعسى ان تكرهو شيئا وهو خير لگم ) وتوكلي على الله وخليگ واثقه بالله ما في احد الي ويمر عليه بلاء لكن الإنسان يصبر (واصبر وما صبرگ الا بالله ) وعليگ بالدعاء والاستغفار والصلاة الليل ؛(واستعينوا بالصبر والصلاة) الله ييسر عليگ وحوالي ترضين لان الرضاء يريح القلب وييجلب السعاده والله ما يكتب للإنسان الا الخير لگ الانسان دائما مستعجل (وخلق الإنسان عجولاً ) كان الله في عونگ وكرري قول ؛ حسبي الله لا اله الا هو عليه توكلت وهو رب العرش العظيم والله ما قلتها في هم الا ربي فرج همي وييسر امري الله رحيم بعباده ؛؛؛؛؛
  2. @saigoiaa

    صاحبة الموضوع
    السلام عليكم ورحمة الله وبركاته
    وصبحكم الله بالخير

    والله مواصله ومصددعه من البكي
    دخلت اكثر من مره اقرا نص الردود ومااقدر اكمل

    انا عارفه ان الحل الطلاق
    لاني ماراح اصبر على ضره اعرف نفسسي غيوره ومابتحمل

    بس بعد الطلاق وش بيصير
    مااراح يتقدم لي الا معدد
    وانا مااراح يطاوعني قلبي اسويها واخذ رجل من زوجته وعياله
    ولا ارمل عنده عيال بستاثم فيهم

    ويمكن ماايتقدم لي احد

    بعدين وش يضمن لي انسان كويس او لا
    بيحبني مثل زوجي الحين ؟؟ ماتوقع

    بوضح نقااط ماقلتها من اول

    بالنسبه للعلاج عالجنا وبكذا مكان
    بالسعوديه وباامريكا لما كنت ادرس وبمصر

    زوجي سوا عمليه الخزعه
    وطلعت النتيجه سلبيه ~> صفرر
    يعني ماعنده حيونات ميته او متشوهه
    لا كان مافيه اصلاً
    وفيه دكتور قاله هذا الشي اغلبه يكون بسبب روحاني يعني من مس او عين او سحر
    عشان كذا الي نصحوه بالزواج قالو يمكن لو تتزوج غيرها الله يرزقك

    كنت بسوي اطفال انابيب وبعد مشوار وتعب وإبر مالله كتب

    نقطه ثانيه
    وهو قالي لو بتزوج بااخذ ارمله او مطلقه عندها عيال

    بالنسبه لكفاله اليتيم رااافض رفض تاام
    يكفل ايتام هو لكن يقول مااجيبه واربيه
    من سنوات حاولت لكن مافيه فايده

     بالنسبه للي قالو نضرة الناس والعيب فيه
    الكل يعرف ان المشكله من زوجي
    طبعاً هو قال لما الناس صارو يضايقوني

    وبعد مامر على زواجنا خمس سنوات لما خيرني بالطلاق اول مره
    ولما اخترته هو راح وكلم اهلي
    حتى راح بروحه بدون ماادري
    وشرح لهم الوضع كله وكان يقول لاابوي ( هي قالت لي لاتقول لااحد بس انا جيت اقولك لانها بنتك بالنهايه
    ماابغى بعدين اذا صار شي لاسمح الله قلتو لعب عليها وضيع عمرها ومن هالكلام هي جلست معي باارادتها
    واذا انتم يااهلها تشوفون غير كذا الحق معكم وماراح الومكم )
    وابوي وقتها قال القرار راجع لها


    زوجي انسان متفتح وعاقل ويموت على شي اسمه اطفال
    حتى انه تزوج وهو صغير (22 سنه )
    كان يقول ابغى عيالي اذا كبرو يكون عمري قريب من عمرهم واقدر افهمهم
    بس سبحانه ربي ماكتب

    البارح لما رجع كان عادي وحتى كان جايب اغراض كنت ابغاها قبل
    صندوق خشب عجبني قبل بحط فيه اغراض واباجوره :09:
    وكان يسولف عادي ولا كانه قال شي
    كلمته وقلت له انت كنت تتكلم جد
    قال بإني اتزوج مااكذب عليك مو جد بس الانفصال كان جد
    لاني اشوف لهفتك للاطفال وانا مو قادر احقق لك هالششي
    انتي فكري بعقلك مو بعاطفتك

    مااقدر افصل عقلي عن قلبي

    هو قال خلاص قفلي على الموضوع الحين وجلسنا عادي من الساعه عشر لين ثلاث الفجر
    وبعدها قمنا ننام والله نايم وانا بس اطالع فيه
    مو متخيله ابدد ابدد
    لما صحى الفجر قال انتي للحين خلاص نامي
    وماراح يصير شي الا برضاك

    بس انا قلبي وش يطمنه خلاص مو مرتاحه
    حياتي مهدده ومو مستقره
    والله كل مايطلع يقبضني قلبي ماارتاح وتبدا الوساوس تجي وتروح

    والتفكيرررر ذبحني وافكر بااهلي وش بقول
    الاسبوع الي فات كنا عندهم وكنا سمن على عسل
    كيف اجيهم هالاسبوع واقول بتطلق
    يااااااارب رحممممتك
    املي بالله كبير انه يرزقني بهالفتره

    بنات الله يجزاكم خير ادعولي بالحمل والذريه الصالحه
  3. @gmod_mshaaar

    الله يعينك موقف صعب
    بس انتي لا تطلبي الطلاق،، واضح انه يحبك وان شاالله بيرجع لك
    ولو تزوج لا تسوي نفسك راضيه وتباركي
    الله يصرف نضره عن الزواج ويرزقكم قادر على كل شي
  4. @alzahf_4

    ياعمري عسى ربي يرزقك بالذرية الصالحة

    ياختي زوجك اناني مررررررررة بيتزوج عليك علشان هو يجيب عيال طيب انتي برضوه تبين عيال
    ودام عارف نفسه كان من الاول مو سرق عمرررررررك ثم قال طلاق او أتزوج عليك

    لو يحبك ماصار اناني وفكر يجيب فوقك ضره

    لاتخافين بنات اطلقوا واتزوجوا وجابوا عيال ومشت الحياة
    الحياة مو واقفة عند احد
    اسالي نفسك هالسؤال
    لو تزوج عليك وجاب عيال مع أني ماتوقع ماراح يطلق زوجته الثانية ولو ولووووو جاب عيال انتي وش موقعك من الأعراب بتظلين طول العمر بدون عيال علشان واحد اناني
    صدقيني انتي تحبينه من قلب بس هو لا مايحبك
    وحدة من جماعتنا والله لها ١٥سنة ماجابت عيال والعيب من زوجها بس صبرت لانها تحبه وهو يموت عليها وسبحان الله بعدها بسنة حملت بولد شوووووفي حكمة رب العالمين
    قولي للثور زوجك اذا يحبك يصبر ومافيه شئ بدون علاج
    وربي يوفقك ولاتزعلين مني
  5. @bsm_lkaaa

    استخيييييييييييري اولا

    ثانيا اعطيه مهللله سنه / اذا ماجاه عيااال اطلبي الطلااااق لأنه من حقك يجونك عيااال وانتي ماقصرتي معاااه

    تجملي معاه للآخرررر

تابعي تجارب أخرى من هذا القسم.