شاركي في النقاش

سجلي الدخول لإضافة تعليق.

التعليقات

1,871
  1. نغم ألأنوثه
    انا دحين اراجع في العسكري وان شالله ناويه اولد فيه اخت زوجي ولدت فيه تمدحه مرررره تقول نظافه واهتمام والممرضه تساعدك بكل شي والبيبي ياخذوه عنك واحلى شي نفسياتهم حلوه بس مافيه مرافق لان الممرضه تخدمك وان شالله ربي يوفقنا في احسن خل…
    روحي ياشيخة الله يسهل عليك ولادتك ويقومك بالسلامة وانت والبيبي بالف خير

    والله ماتدري كيف فرحت بردك اخيرا لقيت احد جرب الولادة بالعسكري

    ممكن تساليها عن الخياطة عندهم ممتازة او لا ؟؟واللي يولد دكتورة او قابلة ؟؟انتظر ردك؟؟
  2. @nghm_alanothh

    النجمةالشرقية
    روحي ياشيخة الله يسهل عليك ولادتك ويقومك بالسلامة وانت والبيبي بالف خير والله ماتدري كيف فرحت بردك اخيرا لقيت احد جرب الولادة بالعسكري ممكن تساليها عن الخياطة عندهم ممتازة او لا ؟؟واللي يولد دكتورة او قابلة ؟؟انتظر ردك؟؟
    اميييين ويااك يارب

    هي ما أشتكت من الخياطه انها سيئه بس يمكن لانه اول مولود لازم خياطه ممتازه

    لا هي كانت حالتها صعبه واللي ولدها استشاري عبيد الحربي حاول معها تولد طبيعي والحمدلله

    ربي يسهلها عليك يارب

    الولاده كلها توفيق من ربي

    وان شالله خير يارب
  3. @dark_engal_1

    مساء الخير حوامل

    اخيرا خلصت الصفحات ماانتبهت للموضوع الا اليوم انا حامل بالشهر التاسع وهاذا حملي الثاني وبحملي الاول ولدت بمستشفى الولاده قبل 3 سنين


    بس ليه ماتحطوا تجاربكم بمستشفى الولاده بالنسبه لولادتي الاولى قعدت لحد ماكملت 9 شهور وولدت باليوم الي حددته الدكتوره وماكانت تجيني اي طلوق طول فترة الحمل وحركتي كانت خفيفه بعكس هاذي المره اتعب من اقل مجهود ويوم الولاده رحت المستشفى وانا خلاص منتهيه قالت الدكتوره لسه امشي ورحت مشيت برا المستشفى اشويه ورجعت كشفت وقالت 7 خلاص ولاده وطلعوني فوق وولدتني قابله جنسيتها اسيويه وكانت الدكتوره تجي بس تطمن على الوضع وتروح بس طبعا ماكان فيه اي مسكن حتى وقت الخياطه حطت مسكن بس كان خفيف مره مافادني بس خياطتها كانت كويسه خيطتلي من برا ومن جوا

    في شي مهم اغلب الحوامل يروح عن بالهم يوم الولاده تقول تعذبت ولا حسيت بالبنج وتكون هي قبل ولادتها متعوده تشرب المنبهات زي الشاي والقهوه ومعروف ان المنبهات ماتخلي البنج ياخذ مفعوله بالجسم بشكل كامل فالافضل تبعدوا عنها بهاذي الفتره افضلكم

    نرجع لموضوع الخياطه انا الي عرفته ان شاء الله يكون صح انه في ثلاثة انواع من الخياطه
    الخياطه العاديه تخيط بس التوسعه الي تسويها الدكتوره وقت خروج الراس
    الخياطه التجميليه تخيط التوسعه وتضيق كمان المنطقه شويه ماادري اذا كانت من جوا بس زي خياطتي ولا من جوا وبرا كمان
    العمليه التجميليه هاذي مااعتقد انها تنفع تتسوى بعد الولاده لانهم يقصوا من المنطقه ويضيقوها وهاذي ماتنفع الا بعد ولادت كثيره لانه لو الدكتوره قصت و ضيقتها كثير راح تتعذب بالولاده الي بعدها

    عندي سؤال زوجي رافض نهائي اولد بالخاص مايثق فيهم من كثر المصايب الي نسمعها مع ان اغلب حماعته يولدون بالخاص
    وانا كمان ماني مرتاحه مره طول حملي وانا ادور ابغى مستشفى يكون بمستوى مستشفى الولاده لكن اغلبها تعبانه
    مستشفى المواساه وحده من قرايبه راحت لهم وهي بكريه واول ماشفوها قالوا انتي مستحيل تولدي طبيعي لازم قيصري وهي ماكن عندها اي مشكله وهي طنشتهم وراحت الولاده وولدت طبيعي ووحده ثانيه راحت بتولد عند دكتورتها الي كانت تراجع عندها ويوم الولاده كانت موجوده بس كانت عندها حالتين ولاده يستنوا الدكتوره تخلص حتى تولدهم فاختارت دكتوره ثانيه نسيت اسمها وكانت اخلاقها مره معدومه شوي وتضربها
    مستشفى الاحمدي النظافه معدومه ومليانه صراصير والمبنى صغير ويضيق الصدر وحضانتهم صغيره



تابعي تجارب أخرى من هذا القسم.